xoves, 30 de abril de 2015

O estudantado de 1º de BAC contará cunha hora máis de Filosofía o vindeiro curso

A Consellaría de Educación aceptou a proposta da CIG-Ensino xunto coa de permitir o acceso do profesorado interino ás licenzas de formación.

A Mesa sectorial de Educación decorida na terza feira reuniu as organizacións sindicais e @s representantes do gobeno galego. Riba da mesa a aplicación da LOMCE e do decreto que desenvolve a nova política educativa, nomeadamente en relación aos currículos escolares do ensino secundario e bacharelato.
Após expor o seu rexeitamento á nova norma e demandar a súa retirada por afondar nun ensino "mercantilista" e "privatizador", desde a CIG-Ensino arrincáronlle dous compromisos á Consellaría de Educación: ampliar unha hora máis o estudo de Filosofía no primeiro curso de Bacharelato e a posibilidade de que o profesorado interino acceda ás licenzas de formación no vindeiro curso (2015-2016). A respeito das licenzas de formación a central sindical denunciou a "drástica redución" destas horas desde 2012 pasando de 1.450 o cómputo total a apenas 500 nos dous últimos cursos.
Na xuntanza, a organización sindical maioritaria expuxo ao conselleiro, Román Rodríguez, o seu rexeitamento ás reválidas que atinxirán o estudantado de Primaria, Secundaria e Bacharelato por supor a "supresión na práctica da avaliación contua". Estas probas comezarán a aplicarse este curso entre o alumnado de 3º de Primaria e afectarán a 22 mil estudantes.

Xa poden colexiarse no CPETIG as persoas graduadas en Enxeñaría Informática

O Colexio Profesional de Enxeñaría Técnica en Informática de Galicia vén de informar que as persoas que teñan título universitario de Grao en Enxeñaría Informática xa poden colexiarse no CPETIG, en virtude dos novos estatutos do colexio, acordados pola asemblea xeral da entidade profesional celebrada en novembro do pasado ano e publicados no DOG o 10 de abril. “Deste xeito”, sinala a plataforma que preside Marcos Mata, “fica ampliado o abano de profesionais colexiábeis, que ata o de agora reducíase aos titulados en Enxeñaría Técnica en Informática”. Asemade, poden colexiarse as persoas en posesión de títulos universitarios homologados con algún dos dous devanditos.
Segundo nos informa a entidade galega, os estatutos do CPETIG tamén permiten darse de alta como “precolexiadas” ás persoas que estean a cursar estudos de Informática, con dereito ao emprego dos servizos básicos e optativos do colexio, así como ás actividades que organice”. A “precolexiación”, sinala o colexio, é de balde. O CPETIG tamén lembra que está activo o Plan Colégate 2014-2015, creado para incrementar a integración dos nosos profesionais na entidade e intensificar así a defensa dos intereses profesionais “con substanciais vantaxes”, recorda o colexio, “como por exemplo un desconto do 25% da cota anual para os colexiados por cada colega que recomenden e un desconto do 50% da cota anual para a persoa recomendada”. Sinalar por último que os estatutos atópanse en liña nun documento en PDF achegado polo CPETIG.

Wert presenta a súa "modernas" reválidas franquistas.

350 preguntas tipo test para conseguir o título de secundaria e bacharelato

Dende que o Partido Popular chegou ao goberno hai case 4 anos os ataques á educación pública, orquestrados polo ministro Wert, estiveron na punta de lanza do goberno. Ao longo destes anos, tanto o ministro Wert coma o seu número dous, a multimillonaria señora Gomendio, destinaron cada segundo á fronte do ministerio a devolver a educación pública á época franquista.

A contrarreforma franquista de Wert devólvenos ás aulas dos anos 50

Unha das primeiras medidas deste nostálxico do franquismo foi a LOMCE, a nova lei educativa que supón un salto atrás no tempo sen precedentes. Esta lei veu acompañando o recorte de 7.000 millóns de euros ao ensino público, o despedimento de máis de 32.000 profesores nos nosos colexios e institutos, a imposición da materia de relixión, etc. Non obstante a principal característica da LOMCE é a segregación dos estudantes a través das reválidas, probas externas ao final de cada ciclo recuperadas directamente da ditadura franquista.
O pesadelo das reválidas: 350 preguntas tipo test para poder conseguir o título de ESO e Bacharelato.

Nas últimas semanas puidemos coñecer como serán estas reválidas, que segundo o proxecto do ministerio constarán de 350 preguntas tipo test divididas en 3 áreas: un primeiro área con 200 preguntas de todas as materias troncais, un segundo área con 100 preguntas de dúas materias optativas elixidas entre as troncais e un terceiro área con 50 preguntas sobre unha materia específica.

Estas reválidas faranse en 6º de primaria, 4º da ESO e 2º de Bacharelato, e exceptuando a primeira, nas outras dúas será necesario sacar polo menos un 5 sobre 10 para conseguir o título de secundaria e bacharelato respectivamente, independentemente de ter todo o curso aprobado. No caso da reválida de 4º da ESO, esta terá un peso do 30% da nota, mentres que á de 2º de Bacharelato lle corresponderá un 40% (como a actual selectividade). Pretenden que despois de aprobar todas as materias teñamos que volver examinarnos. Esta reválida o que busca precisamente é converter os estudos nunha carreira de obstáculos, segregando os estudantes por motivos económicos. Na situación actual, coa redución de profesores e con 40 alumnos en clase, calquera estudante que sexa fillo dunha familia adiñeirada, non terá ningún problema en pagar academias ou profesores particulares ante calquera dificultade para aprobar a reválida, en cambio, se es fillo dunha familia traballadora que non pode facer fronte a estes custos as túas posibilidades de superar a reválida redúcense considerablemente. O que pretenden dende o Ministerio de Educación é utilizar estes exames para expulsar centos de miles de estudantes do sistema educativo pola vía rápida e ademais sen cualificación, para poder explotarnos ao seu gusto no mercado laboral. A educación non se mellora con exames senón investindo recursos que readmitan aos nosos profesores despedidos, que reduzan o número de alumnos por aula, que aumenten os desdobres e a atención a alumnos con máis dificultades! Así si se podería mellorar a calidade educativa! O problema é que as súas intencións non son esas senón liquidar a educación pública por completo e deixar na cuneta os estudantes que provimos de familias traballadoras.

Preguntas tipo test para poder seguir despedindo profesores e pechar definitivamente a universidade para os fillos dos traballadores.

Ao ministro Wert e ao goberno do Partido Popular non lles importa a educación dos miles de estudantes de todo o estado. O exame tipo test non mide os coñecementos dos estudantes, todo o contrario, unicamente ten en conta datos específicos e unha única resposta final que non valora o procedemento nin o coñecemento xeral da materia. O ministro Wert sábeo, pero non lle importa que os nosos profesores se vexan obrigados a ensinarnos a facer exames en vez da materia correspondente, nin que os estudantes non aprendamos absolutamente nada máis que a memorizar como robots.

Os obxectivos do ministro e do goberno do PP con esta medida son claros: seguir privatizando a educación pública despedindo polo camiño centos de profesores da administración pública e substituíndoos por profesores do sector privado e máquinas que corrixan os exames e impoñer aínda máis trabas e filtros ao acceso dos fillos dos traballadores á universidade para que só os ricos poidan estudar.

Dende o Sindicato de Estudantes chamamos unha vez máis aos sindicatos de clase do profesorado e ás organizacións de nais e pais para organizar unha resposta contundente para parar este novo ataque. Como demostra a loita dos traballadores de Coca-Cola, a través dunha loita contundente pódese gañar e mandar dunha vez por todas a Wert e todas as políticas contra a educación pública o recolledor de lixo da historia

Proposta da CTNL para os programas das eleccións municipais 2015

A CTNL insta a todas as organizacións políticas a incluíren no seu programa para as eleccións municipais de 2015, cando menos, o seguinte punto relativo á política lingüística desde o concello, e complementario a outras propostas que se poidan ter para a normalización da lingua galega:
Poñer en valor a lingua propia e fomentar o seu uso e prestixio en todas as accións do concello e en todos os ámbitos e sectores do municipio, para o que se creará (ou potenciará e consolidará, de ser o caso) un servizo de normalización lingüística (SNL) estable (ben propio, ben compartido con outros concellos, no caso de concellos pequenos), dotado de recursos humanos e partida orzamentaria suficiente, e que planificará, xestionará e executará as accións e medidas axeitadas para o fomento do uso e prestixio do galego en todos os ámbitos sociais.

Máis información no web da CTNL.

Andalucía avanza as súas medidas alternativas á 'lei Wert'

Non temos máis remedio que poñer en marcha outras medidas sen caer na insubmisión", declarou este martes o conselleiro andaluz de Educación, Luciano Alonso, tras facer públicas en Sevilla as iniciativas previstas para reducir o impacto da Lei Orgánica de Mellora da Calidade Educativa (LOMCE) en Secundaria e Bacharelato no próximo curso. Entre as medidas previstas, a Xunta ofrecerá no seu currículo académico cursar Filosofía, Tecnoloxía, Economía, Linguas Clásicas e Música, materias que segundo a coñecida como lei Wert deixan de ser obrigatorias, pero que Andalucía considerará de libre configuración ou específicas.
Alonso confirmou que permanecerá en Secundaria a materia Educación para a Cidadanía. Son medidas que se aplicarán con carácter transitorio e que dan seguridade aos alumnos, profesores e familias. Ademais, blindarán o modelo educativo de escola inclusiva, equitativa e de calidade, destacou Alonso, quen recalcou que as modificacións garantirán o emprego para os 6.400 profesores que poderían verse afectados polos cambios curriculares descritos na Lomce. "Propoñemos tamén unha medida única entre todas as comunidades autónomas", avanzou Alonso en relación á formación que recibirán os alumnos de Formación Profesional Básica para que poidan optar a realizar o exame de reválida de Secundaria.
As medidas, tomadas tras unha serie de reunións con sindicatos, asociacións de profesores e directores, interventores e pais, foron foron criticadas polo delegado do Goberno en Andalucía, Antonio Sanz, que pediu á Xunta que deixe de usar os nenos "en experimentos partidistas e electoralistas".
Previamente, Alonso acusou tamén de "experimento" as avaliacións externas previstas na LOMCE. A primeira, en 3º de Primaria, comeza a partir da semana que vén en distintas comunidades autónomas. Andalucía non ten data concreta. Anunciou que fará a proba dentro da avaliación continua co profesorado público en lugar de docentes externos. Non farán públicos os datos para que non se publiquen rankings. "As nosas achegas foron tomadas en conta por Educación nas reunións previas que mantivemos coa Consellaría antes de que se tomasen estas medidas", afirmou satisfeito Juan Ruiz, presidente da Asociación de Inspectores de Educación de Andalucía, que se encarga de supervisar e controlar o cumprimento das leis en Andalucía.
En canto ás vías de estudos de Bacharelato, en Andalucía abriranse dous por cada unha das ramas a elixir. Se a lei do Goberno Central só establece esa alternativa aos Humanidades e Sociais, en Andalucía, a rama das Artes bifurcarase en Artes Escénicas ou Plásticas, e as Ciencias poderán ser da Tecnoloxías ou a Saúde. Ademais, de forma transversal, a Xunta promoverá un plan de formación para profesores e outro de apoio e soporte informático para a súa aplicación durante o próximo curso.

