xoves, 17 de setembro de 2015

O tradutor de Microsoft xa está dispoñible para Windows 10

En Windows Phone 8.1 hai dende hai tempo unha popular aplicación chamada Traductor e, como ben indica o seu nome, trátase dun completo tradutor entre dúas linguas que seleccionemos, podendo introducirse as frases a traducir mediante teclado, voz ou cámara, e agora que xa temos Windows 10 en ordenadores e é inminente a súa chegada aos móbiles, por fin temos Traductor 10 Beta, aplicación que xa está dispoñible para a súa descarga, e que busca contribuír a facer traducións en mobilidade, incluso cando non teñamos acceso á Rede (de descargar previamente os paquetes de idioma entre os que queiramos traducir). Os resultados da tradución tanto podemos velos en pantalla como escoitalos a través dos altofalantes do noso dispositivo, o que pode resultar moi práctico para facernos entender cando viaxemos ao estranxeiro ou atopemos a unha persoa que fale outro idioma.
Como curiosidade propia de Windows 10, cando ancoremos a aplicación ao Inicio, atoparemos que na baldosa da aplicación parece unha palabra ou frase nova cada día para axudarnos a ampliar o noso vocabulario.

Ningún comentario:

Publicar un comentario