Desde a suspensión das cotas leiteiras Galiza perdeu case unha explotación gandeira por día
A crise que afecta o sector gandeiro do leite dende hai tempo e que, nos últimos días, desembocou en mobilizacións masivas por diversos puntos do noso país, alerta do dramático resultado das políticas deste goberno, que co seu desleixo e parsimonia pon en risco a supervivencia dun dos sectores fundamentais da nosa economía, vital para o desenvolvemento do noso país e da nosa xente, e ameaza a subsistencia e medio de vida de moitas persoas.
Dende o un de abril deste mesmo ano, data de suspensión das cotas leiteiras polas que se rexeu o sector dende a entrada de España na Unión Europea, Galiza perdeu case unha explotación gandeira por día, diante da inacción do noso goberno, que parece defender intereses alleos aos da meirande parte da poboación sobre quen goberna.
A liberalización deste mercado e por tanto, a ausencia de controis gobernamentais que garantan os dereitos de boa parte dos pequenos produtores do noso país, favorece a compangada das grandes distribuidoras do sector, pactando os prezos polo miúdo, repartindo entre elas as zonas de recollida, alleas a criterios que salvagarden tamén os intereses dos pequenos produtores que na Galiza son, e moitos, cada vez menos.
Neste contexto de abuso e de falta de vontade política, que constitúe unha traizón á cidadanía, o STEG quere facer pública a súa solidariedade co sector gandeiro e coas persoas traballadoras do mesmo, e adhírese á súa principal reivindicación: un prezo xusto para o leite galego nun marco que non condene unha parte importante da nosa xente, a nova e a vella, á ruína. Pero tamén a posta en valor do agro, un dos sinais fundamentais de identidade do noso país, que contribúa a evitar así o masivo despoboamento que está a vivir o rural na Galiza cara os grandes núcleos de poboación.
Por todo isto: o STEG apoia a reivindicación do sector gandeiro.
pdf co documento
A crise que afecta o sector gandeiro do leite dende hai tempo e que, nos últimos días, desembocou en mobilizacións masivas por diversos puntos do noso país, alerta do dramático resultado das políticas deste goberno, que co seu desleixo e parsimonia pon en risco a supervivencia dun dos sectores fundamentais da nosa economía, vital para o desenvolvemento do noso país e da nosa xente, e ameaza a subsistencia e medio de vida de moitas persoas.
Dende o un de abril deste mesmo ano, data de suspensión das cotas leiteiras polas que se rexeu o sector dende a entrada de España na Unión Europea, Galiza perdeu case unha explotación gandeira por día, diante da inacción do noso goberno, que parece defender intereses alleos aos da meirande parte da poboación sobre quen goberna.
A liberalización deste mercado e por tanto, a ausencia de controis gobernamentais que garantan os dereitos de boa parte dos pequenos produtores do noso país, favorece a compangada das grandes distribuidoras do sector, pactando os prezos polo miúdo, repartindo entre elas as zonas de recollida, alleas a criterios que salvagarden tamén os intereses dos pequenos produtores que na Galiza son, e moitos, cada vez menos.
Neste contexto de abuso e de falta de vontade política, que constitúe unha traizón á cidadanía, o STEG quere facer pública a súa solidariedade co sector gandeiro e coas persoas traballadoras do mesmo, e adhírese á súa principal reivindicación: un prezo xusto para o leite galego nun marco que non condene unha parte importante da nosa xente, a nova e a vella, á ruína. Pero tamén a posta en valor do agro, un dos sinais fundamentais de identidade do noso país, que contribúa a evitar así o masivo despoboamento que está a vivir o rural na Galiza cara os grandes núcleos de poboación.
Por todo isto: o STEG apoia a reivindicación do sector gandeiro.
Permanento do Secretariado Nacional
Setembro de 2015
Setembro de 2015
pdf co documento
Ningún comentario:
Publicar un comentario