Galicia Bilingüe publica o borrador do plan da Xunta para impulsar o galego

O colectivo de Gloria Lago di que busca "suavizar" as medidas nas que traballa o Goberno canda institucións como a RAG e o Consello da Cultura para promocionar o idioma propio no tecido empresarial. 

"Suavizar el Plan". Ese é o obxectivo declarado por Galicia Bilingüe (GB) ao solicitar oficialmente participar no novo plan co que a Xunta  pretende fomentar o idioma propio no mundo empresarial.
A entidade contraria a normalización do idioma denuncia que se trata dun "lamentable proyecto de ingeniería social". En opinión do grupo que preside Gloria Lago, o Executivo non sabe interpretar os datos sobre o retroceso do idioma entre os máis mozos e co novo plan insite no "fracaso das políticas de imposición" e busca desviar a atención da polémica sobre o galego nas aulas.
Dende o Goberno defenden a necesidade do Plan. “O obxectivo é incrementar a presenza do galego na economía xa que é un ámbito de gran influencia e que ten un efecto multiplicador no resto da sociedade”, dixo o presidente do Goberno Galego cando presentou o proxecto. 
Para darlle forma concreta, a Consellería de Cultura xa remitiu un borrador a entidades, como o Consello da Cultura e a Real Academia. Galicia Bilingüe, "asociación pro libertad de elección de lengua", tamén logrou que se lle remitira o texto tras solicitalo oficialmente.
O colectivo anti-promoción do galego, como era de agardar, non aforra críticas ao documento. Na súa opinión, servirá para "ejercer una coerción indirecta en las empresas" e "crear una ficción de uso del gallego a través de incentivar, incluso pagar, su presencia en cartelería, campañas publicitarias, páginas web, imagen corporativa, presupuestos, hojas de pedido, albaranes, nóminas y otros".
Galicia Bilingüe foi un paso máis aló e publicou un listado coas 61 medidas concretas previstas no borrador. A asociación está remitíndoas a  "sus 5000 socios y simpatizantes" para que, malia que o colectivo xa as atacou publicamente, "puedan opinar" sobre as propostas do Executivo.
O cronograma incluído no "Documento estrutural básico do Plan de dinamización da lingua galega no tecido económico 2015-2020", tamén publicado por GB, prevé a súa aprobación antes de agosto. Outra entidades, como o Consello da Cultura, tamén recibiron o plan, pero non o subiron á Rede nin o valoraron aínda oficialmente.
GB e o PPdeG marcharon da man durante o bipartito, cando atacaron xuntos a suposta imposiciń do galego nas aulas. Unha vez  que recuperaron o poder, os conservadores marcaron distancias con Gloria Lago, quen os acusa de non cumplir as dúas promesas ao redor da liberdade de escolla do idioma nas aulas.

Fundaçom Meendinho pede compromisso lingüístico de partidos para eleiçons municipais

A Fundaçom Meendinho envou aos partidos e candidaturas das eleições municipais na Galiza um acordo solicitando que se posicionem nuns pontos mínimos a respeito da sua política linguística na autarquia.
A Meendinho fará público os posicionamentos e respostas das distintas forças antes da data das eleições municipais, para orientarem a cidadania o seu voto nesta questão tão importante. Proposta da Meendinho aos partidos políticos da Galiza, para reclamar seu compromisso com a língua própria da nossa comunidade no exercício da sua governança autárquica durante o período 2015 a 2019.

Ver a Proposta:
https://docs.google.com/file/d/0Bx73XRqnojS9cFJvOGJ5MUlOWjNkdnE3aVNCeG1tZENPTWxj/view

Apoio unánime do Parlamento a declarar 2016 Ano das Irmandades da Fala

Os grupos apoiaron a proposición non de lei do BNG para instar á Xunta a facer a declaración oficial para divulgar o traballo e a herdanza dese movemento.

O Parlamento galego insta á Xunta a que declare oficialmente 2016 como o Ano das Irmandades de Fala. Así o solicitaba a proposición non de lei presentada polo BNG e que contou co apoio de todos os grupos parlamentares. A deputada nacionalista Ana Pontón congratulouse da unanimidade no hemiciclo e amosou o seu desexo de que a Xunta estableza un programa de actividades para divulgar o coñecemento do “importantísimo labor desta organización” para acadar “unha Galiza máis libre, culta, xusta e comprometida consigo mesma” para o que pediu dotar  de fondos necesarios aos organismos responsábeis do programa de divulgación.
A campaña para que 2016 se declare Ano das Irmandades da Fala naceu do comité promotor ‘Ora Galega’, para conmemorar o centenario dunha organización que “supuxo unha nova forma de concibir o país” co “desenvolvemento da consciencia da Galiza, da defensa da súa lingua, cultura e identidade”.  Como parte da mesma, hai unha recollida de sinaturas.

Uns 22.000 estudantes de Primaria pasarán a reválida que tentan evitar profesorado e pais

Arredor de 22.000 alumnos de oito anos levarán a cabo os vindeiros 27 e 28 de maio a proba de terceiro de Primaria que impón a Lomce e que se realizará nuns 800 centros educativos de Galicia. Esas son as previsións que este mesmo martes fixo o conselleiro de Educación, Román Rodríguez, que quixo mandar unha "mensaxe de tranquilidade" ante a campaña de boicot levada a cabo por algún sindicato e federación de anpas e o rexeitamento frontal de toda a comunidade educativa ante esta "reválida".
Uns 22.000 alumnos de terceiro de Primaria deberían levar a cabo a proba o 27 e 28 de maio en 800 centros educativos
A Xunta insiste en que a proba é moi semellante á que xa se realiza en cuarto de Primaria e, aínda que este ano é orientativa, pretende achegar datos de resultados individuais por alumno, unha información que asegura que será "estritamente privada" e que só coñecerán pais e titores. Rodríguez definiuna como "ferramenta metodolóxica" para actuar en base a esa información e mellorar o proceso educativo.
Sindicatos e organizacións de anpas coinciden en rexeitar esta proba, que cren que "entra en contradicción coa avaliación continua" ao "someter a un estrés innecesario a alumnado de oito anos de idade e porque cos resultados destas probas tense previsto establecer ránkings que servirán a posteriori para determinar que centros deben levar máis recursos, rompendo os principios de equidade e igualdade de oportunidades". Así o manifestan, entre outros, o STEG, CIG-Ensino, Confapa e Anpas Galegas sobre unha "reválida" que debe pasar todo o alumnado, incluído os que teñen necesidades educativas especiais, e que avaliará as competencias lingüísticas en galego e en castelán, así como en matemáticas, cuxa proba será en español como a materia.
Sindicatos educativos e anpas censuran o "estrés innecesario" aos pequenos e a "ruptura dos principios de equidade e igualdade de oportunidades"
"É unha presión e un estrés innecesario a rapaces de oito anos", coinciden as federacións de anpas, que ven na proba unha intención de elaborar "ránkings" e provocar a "segregación" e o "beneficio final da educación privada". Helena Gómez, presidenta da Confapa, aclara que a súa organización xa enviou uha carta ao conselleiro de Educaicón e ao Consello Escolar de Galicia pedindo que expliquen "que reforzos se van poñer en marcha no caso de que algún centrou ou alumno non supere a proba". "Non houbo resposta", insiste, polo que desde a súa entidade xa puxeron a disposición das familias un escrito para que envíen ao director do centro dos seus fillos e ao consello escolar para "prohibir que se lle faga a proba" ao alumno no caso de que non se dea resposta á cuestión.
A Confapa promove que os pais envíen unha carta aos centros para "prohibir que se lles faga a proba" aos seus fillos
Será esta unha das formas coas que se intentará evitar que os alumnos pasen unha "reválida" que boa parte da comunidade educativo considera "innecesaria e prexudicial". As Anpas Galegas, pola contra, coinciden no rexeitamento e "entende e comprende" o boicot que pretende algún sindicato, pero cren que "é moito máis eficaz facer unha denuncia conxunta" desta proba.
Porque foi STEG quen propuxo claramente o boicto a unha proba que, como recordan, a partir do curso 2015-16 limitarán tamén "as opcións de continuación de estudos en niveis superiores para o alumnado que obteña malos resultados nelas". "Condenarán desde 3º de Primaria a unha parte non pequena do alumnado ao fracaso escolar e á exclusión", din. Por iso, pide aos claustros e consellos escolares que se "pronuncien masivamente" contra a realización destas reválidas e solicita ás nais e pais do alumnado que non os leven ao centro educativo ese día para "amosar o desacordo coa devandita proba e reivindicar a súa eliminación".
O STEG propón non levar os nenos á clase ese día e a CIG propón aos docentes que "non colabore" na aplicación nin corrección
É a súa maneira de "esquivar ou eludir" as probas, tras advertir que "non realizalas non acarreará consecuencias legais nin académicas" ao ser este ano de carácer orientativo. A posibilidade de que o PP perda a maioría absoluta e a lei educativa volva ser modificada engade sentido, segundo STEG, ao boicot a esta proba.
O sindicato tamén advertía das intencións da Xunta de que fosen os docentes quen corrixan os exames, o que iría contra a propia Lomce, que impón unha "avaliación externa". O conselleiro Román Rodríguez aclarou que para a realización da proba constituirase en cada centro unha comisión de coordinación e que serán despois os seus equipos de profesores os que procedan a avaliación, pero non dos seus alumnos.

"Nada extraordinario nin rarísimo"

CIG-Ensino, pola súa banda, xa presentou unha emenda á totalidade perante a Permanente do Consello Escolar do Estado para reclamar a retirada do proxecto de real decreto polo que se regulan as probas da avaliación final de Primaria, Secundaria e de Bacharelato. Advirte que estas probas supoñen "unha nova discriminación social, xa que só pretenden medir resultados, sen ter en conta o contexto e as circunstancias económicas, culturais e familiares, nin as carencias e necesidades para conseguir os resultados necesarios".
Así, o sindicato nacionalista xa "propón" ao profesorado que "non colabore nin na aplicación, nin na corrección das probas, para así expresar o noso rexeitamento a unha medida que vai afondar nas desigualdades e na redución de oportunidades para o alumnado".
Desde Educación, non obstante, Román Rodríguez insiste en que non se busca "nada extraordinario nin rarísimo" e que a información que se obterá "nunca sobra". O director xeral de Educación, Manuel Corredoira, aclarou que a reválida só será "un referente máis" pero non "determinante". "É unha mellora sobre o que había, claramente, como indica o nome da lei", rematou o conselleiro.

mércores, 29 de abril de 2015

A oceanógrafa Ángeles Alvariño, protagonista do 'Día da Ciencia en Galicia'

A oceanógrafa ferrolá Ángeles Alvariño será a primeira homenaxeada no Día da Ciencia en Galicia, celebración promovida pola Real Academia Galega de Ciencias (RAGC) que substitúe o Día do Científico Galego para darlle "un carácter máis aberto e unha maior dimensión á conmemoración", que se celebrará o vindeiro 1 de xuño. As actividades conmemorativas, nas que colaboran a Fundación Barrié, o Instituto Español de Oceanografía e a Xunta, estenderánse ao longo de varios meses.
A homenaxe a Alvariño coincide co décimo aniversario do falecemento desta investigadora, que ao longo de catro décadas de carreira, converteuse nunha experta mundial en zooplancto, descubrindo un total de 22 novas especies
A homenaxe a Alvariño coincide co décimo aniversario do falecemento desta investigadora, que ao longo de catro décadas de carreira, converteuse nunha experta mundial en zooplancto, descubrindo un total de 22 novas especies animais mariñas de pequeno tamaño. Foi a mediados do século XX a primeira muller científica que traballou en campañas oceanográficas levadas a cabo por navíos de exploración británicos.
Naceu en Serantes en 1916. Tras estudar en Santiago de Compostela e Madrid, comezou a investigar en Vigo, no Instituto Español de Oceanografía, especializándose en zooplancto. Os maiores expertos no grupo no que centraba os seus estudos, os quetognatos, estaban nos Estados Unidos, polo que, grazas a unha prestixiosa bolsa Fullbright, se trasladou ao Woods Hole Oceanographic Institute (Massachusetts), onde colaborou coa experta zooplanctóloga Mary Sears. De Massachusetts pasou a traballar no Instituto Scripps de Oceanografía, en La Jolla (California) e no Servizo Nacional de Pesca Marítima dos EEUU. Ademais do seu labor como investigadora, Alvariño tamén dedicou moito tempo a educar aos futuros biólogos mariños, impartindo clases nos EE.UU, México e Brasil.
Xubilada oficialmente en 1987, Alvariño dedicou entón a súa atención á historia da ciencia mariña, levando a cabo unha extensa investigación sobre os exploradores españois, estudando especialmente a primeira expedición científica oceánica que viaxou ao longo dos océanos Atlántico e Pacífico desde 1789 a 1794. Faleceu en 2005 en California, onde residía. A Universidade da Coruña dedicoulle entón a súa Semana da Ciencia e o o Concello de Ferrol realizou unha homenaxe póstuma no Campus de Esteiro, onde se descubriu unha placa conmemorativa. Ademais, en 1993 fóralle concedida a Medalla de Prata de Galicia. Así mesmo, os seus colegas puxéronlle o seu nome a dúas novas especies: o quetognato Aidanosagitta alvarinoae e a hidromedusa Lizzia alvarinoae. No ano 2012 o IEO botou un buque oceanográfico que foi bautizado co nome de Ángeles Alvariño e que desde entón é un dos principais recursos da investigación mariña española.
Ángeles Alvariño é a primeira figura feminina que protagoniza a reivindicación do valor da ciencia feita en Galicia a través dos seus representantes históricos máis destacados. Nas edicións anteriores foron homenaxeados o naturalista Luis Iglesias, o matemático Enrique Vidal Abascal, o xeógrafo Isidro Parga Pondal, o enxeñeiro agrónomo Cruz Gallástegui, o astrónomo Ramón María Aller Ulloa, o químico Antonio Casares e o humanista Padre Feijoo.

Queremos Galego reivindicará a lingua como a garantía de futuro do pobo galego este 17 de maio.




Manifestacións e concentracións encherán rúas e prazas de diferentes cidades e vilas galegas.
Marcos Maceira: “cómpre manter a resposta social, o activismo diario e a mobilización para que se produza a mudanza a favor do galego”.
 “A lingua galega non precisa propaganda hipócrita orientada a rebaixar acordos unánimes. Precisa accións reais e inmediatas para podermos vivir en galego con total normalidade”.
 
http://www.amesa.gal/wp-content/uploads/cartaza3maniqga3-.jpgA plataforma cidadá Queremos Galego, presentou hoxe aos medios de comunicación os actos que terán lugar en diferentes cidades galegas o 17 de maio ás 12 do mediodía, e xa confirmados na Coruña, Ferrol, Foz, Lugo, Ourense, Pontevedra, Santiago e Vigo e sobre os que se irán dando máis datos a través da web www.queremosgalego.org e as redes sociais. A convocatoria terá lugar baixo o lema Galego, garantía de futuro, porque, segundo indicou Marcos Maceira, portavoz da plataforma cidadá, a existencia e a normalidade da lingua galega é a garantía da existencia e do futuro do pobo galego, lembrando que ningún pobo pode aspirar ao progreso e ao avance social de costas á súa lingua.
Para os representantes de Queremos Galego, o actual goberno da Xunta actúa irresponsabelmente en relación ao noso idioma, lexislando contra el por primeira vez na historia, reducindo a súa presenza no ensino e o prohibíndoo para as matemáticas, a física, a química e a tecnoloxía, e ademais, segundo indicou Maceira, “por acción ou omisión, a Xunta néganos a posibilidade elemental de recibirmos, ou mesmo de optarmos polo galego no audiovisual, na dobraxe, no lexendado de filmes e series, nos servizos de atención telefónica, na etiquetaxe, na educación infantil, na formación profesional a distancia ou na formación de adultos, na administración electrónica, na xustiza ou na saúde, nos xoguetes e xogos infantís e xuvenís, entre outros”.
“Despois da masiva manifestación do 8 de febreiro, a única resposta que obtivo a sociedade galega foi un anuncio propagandístico, con máis nome que conteúdo”, en referencia ao Documento estrutural básico de dinamización da lingua galega no tecido económico, anunciado onte polo goberno galego e que malia as reiteradas solicitudes de envío por parte do portavoz de Queremos Galego á Secretaria Xeral de Política Lingüísitica, tivo que obter case clandestinamente, segundo afirmou.
Para Queremos Galego, “a lingua galega non precisa propaganda. Precisa accións concretas a favor dela, aprobadas unanimemente hai 10 anos no Plan Xeral de Normalización da Lingua Galega, que non só está sen activar senón que ademais toda a acción de goberno nos últimos 6 anos foi na súa contra”. Para o portavoz da plataforma Queremos Galego e presidente da Mesa pola Normalización Lingüística, Marcos Maceira, “dá a sensación de que é un anuncio máis para rebaixar na práctica o conteúdo do xa acordado por unanimidade en 2014, algo que non consentiremos”.
“Se o goberno galego realmente quixese comezar a traballar a favor do galego, comezaría por derrogar o decretazo do ensino, e deixaría de proscribir o termo “normalización” como está a facer, malia ser o termo empregado polo Estatuto, a Lei de Normalización Lingüística e o PXNLG. Faino porque é un termo indicativo da vontade de actuar para que a lingua propia de Galiza teña unha desenvolvemento plenamente normal”, engadíu.
Queremos Galego fixo , por último un chamado ao conxunto da sociedade a mobilizarse o 17 de maio, mais tamén nos días previos e a partir desa data. O pobo galego ten que ser o protagonista da reposición e normalización do seu idioma en todos os espazos e lugares e para todos os usos, activándose os 365 días dos ano.

Acelérase o envellecemento de Galicia

O envellecemento da poboación galega acelerouse nos últimos anos e, ao finalizar 2014, a media da poboación galega situouse nos 45,9 anos, segundo datos do Instituto Galego de Estatística (IGE). Paralelamente, as provincias interiores, Lugo e Ourense, continúan a súa despoboación.
O índice de envellecemento, que calcula o número de persoas de 65 ou máis anos por cada 100 persoas menores de 20 anos, desprende que en Galicia hai 149,3 persoas maiores. "O seu continuo crecemento (do índice) dende o ano 1975 reflicte a velocidade de envellecemento da poboación de Galicia nos últimos anos", destaca este instituto.
Deste xeito, a idade media de 45,9 anos sitúase dous anos e medio por enriba da que tiña en 2004, que era de 43,4 anos, tal e como recollen os datos demográficos.
A área máis nova é a provincia de Pontevedra, cunha idade media de 44 anos; seguida pola Coruña, con 45,6 anos; Lugo, con 49 anos; e Ourense, con 49,5 anos.
No referente á repartición por tramos de idade, o groso da poboación galega, o 60,64 por cento desta, sitúase entre os 20 e os 64 anos. Os máis mozos, menores de 20 anos, representan o 15,78 por cento do total, e as persoas de 65 ou máis anos o 23,58 por cento.
DISTRIBUCIÓN XEOGRÁFICA
As provincias da Coruña e Pontevedra continúan aumentando a súa poboación, e en 2014 representaron o 75,9 por cento do total da poboación galega.
En concreto, A Coruña concentra o 41,3 por cento; Pontevedra, o 34,6; Lugo o 12,4; e Ourense, o 11,7. O aumento da poboación nas provincias atlánticas constátase se se comparan estes datos cos do ano 2004, que situaban á Coruña cun 40,7 por cento do total poboacional da comunidade; Pontevedra, cun 33,8; Lugo, cun 13,1; e Ourense, cun 12,4.
No que respecta á densidade de poboación, indicador que mide o número de habitantes por quilómetro cadrado, a densidade media para a comunidade foi de 92,9 habitantes. As maiores densidades sitúanse nas provincias occidentais, cos 211,4 habitantes por quilómetro cadrado que ten de media Pontevedra, ou os 142,6 da Coruña, fronte aos 44,2 de Ourense ou os 34,7 de Lugo.
PESO RELATIVO
Ademais, o ano 2014 deixou en Galicia unha diminución do peso relativo da poboación galega respecto á poboación total de España. En concreto, a poboación galega representa o 5,9 por cento do total poboacional no conxunto estatal.
Desta forma continúa a caída do peso da poboación galega no conxunto da poboación estatal. No ano 2004 representaba o 6,4 por cento do total nacional.

«A gente nova que fala galego nom se envergonha da sua língua. Quem o fai é minoria, e isso é um bom sinal»

«No trânsito ao reintegracionismo ajudo-me de ter tam perto gente com consciência que, como eu, se preocupa pola situaçom da nossa língua, cultura e país»GALIZA 2020.

Existe umha imagem, tópica como muitas imagens, de que as pessoas da vossa idade nom se interessam por questons de índole social. Sodes umha exceçom?
Manuel Veiras (MV): É triste admitir que sim que existe umha certa apatia por parte da juventude a respeito destas questons. Nom penso que seja tam forte como se poda chegar a crer, posto que, polo que eu vejo, cada vez somos mais as que nos preocupamos e decidimos fazer parte (seja da maneira que for) dalgum tipo de atividade política, social, cultural, etc…
Natália Cea (NC): Há muita gente que nom tem a oportunidade de falar e penso que nestas idades o número de adultos que se param a nos ouvir é reduzido. Nom sei se nós somos exceçom mas considerando-o assim acho que há muitas mais exceçons por aí vivendo em silêncio.
Como é a fotografia lingüística de umha turma de secundário em Arçua? que línguas som usadas e quando som usadas, tanto dentro como fora das aulas?
MV: Gente que fala galego a tempo completo, gente que fala espanhol a tempo completo e gente que fala galego com quem lhe fala galego e espanhol com quem lhe fala espanhol. Nada fora do habitual na sociedade galega, em realidade.
NC: Polo que eu podo ver nas aulas de Arçua a língua com maior número de falantes é o galego. Estivem nos dous liceus da vila e de um a outro pude apreciar uma ligeira mudança na fala da gente. No liceu atual o castelhano tem um papel mais importante em comparaçom ao outro mas continua a ser o galego a língua mais falada em todas as aulas.
Outra imagem tópica revela que quando umha pessoa galegofalante conversa com umha castelhanofalante, dumha cidade por exemplo, acaba por renunciar a usar a sua língua. É mesmo assim?
MV: Polo que eu vejo no mundo em que vivo, isto existe, mas também nom é umha maioria. Se estamos a falar da juventude, claro. Entre as pessoas mais velhas o conto muda porque elas foram educadas doutra maneira. Mas a gente nova que fala galego nom se envergonha da sua língua. Quem o fai é minoria, e isso é um bom sinal.
NC: Na minha turma reparo muitas vezes neste facto. Às vezes vejo que a pessoa que renunciou à sua língua de maneira inconsciente apercebe-se rapidamente e regressa ao galego e outras vezes noto o seu esforço por se manter no castelhano, nom estando cómoda, simplesmente por “ficar bem”. No meu caso nunca renunciei, renuncio nem renunciarei à minha língua por motivos como este. No entanto, tenho amigas castelhanofalantes que quando falam comigo som elas as que mudam para a nossa língua.
Para vós, a língua galega nom acaba na Galiza, e sim é compartilhada com outras sociedades como a brasileira ou a portuguesa. Como chegastes a essa forma de ver e de viver a língua de umha focagem reintegracionista?
MV: Em meu caso, primeiramente houvo quem me passou informaçom sobre o movimento reintegracionista, que nom chegou para convencer-me ao cem por cento, até que um dia, ouvim umha cançom dumha banda portuguesa e digem “hóstia, compreendo tudo! pois sim que vai ser que falamos a mesma língua…”, e a partir de aí comecei a ler informaçom, que partilhavam comigo, com olhos diferentes.
NC: Tivem a sorte de contar na ESO com umha mestra reintegracionista que apesar de estar pouco tempo no meu liceu pudo deixar em mim a semente da curiosidade. Figem-me muitas perguntas e investiguei pola minha conta, à medida que via e lia cousas mais me convencia de que eu tinha que formar parte deste movimento mas, sinceramente, senti-me um pouco “sozinha” e decidim apartar tudo isso até chegar ao bacharelato onde conhecim gente com que encaixava, gente que compartilhava dúvidas comigo e gente que me podia dar muitas respostas que necessitava. Aí tomei a decisom de retomar o que tinha deixado anteriormente e um bom dia passei do “ñ” ao “nh” —ainda estou nesse trânsito—, aprendendo dia após dia. Ajudo-me do manual do Valentim Fagim e, sobretudo, de ter tam perto gente com consciência que, como eu, se preocupa pola situaçom da nossa língua, cultura e país.
Por que destes o passo à escrita em reintegrado? De que forma conseguistes achegar-vos ou aprender essa escrita?
MV: Dei o passo à escrita em reintegrado por diversas razons. A primeira, porque tomei consciência de que a língua que falo eu também é falada em Portugal, no Brasil, em Angola, e em muitos lugares mais. Para além disto, porque vim no reintegracionismo a oportunidade de limpar de castelhanismos a minha fala, purificá-la, dar-lhe saúde e afastá-la da espanholizaçom que está a sofrer.
Para achegar-me ao conhecimento da escrita foi fundamental ler. Lendo textos em reintegrado, aprende-se bastante, e utilizar um dicionário para as dúvidas é tremendamente útil, também.
NC: Que continue a haver docentes com verdadeira vocaçom que nos facilitem as armas precisas para aprender a pensar e nom copiar, repetir e memorizar. Se as pessoas soubermos pensar por nós próprias nom necessitaremos mais que botar umha olhada ao panorama para nos aperceber do que se está a passar e da necessidade de ter mãos no assunto.
Que é o que diríais a alguém que vive o galego como sendo só a língua da Galiza?
MV: Que fale com umha pessoa de Portugal, por exemplo. Se abrir as orelhas e a mente, aperceberá-se de imediato de que estám a falar o mesmo idioma.
NC: Recomendaria-lhe destruir as cancelas que seguramente lhe foram impostas e botar-lhe um olho a todos os quês e porquês do reintegracionismo já que acho que, normalmente, quem tem essa vivência é quem nom conta com a informaçom suficiente e é seguidor das crenças que ditam as “altas vozes”.

CreAPPcuentos xa está presente en máis de medio cento de centros educativos estatais

A aplicación galega CreAPPcuentos segue adiante coa súa colleita de éxitos e ampliacións (de mercados, fronteiras, funcionalidades, integracións e usuarios). Segundo puidemos saber esta semana, a app impulsada por Avelino Correa e Antonio Escudero para incentivar a creatividade dos nosos rapaces a través da creación de contos sobre a base dos dispositivos con Android ou iOS, xa superou amplamente a cifra de 20.000 descargas en máis de 70 países e está presente en máis de medio cento de centros educativos estatais. Esta vertente, a da súa actividade en centros educativos, confirma o potencial de CreAPPcuentos no ámbito educativo. O obxectivo agora: chegar a máis de 200 colexios e acadar a liña das 100.000 descargas.
Ao fío do devandito, xa o ano pasado Correa e Escudero insistían por unha banda na posibilidade certa de chegar ao dito número de descargas e, por outra banda, na capacidade da súa criatura tecnolóxica para fomentar a imaxinación e a aprendizaxe dos pequenos a través de personaxes dos contos de sempre coa creación de novas historias inventadas.
Segundo recorda o xornal en liña GCiencia nunha completa reportaxe sobre CreAPPcuentos, estamos ante unha aplicación interactiva para tabletas deseñada para crear “contos únicos e inéditos”, con personaxes universais e en calquera idioma. Na orixe mesma do desenvolvemento desta ferramenta atópase a seguinte pregunta: Como contar contos doutra maneira ao mesmo tempo que turramos do carro das TIC e lles tiramos o máximo proveito? “O que ofrecemos”, contan Correa e Escudero na dita reportaxe, “é a posibilidade de crear historias propias usando fondos e personaxes deseñados por prestixiosos ilustradores, fomentando a creatividade e a imaxinación; ademais, facilitamos a aprendizaxe de idiomas, xa que permitimos crear o conto cos textos e audios que decida o usuario, que poderá compartir as súas creacións e gozar das incribles historias creadas por outros accedendo a unha biblioteca virtual de contos”.
Respecto das novidades introducidas recentemente no seu seo, GCiencia salienta os plans de CreAPPcuentos para espallarse e afianzarse no mercado asiático. Para ir preparando terreo, os creadores da ferramenta teñen a firme decisión de integrar nas súas fileiras a algún artista procedente de países como Xapón, Corea do Sur ou China, “onde o mercado de aplicacións dixitais configurouse como o máis importante do mundo, xunto ao de Estados Unidos”. Este obxectivo concreto responde a unha estratexia xenérica dentro de CreAPPcuentos: a de dar forma a paquetes temáticos en múltiples países coa axuda e colaboración de desenvolvedores locais.

A CIG-Ensino reclamou a retirada do Decreto de currículos da ESO e Bacharelato e o adiamento da aplicación da LOMCE

A Consellaría acepta a proposta da CIG-Ensino de incrementar unha hora na materia de filosofía de 1º de Bacharelato e tamén accedeu á nosa petición de que o profesorado interino poida acceder ás licenzas de formación.

O Secretario Nacional da CIG-Ensino, Anxo Louzao, manifestou que “este Decreto emana da LOMCE e desde a CIG-Ensino reafirmámonos na necesidade da súa retirada. Comprobouse coa súa aplicación en Primaria o pasado curso que a Consellaría debería adiar a súa publicación, estamos repetindo o despropósito do ano anterior, pois é obvio que os currículos non se van publicar até o mes de agosto pois antes desa data non conseguirá pasar todos os trámites legais.”
Na mesa sectorial de hoxe tratábase o Currículo da ESO e do Bacharelato para a aplicación da LOMCE e o seu calendario de implantación.
O Secretario Nacional da CIG-Ensino, Anxo Louzao, manifestou que “este Decreto emana da LOMCE e desde a CIG-Ensino reafirmámonos na necesidade da súa retirada. Comprobouse coa súa aplicación en Primaria o pasado curso que a Consellaría debería adiar a súa publicación, estamos repetindo o despropósito do ano anterior, pois é obvio que os currículos non se van publicar até o mes de agosto pois antes desa data non conseguirá pasar todos os trámites legais.” Anxo Louzao tamén manifestou que “é un despropósito que se pretenda unha aplicación sen tempo suficiente, un desprezo ao profesorado que non vai contar co documento definitivo para a realización das programacións e aos equipos directivos que non van poder establecer que cadros de persoal precisan ao non ter o Decreto definitivo en que se van recoller as materias a impartir e as súas cargas horarias. Mesmo é un desprezo ás familias e ao alumnado.” Por todos estes motivos a CIG-Ensino pediu que o tema quedase sobre a mesa e que se adíe a aplicación da LOMCE en Secundaria.
A CIG-Ensino criticou este Decreto por estar impregnado ideoloxía neoliberal e mercantilista do partido popular. “Aparecen materias como Iniciación ao mundo empresarial, Actividade emprendedora ou obxectivos transversal “adquisición de competencias para a creación e desenvolvemento de distintos modelos de empresas e o respecto ao empresario e á ética empresarial”, mentres non se recolle nada sobre o respecto aos dereitos laborais. É a ansia do PP por converter o alumnado en empresarios e empresarias, preguntámonos se será seguindo os modelos de Rato, Blesa, ou Díaz Ferrán. Estamos ante uns currículos que pretenden formar un alumnado alienado, man de obra submisa.” Denunciou Anxo Louzao.
“Imponse a retirada do decreto tamén polo seu desprezo absoluto ao noso país e á nosa cultura. Son currículos elaborados de costas á nosa realidade nacional e afondarán aínda máis no descoñecemento do que nos é propio para ir inoculando máis prexuízos e maior españolización. Eliminouse o pouco que facía referencia a Galiza. A nosa historia queda subsumida á española. Así, por exemplo, feitos históricos tan relevantes para a historia do noso país como o Reino Suevo, a etapa medieval, as revoltas irmandiñas, a emigración, etc. non teñen cabida no currículo escolar.  En filosofía non se recollen figuras como Prisciliano, Francisco Sánchez, Padre Feijoo ou Castealo.” O Secretario Nacional da CIG-Ensino incidiu na ideoloxización dun currículo que “trata exclusivamente o holocausto xudeu, mais esquece toda referencia á situación do pobo palestino ou o que significaron os procesos de colonización en América.” Un currículo que non ten en conta a situación do noso idioma, pois presenta un currículo integrado de linguas que non ten en conta o contexto de diglosia no noso país.
A CIG-Ensino manifestou o seu rexeitamento ás reválidas, que van supoñer eliminar unha parte importante do alumnado do sistema educativo, promover a ignorancia do propio, a supresión na práctica da avaliación continua e o desprezo ao noso traballo converténdonos en preparadores de reválidas a través das cales se invaden as competencias da Consellaría, enviando desde Madrid mesmo a tradución das probas. Neste sentido a CIG-Ensino esixiu da Consellaría que presente recurso contra o Decreto de reválidas por invasión de competencias.
A CIG-Ensino tamén reclamou a redución das rateos a 20 e 25 alumnos na ESO e no Bacharelato, a redución destas rateos nas aulas de linguas estranxeiras, que non se límite ao número de alumnos a oferta das materias de libre configuración ou de especialidade. Reclamamos a eliminación da relixión do currículo escolar e que o portugués sexa unha das materias a ofertar como segunda lingua estranxeira.
A CIG-Ensino propuxo que en Filosofía  se incremente a carga horaria de 1º de Bacharelato a tres horas, por ser unha materia troncal e imprescindíbel na formación do alumnado, proposta que foi aceptada pola Administración. A CIG-Ensino tamén propuxo que en 2º de Bacharelato se imparta Historia da Filosofía como materia de libre configuración.
En relación á materia de Tecnoloxía a CIG-Ensino propuxo que fose ofertada en 4º entre as materias troncais de opción na modalidade de ensinanzas académicas, que se cree un itinerario de tecnoloxía no bacharelato de ciencias en que se contemple as materias de Tecnoloxía Industrial I e II como materias específicas e ampliar o seu horario de 3 a catro horas. É dicir aseguraríase que os centros que hoxe imparten Tecnoloxía Industrial I e II no Bacharelato, poidan seguir a facelo.
En Música que sexa impartida en 1º da ESO unha materia de libre configuración de contido musical para que non se produza a ruptura coa etapa de Primaria e que no Bacharelato se imparta Historia da música con 4 horas.
Finalmente a CIG-Ensino reclamou que figure xa neste Decreto as materias de Literatura galega do s. XX, Xeografía e Historia de Galiza, Pensamento galego, Literaturas hispánicas Literatura Universal contemporánea.

Drástica redución en Formación do profesorado: 

Nesta mesa tratouse tamén a orde de licenzas retribuídas por formación para o curso 2015-2016. A CIG-Ensino denunciou en primeiro lugar a drástica redución destas licenzas de formación que se reducen nun 63% pois pasan de un cómputo de 1450 meses no curso 2012-2013, a 500 meses nos dous últimos cursos e nesta proposta para o vindeiro curso, é dicir, a Consellaría mantén a drástica redución a un terzo das licenzas por estudos.
A CIG-Ensino denuncia que esta modalidade de formación non está pensada para a mellora da calidade do ensino e da formación do profesorado, senón para pór en marcha e xeneralizar os plans estrela do PP: o proxecto Abalar e o Plurilingüismo, sen ter en conta as necesidades pedagóxico-didácticas do ensino, nin a situación do noso idioma, elementos estes que deberían ser os piares da formación do profesorado na procura dun ensino de calidade na nosa lingua.
A CIG-Ensino tamén denunciou que esta oferta consolida a eliminación das licenzas por estudos existentes até o curso 2011-12 para a realización de teses, obtención de licenciaturas, etc. e ademais este modelo de licenzas de  formación non abranguen na práctica ao conxunto do profesorado, xa que a modalidade 1 e 2 está pensada exclusivamente para o alumnado de 5º e 6º de Primaria e 1º e 2º de ESO.
A CIG-Ensino criticou que a Consellaría só se limita á elaboración de materiais dixitais, pensados para o proxecto Abalar, e materiais plurilingües, maioritariamente en inglés, desterrando calquera tipo de formación no ámbito pedagóxico-didáctico, formación en contidos transversais, etc. Especialmente alarmante é a desleixo da Consellaría en canto á utilización destas licenzas de formación para elaborar materiais en galego para as distintas materias e etapas, entre elas a FP, unha etapa especialmente deficitaria en materiais en galego.
A CIG-Ensino propuxo que se permita participar nesta convocatoria ao profesorado interino e a Consellaría aceptouno.

Uns 22.000 estudantes de Primaria pasarán a reválida que tentan evitar profesorado e pais

Arredor de 22.000 alumnos de oito anos levarán a cabo os vindeiros 27 e 28 de maio a proba de terceiro de Primaria que impón a Lomce e que se realizará nuns 800 centros educativos de Galicia. Esas son as previsións que este mesmo martes fixo o conselleiro de Educación, Román Rodríguez, que quixo mandar unha "mensaxe de tranquilidade" ante a campaña de boicot levada a cabo por algún sindicato e federación de anpas e o rexeitamento frontal de toda a comunidade educativa ante esta "reválida".
Uns 22.000 alumnos de terceiro de Primaria deberían levar a cabo a proba o 27 e 28 de maio en 800 centros educativos
A Xunta insiste en que a proba é moi semellante á que xa se realiza en cuarto de Primaria e, aínda que este ano é orientativa, pretende achegar datos de resultados individuais por alumno, unha información que asegura que será "estritamente privada" e que só coñecerán pais e titores. Rodríguez definiuna como "ferramenta metodolóxica" para actuar en base a esa información e mellorar o proceso educativo.
Sindicatos e organizacións de anpas coinciden en rexeitar esta proba, que cren que "entra en contradicción coa avaliación continua" ao "someter a un estrés innecesario a alumnado de oito anos de idade e porque cos resultados destas probas tense previsto establecer ránkings que servirán a posteriori para determinar que centros deben levar máis recursos, rompendo os principios de equidade e igualdade de oportunidades". Así o manifestan, entre outros, o STEG, CIG-Ensino, Confapa e Anpas Galegas sobre unha "reválida" que debe pasar todo o alumnado, incluído os que teñen necesidades educativas especiais, e que avaliará as competencias lingüísticas en galego e en castelán, así como en matemáticas, cuxa proba será en español como a materia.
Sindicatos educativos e anpas censuran o "estrés innecesario" aos pequenos e a "ruptura dos principios de equidade e igualdade de oportunidades"
"É unha presión e un estrés innecesario a rapaces de oito anos", coinciden as federacións de anpas, que ven na proba unha intención de elaborar "ránkings" e provocar a "segregación" e o "beneficio final da educación privada". Helena Gómez, presidenta da Confapa, aclara que a súa organización xa enviou uha carta ao conselleiro de Educaicón e ao Consello Escolar de Galicia pedindo que expliquen "que reforzos se van poñer en marcha no caso de que algún centrou ou alumno non supere a proba". "Non houbo resposta", insiste, polo que desde a súa entidade xa puxeron a disposición das familias un escrito para que envíen ao director do centro dos seus fillos e ao consello escolar para "prohibir que se lle faga a proba" ao alumno no caso de que non se dea resposta á cuestión.
A Confapa promove que os pais envíen unha carta aos centros para "prohibir que se lles faga a proba" aos seus fillos
Será esta unha das formas coas que se intentará evitar que os alumnos pasen unha "reválida" que boa parte da comunidade educativo considera "innecesaria e prexudicial". As Anpas Galegas, pola contra, coinciden no rexeitamento e "entende e comprende" o boicot que pretende algún sindicato, pero cren que "é moito máis eficaz facer unha denuncia conxunta" desta proba.
Porque foi STEG quen propuxo claramente o boicto a unha proba que, como recordan, a partir do curso 2015-16 limitarán tamén "as opcións de continuación de estudos en niveis superiores para o alumnado que obteña malos resultados nelas". "Condenarán desde 3º de Primaria a unha parte non pequena do alumnado ao fracaso escolar e á exclusión", din. Por iso, pide aos claustros e consellos escolares que se "pronuncien masivamente" contra a realización destas reválidas e solicita ás nais e pais do alumnado que non os leven ao centro educativo ese día para "amosar o desacordo coa devandita proba e reivindicar a súa eliminación".
O STEG propón non levar os nenos á clase ese día e a CIG propón aos docentes que "non colabore" na aplicación nin corrección
É a súa maneira de "esquivar ou eludir" as probas, tras advertir que "non realizalas non acarreará consecuencias legais nin académicas" ao ser este ano de carácer orientativo. A posibilidade de que o PP perda a maioría absoluta e a lei educativa volva ser modificada engade sentido, segundo STEG, ao boicot a esta proba.
O sindicato tamén advertía das intencións da Xunta de que fosen os docentes quen corrixan os exames, o que iría contra a propia Lomce, que impón unha "avaliación externa". O conselleiro Román Rodríguez aclarou que para a realización da proba constituirase en cada centro unha comisión de coordinación e que serán despois os seus equipos de profesores os que procedan a avaliación, pero non dos seus alumnos.

"Nada extraordinario nin rarísimo"

CIG-Ensino, pola súa banda, xa presentou unha emenda á totalidade perante a Permanente do Consello Escolar do Estado para reclamar a retirada do proxecto de real decreto polo que se regulan as probas da avaliación final de Primaria, Secundaria e de Bacharelato. Advirte que estas probas supoñen "unha nova discriminación social, xa que só pretenden medir resultados, sen ter en conta o contexto e as circunstancias económicas, culturais e familiares, nin as carencias e necesidades para conseguir os resultados necesarios".
Así, o sindicato nacionalista xa "propón" ao profesorado que "non colabore nin na aplicación, nin na corrección das probas, para así expresar o noso rexeitamento a unha medida que vai afondar nas desigualdades e na redución de oportunidades para o alumnado".
Desde Educación, non obstante, Román Rodríguez insiste en que non se busca "nada extraordinario nin rarísimo" e que a información que se obterá "nunca sobra". O director xeral de Educación, Manuel Corredoira, aclarou que a reválida só será "un referente máis" pero non "determinante". "É unha mellora sobre o que había, claramente, como indica o nome da lei", rematou o conselleiro.

A Academia leva ao Tribunal Constitucional o decreto do plurilingüismo

O Plenario da Real Academia Galega decidiu presentar recurso de amparo perante o Tribunal Constitucional contra a sentenza do Supremo polo decreto do plurilingüismo no ensino non universitario. Afirma que se ve na “obriga” de facelo, en defensa das “persoas galegofalantes”.

A Academia decidiu continuar adiante nos tribunais coa súa oposición ao decreto do plurilingüismo no ensino non universitario e chega agora ao Tribunal Constitucional cun recurso de amparo contra a recente sentenza do Tribunal Supremo que ditaminaba sobre o recurso de casación á sentenza do Superior de Xustiza de Galicia.
A RAG asina, ao facer pública o recurso perante o Constitucional, un comunicado máis que cuestiona a política lingüística do goberno de Feijóo. A entidade presidida por Alonso Montero confesa verse “na obriga” de presentar o recurso na “defensa dos dereitos das persoas galegofalantes, que considera vulnerados polo devandito decreto”. Continúa, pois, o proceso xurídico que se iniciaba coa demanda presentada pola RAG perante o Tribunal Superior de Xustiza de Galiza.
Vulneración do dereito de igualdade
O cerne do recurso móvese arredor da vulneración do dereito á igualdade que non está amparado, segundo din, na sentenza á que se refire. Os argumentos nos que se fundamenta o recurso de amparo da RAG son, entre outros, o dereito á igualdade e no mandato a prol da normalización lingüística recollido na propia Constitución e o Estatuto de Autonomías. Remítese tamén á Lei de Normalización Lingüística e á Carta Europea de Linguas Rexionais e Minoritarias, co máximo nivel de compromisos por parte do Reino de España que obriga entre outros “a ofrecer unha educación preescolar, primaria, secundaria, técnica e profesional garantida en lingua galega”.
"Perpetúa a situación de inferioridade"
“O máis grave é que o dito decreto perpetúa a situación de inferioridade da lingua galega, afondando nos prexuízos contra a mesma, ao excluír taxativamente o seu uso nas materias de contido científico”, di no seu texto unha Academia que entende que o  Decreto 79/2010 no canto de desenvolver a LNLG “en realidade está en aberta contradición con esta, obviando o concepto de normalización e anunciando no preámbulo un cambio do marco legal, pese a que se trata unicamente dunha norma para o desenvolver”.  A Real Academia Galega entende que as devanditas consideracións fundamentan o recurso ante o Tribunal Constitucional, sendo que poñen de manifesto a vulneración do dereito fundamental á igualdade non amparado na sentenza recorrida.
“A propia xurisprudencia do Tribunal Constitucional ten establecido que ambas as linguas oficiais (galego e castelán) deben ter unha presenza no ensino suficiente para garantir a consecución do obxectivo de igualdade”, explícase no recurso, remitindo ás propias sentenzas emitidas polo TC.

martes, 28 de abril de 2015

Mais destruiçom de emprego na Galiza, apesar do despovoamento e da "recuperaçom" do PP

Os limites da propaganda nom demorárom a ficar ao léu, com o desemprego em alta e destaque para o de longa duraçom, as pessoas novas e as mulheres.
Som os dados oficiais do Inquérito de Populaçom Ativa (EPA nas suas siglas espanholas) para o primeiro trimestre de 2015, que indicam o claro incremento de quase 12 mil pessoas desempregadas na Galiza autonómica (excluem-se as comarcas do leste).
O aumento é mais significativo tendo em conta a perda continuada de populaçom na Galiza (2.900 pessoas nos últimos três meses, com umha reduçom de 1.100 pessoas na populaçom ativa).
A populaçom ocupada caiu em 12.900 pessoas, aumentando o número de famílias com todos os seus integrantes desempregados e desempregadas, 6.500 mais do que no trimestre anterior, aproximando-se das 100 mil (concretamente, 95 mil).
Os governos espanhol e galego apelam a um suposto melhoramento dos dados em termos interanuais, mas a realidade é que a reduçom de 21.200 pessoas desempregadas véu acompanhada de umha queda de 16.600 pessoas em situaçom ativa e de umha diminuiçom de quase 12 mil pessoas na populaçom da Comunidade Autónoma da Galiza.
164.800 desempregados e desempregadas som de longa duraçom (58,8% do total), que dizer, levam mais de um ano à procura de emprego, aumentando essa fatia em 5,78% se comparado com o fim do ano 2014.
Mais desemprego e precariedade (se cabe) no trabalho juvenil e feminino
Os novos dados do desemprego no primeiro trimestre indicam também a tendência precarizadora imposta polas leis alegadamente "anti-crise" em matéria laboral: das 774.000 pessoas assalariadas na Galiza atual, 591.500 tenhem contrato indefinido, enquanto 182.500 tenhem contrato temporário.
Para além das escassas garantias da maior parte dos atuais contratos indefinidos, o certo é que no trimestre anterior havia 4.900 pessoas assalariadas mais com esse tipo de contrato, caindo portanto o número em quase um ponto percentual (0,8%). Os contratos temporários caem em 7.100 pessoas (3,7% em relaçom ao quarto trimestre de 2014).
Porém, é na faixa de idade entre 20 e 34 anos que mais caiu a ocupaçom (13.300 pessoas menos ocupadas), sendo toda essa ocupaçom perdida de tempo completo, o que incide na precarizaçom dos contratos, cada vez mais temporários e fragmentários.
Das 16.600 pessoas que perdêrom o emprego em relaçom a 2014, 11.200 som mulheres e 5.400 som homens. Eis o fator sexual indicando a maior precarizaçom feminina, tal como o fator idade a indicar a destruiçom de emprego nas idades mais baixas: 9.500 pessoas entre 25 e 29 anos; 7.900 entre 30 e 34; 7.700 entre 20 e 24 (dados interanuais).
O desemprego juvenil (entre 16 e 29 anos) subiu até os 37,2%, caindo os contratos indefinidos em 1,8% em relaçom ao trimestre anterior.

O fondo editorial da Xunta ábrese á cidadanía a través da Rede

O conselleiro de Cultura, Educación, e Ordenación Universitaria, Román Rodríguez, e a directora da AMTEGA, Mar Pereira, presentaron a Libraría Institucional de Galicia, unha plataforma virtual na que por primeira vez a Administración autonómica concentra todo o seu fondo editorial e pono á disposición do conxunto da cidadanía e das librarías. Cultura e Educación é a encargada da xestión da Biblioteca mentres que a AMTEGA puxo en marcha a plataforma dixital e o Cixtec (dependente de Facenda) pon a disposición a súa plataforma de pagamento en liña.
Pola súa banda Mar Pereira, destacou que libraria.xunta.gal é a primeira canle de comercio en liña da Administración autonómica e que é unha das pezas da estratexia global da Xunta para a dixitalización, catalogación, promoción e difusión do contido e patrimonio cultural galego. Tamén lembrou outras medidas neste ámbito como a entrada en funcionamento o pasado ano da plataforma de lectura electrónica GaliciaLe, con máis de 1.700 títulos dispoñibles, ou a publicación dos novos portais de Cultura de Museos de Galicia. Pereira salientou que a libraría leva o “apelido galego .gal”, o dominio que identifica os contidos galego na Rede.
A directora da AMTEGA avanzou que, entre os obxectivos desta estratexia de difusión do patrimonio cultural, está o de que Galicia conte cun único sistema de xestión para todas as bibliotecas da Comunidade e un catálogo único que nos permita acceder en liña a todos os fondos bibliográficos da nosa rede de bibliotecas.
A Libraría Institucional funciona a través dunha plataforma electrónica a través da cal, todos os cidadáns e librarías -independentemente de onde se atopen- teñen acceso aos seus contidos e servizos. Así mesmo, a través desta plataforma centralízase a distribución e comercialización do seu fondo editorial tanto en formato físico coma electrónico, tanto venal coma non venal. Por tanto, será de xestión directa do persoal da administración e non a través de distribuidoras externas. Esta tamén será a nova canle para que as librarías e outros puntos de venda adquiran as publicacións da Xunta de Galicia. Ás publicacións gratuítas tan só se aplicarán gastos de transporte en caso de que se solicite o seu envío físico, e as publicacións venais (de pago) manterán o seu PVP.
As persoas interesadas nunha publicación venal (libro, folleto, revista,…) poderán realizar o pagamento a través da propia páxina web ou mediante transferencia bancaria. En canto a plataforma lle confirme a corrección do pagamento ao usuario/a, este poderá descargar a publicación ou seralle remitida ao seu domicilio. O prezo final dunha publicación está constituído polo prezo da publicación (só no caso de que sexa venal), e os gastos de distribución e transporte (se está en formato físico).
A día de hoxe, no catálogo xa están cargadas preto de 750 publicacións posteriores ao ano 2010 e ata actualidade. Porén, está previsto ir incorporando á plataforma todas as publicacións anteriores a 2010 das que existan exemplares para a súa distribución.

Reivindicações lingüísticas da Fundaçom Meendinho para os partidos políticos

Ante a proximidade das eleições autárquicas.

Ante a proximidade das eleições autárquicas de 24 de maio, a Fundaçom Meendinho fai públicas as suas reivindicações lingüísticas para os partidos políticos que se apresentam.
Entre estas destacam a petiçom de medidas para desenvolver no âmbito local o conteúdo da Lei Paz-Andrade e também o apoio ao desenvolvimento cultural na nossa língua «sem discriminações de qualquer tipo».
A Meendinho também pede garantias para que todas as empregadas e empregados públicos da Galiza dominem a língua nacional «com a mesma competência que a língua castelhana», requisito que alarga para os cargos públicos, os quais devem, aliás, ser «exemplares» no uso do galego, com o compromisso de aperfeiçoá-lo se for necessário.

Campaña para reivindicar atención en galego nos centros de chamadas

Así o comunicaron nunha rolda de prensa o presidente da Mesa pola Normalización Linguística, Marcos Maceira; o secretario nacional da CIG-Banca, Clodomiro Montero; e a responsable de Centros de Chamadas no sindicato, Laura Pérez Figueroa, que sinalaron que con esta iniciativa, recollida baixo o lema ‘Queremos atención en galego. Queremos traballo aquí', se "remataría coa discriminación do idioma nesta materia".
Acerca destas denuncias sobre discriminacións, puxeron como exemplo que hai opcións "non reais" de atención en galego e "coaccións" ante o uso deste idioma non só en centros de chamadas de empresas, senón "mesmo en organismos ou servizos dependentes da Administración pública como resultado das privatizacións".
Segundo manifestaron, as grandes empresas que operan en Galicia e subcontratan a atención telefónica "na última década apostaron" polo peche dos centros de chamada na comunidade e deslocalizaron o servizo cara a terceiros países. Así, aseguraron que co galego "esta deslocalización foi aínda máis grave debido ao uso exclusivo do castelán nas relacións comerciais".
DESTRUCIÓN DE 2.000 EMPREGOS
Como consecuencia, cifran que entre 2010 e 2012 se destruíron ao redor de 2.040 empregos, polo que destacaron a importancia desta campaña, que suporía "a creación de emprego nun sector amplamente feminizado e no que traballan moitos mozos".
Nesta iniciativa terá protagonismo a acción individual, para o que distribuirán cartóns postais para enviar ás compañías para que garantan o uso "real" e preferente do galego e incidirán na necesidade de solicitar que toda a documentación estea en galego. Ademais, recollerán sinaturas con mesas e por Internet, e remitirán reclamacións colectivas ante as grandes compañías.

Información tirada de Galicia Hoxe e Galicia Confidencial.

Olimpia Valencia, a primeira doutora

A ourensá afincada en Vigo como xinecóloga foi a primeira muller galega en acadar o máis alto grao académico.

Non ten pasado aínda un século dende que a primeira muller galega obtivo un doutorado. Porque foi en 1925 cando a ourensá afincada en Vigo Olimpia Valencia acadou o máis alto grao académico. Fíxoo en Madrid, en Medicina. E exerceu na cidade olívica durante décadas, sendo a primeira médica con consulta propia. Para logralo, tivo que vencer ao absoluto machismo dominante durante a ditadura franquista. E, tamén, vencer a marca de ter defendido o Estatuto de Galicia durante a República, ao punto de que foi detida e encarcerada ao comezo da Guerra Civil, acusada de militar no Partido Galeguista. A doutora Valencia impúxose a todas as adversidades e converteuse nunha pioneira.
Olimpia Valencia naceu en Baltar, en Ourense, o 14 de decembro de 1898. Pero con 12 anos vai vivir a Vigo cos seus pais. Na antiga Academia Minerva, preparou por libre o Bacharelato e cursou Maxisterio. Ata que decidiu seguir a súa verdadeira vocación: a Medicina. En 1919, Valencia ingresa na Facultade de Medicina de Santiago. Seis anos despois, en 1925, convértese na primeira muller galega que logra a licenciatura en Medicina, cun expediente académico brillante, que inclúe 19 matrículas de honra e premio extraordinario.
Estivo na Residencia de Señoritas coa intelectualidade de Madrid
A muller segue a ser unha rareza na universidade nesa época. E, cando Olimpia Valencia suxire que desexa especializarse en enfermidades do pneumotórax, recibe presións para que desista. Está mal visto que as mulleres médicas tratasen ós homes. Así que a súa saída natural (aínda que hoxe soe triste e ridículo) era a xinecoloxía, o que lle garantiría tratar sempre con pacientes do seu propio sexo.
Olimpia Valencia trasládase a Madrid á Residencia de Señoritas, versión feminina da Residencia de Estudantes onde estaban neses anos Dalí, Buñuel ou Lorca. Coa súa brillantez intelectual, le a súa tese e convértese na primeira galega na historia que alcanza o título de doutora.
De volta en Vigo, abriu clínica no centro da cidade. A súa placa de xinecóloga na rúa tivo que vencer moitos prexuízos. Da intelectualidade de Madrid, vivida no ambiente cultural da Residencia de Estudantes, pasou aos círculos culturais vigueses sen problemas. E  relacionouse coas figuras do galeguismo da época. Así, en xuño de 1931, aceptou encabezar un chamamento de apoio aos candidatos da provincia de Pontevedra polo Partido Galeguista.
Tras o golpe de Franco, en febreiro de 1937 é detida e pasa catro días no cuartel da Garda Civil. Se unha muller o tiña difícil neses anos, a súa consideración de ‘roja’ debeu de poñer a Olimpia Valencia nunha situación difícil.
Olimpia Valencia tivo unha longa carreira como xinecóloga. Xubilouse nos anos 60. Ademais, foi unha das fundadoras da Alianza Francesa en Vigo. Morreu no ano 1987. Hoxe unha rúa viguesa leva o seu nome. Non teñen pasado nin cen anos desde que esta médica se converteu na primeira muller galega en obter un doutorado.

O abecedario

O abecedario, as 23 letras do abecedario galego acompañadas dunha ilustración de Óscar Villán, é para aprender,  para ver, imaxinar ou inventar.

Con este título comezamos un proxecto didáctico destinado á educación infantil.
O abecedario, as 23 letras do abecedario galego acompañadas dunha ilustración de Óscar Villán, é para aprender mais tamén para admirar as ilustración, para ver, imaxinar ou inventar.
Este libro ten como obxectivos incrementar o uso do galego nos nenos e nenas, proporcionar materiais en galego para nenas/os de 0 a 6 anos, potenciar o uso de vocabulario en galego, recoñecer as letras e aprender o abecedario galego.

Nesta ligazón podedes ver máis:

Os bispos están "preocupados" porque en seis comunidades hai centros que non dan Relixión por falta de demanda

  • En Asturias, Cataluña, Comunidade Valenciana, Galicia, Navarra e País Vasco existen varios centros educativos onde non se oferta a materia porque ningún alumno o pide
  • Preocúpanos que se perda a sensibilidade nos pais e que haxa trabas nalgunhas comunidades autónomas que estean a reducir o ensino de relixión ata a facer algo heroico critica a Conferencia Episcopal

O voceiro e secretario xeral da Conferencia Episcopal Española, José María Gil Tamayo, mostrou a "preocupación" dos bispos ante o feito de que nalgúns centros públicos de seis comunidades autónomas ningún alumno se apunte a clase de relixión e temen que se deba a "perda de sensibilidade dos pais" ou a "trabas" das propias autonomías.

Preocúpanos que se perda a sensibilidade nos pais e que haxa trabas nalgunhas comunidades autónomas que estean a reducir o ensino de relixión ata a facer algo heroico, destacou este luns Gil Tamayo durante a rolda de prensa final da 105º Asemblea Plenaria da Conferencia Episcopal. Neste sentido, insistiu en que lles "preocupa" que non se faga "unha oferta axeitada" que, segundo precisou, debe ser "obrigatoria e de elección libre". Ademais, advertiu de que "ás veces se poñen trabas, cando non esquecementos culpables".

Segundo informou a Cadea Ser o pasado día 23 de abril, en Asturias, Cataluña, Comunidade Valenciana, Galicia, Navarra e País Vasco existen varios centros educativos onde non se oferta a materia polo desinterese dos alumnos en cursala. A rexión que conta con máis colexios e institutos nesta situación é Euskadi, onde 78 dos 332 centros públicos (máis do 23%) non teñen ningún alumno que escollese esta materia. O resto das autonomías está a anos luz destas cifras: a seguinte na lista é Navarra, onde un 5,6% dos colexios e institutos públicos (17 de 299) non ofrecen a materia.


Esta circunstancia é máis minoritaria na Comunidade Valenciana (o 4% dos centros públicos non dan Relixión), Asturias (a porcentaxe redúcese ao 2,5%) e Galicia (os centros nesta situación son o 2,2%). Cataluña, pola súa banda, confirmou que ten centros públicos onde ningún alumno cursa Relixión, se ben non ofreceu datos concretos. E o número pode mesmo ser maior, xa que nin a Comunidade de Madrid nin Baleares facilitaron información ao respecto.

O IES de Curtis conmemora o 17 de maio co seu segundo Certame Escolar de Blogs

Co gallo do Día das Letras Galegas e o Día Internacional da Internet (ámbalas festividades felizmente coincidindo o vindeiro 17 de maio), o IES de Curtis vén de convocar un concurso que se dirixe a distinguir a mellor bitácora en galego dos nosos estudantes. O Certame Escolar de Blogs, que vai pola súa segunda edición, está aberto a toda a comunidade educativa e, segundo nos conta o equipo organizador, valorará positivamente aqueles cadernos persoais que dean a coñecer aspectos novos da nosa cultura, ou que acheguen puntos de vista innovadores, facendo especial fincapé en contidos ligados ao lecer e “ás preocupacións da xente nova”.
Por exemplo contidos de música, arte, literatura, ciencia, patrimonio, audiovisual, medio ambiente, voluntariado, asociacionismo cultural, Tecnoloxías da Información e a Comunicación (TIC), graffiti, banda deseñada, deportes, motor ou videoxogos.
A iniciativa, que vén da man do Equipo de Normalización de Lingüística do IES de Curtis, parte dos seguintes obxectivos fundamentais: por unha banda valorar a importancia dos blogs como ferramentas didácticas para o desenvolvemento de contidos curriculares e máis a súa utilidade para a motivación do alumnado, e por outra banda fomentar o emprego activo das novas tecnoloxías e a creación de espazos que favoreza asociacións positivas para a lingua. Ademais, o certame encamíñase a contribuír ao uso da noso idioma na Rede, a promover o coñecemento de diferentes aspectos da nosa cultura (sobre todo os vencellados ao lecer), a complementar a formación académica do alumnado con elementos que axuden á súa inserción no eido laboral e a procurar formación continua e colaboración educativa entre nais, pais, profesorado e persoal non docente do IES de Curtis.
A temática das bitácoras candidatas poderá ser libre, pero valoraranse positivamente aqueles blogs que amosen aspectos sobre algunha das linguaxes artísticas e culturais devanditas e as súas diversas expresións e manifestacións na nosa terra. O prazo de inscrición de achegas xa está aberto a través do blog Son de Noso. O autor ou autora deberá cubrir un formulario no que indique o seu nome e apelidos, o curso ou estamento ao que pertence no seo da comunidade educativa e a URL (ligazón) do seu blog. Os traballos faranse públicos o 17 de maio, Día das Letras Galegas e da Internet, en Son de Noso. Até ese intre as autoras e autores deberán alimentar o seu blog, que terá que conter un mínimo de oito entradas.
Concederase un único premio consistente nunha tableta para o mellor caderno presentado polo alumnado. Teranse en conta os seguintes criterios: calidade lingüística, interese dos contidos, deseño e orixinalidade, inclusión de información propia, actualización e número de entradas, recursos e ligazóns de interese relacionados co tema elixido, aproveitamento das posibilidades que ofrece o blog (inserción de textos orixinais, vídeos, imaxes, audio), participación e comunicación coa comunidade virtual (seareiros, difusión nas redes sociais, comentarios, visitas...).

A CIG concéntrase este martes 28 no Parlamento contra a Lei de Emprego Público

Nin é unha "Lei de emprego público Galego", nin recolle aspectos que para a nosa central sindical son básicos para recuperar os servizos públicos, o emprego público ou os dereitos sociais e laborais das e dos empregados públicos.

A CIG-Ensino xunto coas federacións que constitúen a Área Pública da CIG convocan unha concentración diante do Parlamento Galego este 28 de abril ás 12 horas con motivo da votación do texto definitivo da Lei de Emprego Público Galego. A concentración ten como fin amosar publicamente, unha vez máis, o rexeitamento a totalidade de esa Lei, rexeitamento xa manifestado nos diferentes momentos de tramitación que tivo a referida Lei. De feito xa temos demandado, por escrito e en sucesivas xuntanzas coa administración, a súa retirada porque nin é unha "Lei de emprego público Galego", nin recolle aspectos que para a nosa central sindical son básicos para recuperar os servizos públicos, o emprego público ou os dereitos sociais e laborais das e dos empregados públicos.

Medios en galego e liberdade de imprensa

Sen medios en galego non hai liberdade de imprensa. Así se sostén no A Fondo desta semana, a quinta feira nos pontos de venda habituais, no que participan xornalistas de Praza Pública, TVG, Irmandade TV e Luzes.

Neste domingo, 3 de maio, celébrase o Día da Liberdade de Imprensa. Os medios en galego son piares imprescindíbeis para a súa existencia e refortalecemento no país. Ao redor deste binomio xira o A Fondo desta semana, no que participan profesionais de diversos medios de comunicación galegos e en galego. O caderno de análise de Sermos Galiza contará nesta ocasión coas colaboracións de David Lombao, director do xornal dixital Praza Pública; Montse Dopico, integrante do consello de redacción da revista mensual Luzes; Susana S. Recouso, xornalista da Televisión de Galicia; Aurélio Lopes, de Irmandade TV e Xosé Mexuto, director de Sermos Galiza.
O A Fondo estará na rúa esta quinta feira 30 de abril, conxuntamente co número 143 de Sermos Galiza.
 “Ver o mundo desde Galiza como nación é tamén exercer a liberdade de imprensa e facelo desde un país que ten un perfil absolutamente diferenciado e problemas específicos non asimilábeis polo canon español” ─expón no seu artigo, ao redor da liberdade de imprensa nunha nación negada, o director de Sermos─ “Esa é a liberdade de imprensa que verdadeiramente é emancipadora”.
As voces da nación
“Un bo xornal, supoño, é unha nación falándose a si mesma”. Destas verbas de Arthur Miller parte David Lombao para falar da liberdade de expresión na Galiza, “condicional”, tal e como a cualifica o director de Praza Pública e condicionada aos intereses políticos das administracións subvencionadoras. Destaca Lombao as iniciativas xurdidas para refortalecer o espazo de comunicación do país con varios medios galegos xurdidos xusto cando a crise se levara por diante cabeceiras de referencia en Galiza e en galego.
"Neste domingo, 3 de maio, celébrase o Día da Liberdade de Imprensa. Os medios en galego son piares imprescindíbeis para a súa existencia e refortalecemento no país. Ao redor deste binomio xira o A Fondo desta semana"
“Siléncianse novas que non interesan, nésganse aquelas que politicamente deben dar unha determinada visión da realidade e convértense en noticia ou sobrevalóranse as que partidistamente poden ter un rendemento electoral”. Así describe a xornalista Susana S. Recouso o funcionamento dos medios públicos galegos. Perden, argumenta, a súa razón de ser a instancias do afán de control do goberno que estea no poder, e dos intereses económicos aos que lles interesa o seu descrédito para xustificar a súa desaparición a favor dos medios privados.
Dende os etiquetados como medios alternativos fala Aurélio Lópes. “A liberdade de prensa está así condicionada previamente á capacidade económica de dotarse dos medios materiais e humanos precisos para a creación dunha cabeceira ou soporte comunicativo”, explica para denunciar a ligazón dos medios de masas a holdings empresariais e a intereses de familias das elites burguesas.

Liga e Comités encetan a construción dunha nova organización estudantil unitaria

As dúas organizacións acordan en senllas asembleas nacionais impulsar un proceso de debate cara ao xurdimento dunha nova organización estudantil "unitaria, aberta, plural e democrática". 

Na pasada fin de semana as organizacións estudantís nacionalistas Liga Estudantil Galega e Comités desenvolveron senllos encontros nacionais nos que acordaron pór ambas as dúas formacións ao dispor dun proceso que teña como obxectivo a construción dun novo axente unitario, aberto, plural e democrático ao servizo do movemento estudantil nacionalista.
Neste senso, fontes consultadas por Sermos Galiza aseguran que se trata dun chanzo máis após o traballo conxunto desenvolvido nos últimos anos. Polo de agora non existe unha folla de rota nen prazos prefixados mais desde ambas as dúas organizacións salientan que debe tratarse dun proceso "aberto", "plural" e "de base".
Desde esta perspectiva e embora partir a aposta desde a Liga e os Comités, non fechan as portas aos demais axentes nen tampouco focan o proceso unicamente na Universdade. "Non podemos marxinar un sector tan amplo do estudantado galego" como o ensino medio, sinalan.
Sen que exista até o de agora unha folla de rota ambas as dúas organizacións salientan que debe tratarse dun proceso "aberto", "plural" e "de base"
Após as asembleas nacionais, terán que ser os órgaos de dirección recentemente elixidos os que fixen o ritmo e deseñen os pasos a seguir. Destarte, quer a Liga quer os Comités aseguran que "as présas non son boas" en procesos coma este mais "tampouco cómpre demorar moito" á fin de que "xermole con forza" unha organización "plural", "democrática", "aberta" e "eficaz".
Ambas as dúas organizacións aseguran que é o actual contexto no que se atopa o ensino público galego o que propiciou este novo paso. Neste senso, sitúan a "ofensiva españolizadora e privatizadora" como un dos catalizadores dunha aposta na que ambas as dúas formacións cavilaban desde hai tempo.
A respeito dos principios que rexerán o proceso ningunha das dúas organizacións estabelece prioridades e amósanse abertas ao debate ao tempo que sinalan, "hai cousas que mudar e outras que deben continuar porque funcionan". "O importante non é un modelo ou outro senón unha organización eficaz".

luns, 27 de abril de 2015

A alternativa veraniega do campamento científico

Tecnópole ofrece estancias tecnolóxicas de verán para rapaces de entre 12 e 18 anos co aliciente do décimo aniversario de Galiciencia.

Fronte aos habituais campamentos estivais, urbanos incluídos, o Parque Tecnolóxico de Galicia-Tecnópole ofrece unha alternativa científica: os Tecnópole Technological Workshops (T2W), que chegan á súa terceira cita anual co incentivo con motivo do décimo aniversario de Galiciencia. Os dous equipos de alumnos que presenten os mellores proxectos terán asegurado un posto para mostralos ao público durante esta edición especial dá feira, que se celebrará en novembro.
O prazo de inscrición do único campamento tecnolóxico de Galicia xa está aberto. O T2W terá lugar entre o 1 e o 14 de xullo e estará dirixido a 40 rapaces e rapazas de entre 12 e 18 anos. Todos os participantes traballarán no desenvolvemento de proxectos tecnolóxicos con diferentes graos de complexidade en función das súas idades. Para facelo posible, o programa incluirá nocións sobre o deseño de aplicacións móbiles e videoxogos, edición fotográfica e de vídeo, creatividade, biotecnoloxía, etc. Este ano a actividade estrela será a robótica, con sesións de formación todos os días do campamento.

Os dous mellores proxectos dos alumnos participarán na feira da ciencia de novembro
Aínda que a inscrición está aberta a estudantes de toda Galicia sen restricións, a proximidade xeográfica recomenda a actividade para persoas que residen ou mesmo que pasan o verán na provincia de Ourense.
As actividades do campamento están deseñadas en función das idades dos participantes. En calquera caso, os obxectivos que se perseguen son comúns e consisten no desenvolvemento da capacidade resolutiva e innovadora e na dinamización da axilidade mental e da creatividade. Ademais de procurar que os alumnos e alumnas adquiran novos coñecementos tecnolóxicos, preténdese potenciar neles actitudes como o respecto mutuo, a colaboración e a socialización, xunto con habilidades relacionadas con falar ben en público e a práctica do inglés.
Os monitores e profesores son expertos en didáctica da ciencia e da tecnoloxía e no resto das materias que se van desenvolver na academia, aplicando unha metodoloxía dinámica, participativa, flexible, integradora e adaptada a cada tipo de idade.
Todas as actividades se desenvolverán en equipo, mediante a formación de grupos de rapaces da mesma idade, aos que se estimulará para conseguir a organización interna que lles permita desenvolver habilidades sociais a través da discusión dos proxectos, fomentando ao mesmo tempo o respecto entre os compañeiros e o traballo en equipo.
Dado que se trata dunha actividade integrada no tempo de vacacións dos participantes, foméntase a aprendizaxe a través do xogo, potenciando a creatividade e baseándose nas emocións e experiencias persoais. Así, durante o campamento os participantes practicarán actividades deportivas en equipo ao aire libre, como a natación, o tenis ou o atletismo.
As aptitudes comunicativas e a expresión corporal terán un oco importante na axenda de todos os grupos de idade, con talleres para falar en público e sesións de debate. Ademais, recibirán educación ambiental e aprenderán hábitos de alimentación saudables mediante a preparación de comidas sinxelas con produtos da horta ecolóxica.
O custo por participante será de 260 euros con todo incluído, dende o transporte dende varios puntos da cidade de Ourense ata a comida e todas as actividades. A preinscrición está xa aberta na web do evento.

Galícia, berço das primeiras cantigas em português

Livro investiga origens da literatura de língua portuguesa na cidade de Santiago de Compostela, entre os séculos XII e XIV.

O profano e o sagrado em um mesmo destino: assim condensa o poeta Airas Nunes (1230-1289) numa cantiga que exalta a alegria de uma donzela que aguarda duas visitas em Santiago de Compostela. Na capital galega haverá espaço para corpo e alma: ver, finalmente, o rei Dom Sancho IV e encontrar o “amigo”, chave que identifica o amado na lírica galego-portuguesa. A centralidade da cidade espanhola na mais antiga expressão literária da língua portuguesa é ressaltada no recém-lançado “O caminho poético de Santiago: lírica galego-portuguesa” (Cosac Naify), da brasileira Yara Frateschi Vieira e dos galegos Maria Isabel Morán Cabanas e José António Souto Cabo.
A imagem da imponente catedral de Santiago é o ícone do centro urbano mais desenvolvido da época, onde surgiram os primeiros versos dessa literatura cultivada nos reinos centro-ocidentais da Península Ibérica (Galícia, Portugal, Leão e Castela) entre os séculos XII e XIV. É a partir do período medieval que a catedral ganha importância não só religiosa mas como instituição econômica e patrimônio cultural que começa a atrair imigrantes. Burgueses que formariam a rede comercial da cidade e que junto aos religiosos, quase sempre da alta nobreza, se consagrariam literatos dedicados a textos de entretenimento cantados nos saraus literários da época.
Variante da poesia trovadoresca em voga principalmente na França da época, a versão galego-portuguesa se centra na expressão do que seria conhecido como o amor cortês. Classicamente dividida em três grandes gêneros, dois são dirigidos à expressão desse afeto, seja ele por uma mulher, nas cantigas de amor — quase sempre uma relação impossível — seja por um homem, nas cantigas de amigo. O terceiro gênero, as cantigas de escárnio e maldizer, também marcam presença, versos satíricos repletos de burlas muitas vezes de caráter sexual. Como no primeiro texto do compêndio, obscenos versos de Afonso Eanes do Cotom que prometem redenção divina a uma experimentada senhora desde que ela eduque o recém-casado na complexa arte de fornicar bem: “E se eu ensinado vou/ de vós, senhor, deste mester/ de foder e foder souber/ per vós, que me Deus aparou,/ cada que per foder, direi/ Pater Noster e enmentarei/ a alma de quen m’ ensinou.”
PRIMEIROS PASSOS DA LÍRICA GALEGO-PORTUGUESA
As cantigas de amor e de amigo, no entanto, são maioria na coletânea. Uma introdução ajuda o leitor a entender o momento literário da época e cada autor é acompanhado por uma ficha biobibliográfica. O livro traz comentários crítico-interpretativos para cada cantiga, um glossário de termos específicos, um mapa do que hoje é conhecido como Zona Vella, o início da povoação da cidade e onde se podem ver os topônimos referidos nos textos. Traz ainda dois fac-símiles, minúsculas letras góticas acompanhadas de notação musical para indicar a melodia das estrofes. Os poemas, cantigas ou jograis, conservados em pergaminhos conhecidos como Cancioneiros, são compostos por 29 autores que nasceram, estiveram ou se apaixonaram em Compostela.
Alguns deles se relacionam com Santiago através da biografia documental, como Bernal de Bonaval, que traz no nome o topônimo mais vezes citado em suas cantigas, a Igreja de Bonaval, numa área da cidade que hoje abriga um precioso conjunto de museus e parque. Outros passaram pela cidade em peregrinações, como João Peres de Aboim, que começa um dos poemas fazendo referência ao Caminho Francês, o mais tradicional itinerário de peregrinação até Compostela, cerca de 800 km que cortam todo o norte da Espanha desde os Pirineus franceses. Aboim, português do Minho, compõe uma pastorela, um encontro entre um pastor e sua amada num locus amoenus, que traz uma inovação: a inserção de refrãos populares num gênero predominantemente culto, inspiração provavelmente derivada de sua longa estadia francesa na corte do rei Afonso III .
— A grande novidade do livro está na parte final que traz trovadores e textos em diálogos. Nesses documentos a intertextualidade é muito clara, são provas de que havia uma intensa troca literária nesse momento — diz José António Souto Cabo.
Na leitura, é possível perceber como se movia essa espécie de “rede social” medieval, cujos rastros são recuperados por textos como as “tenções”, em estrutura de diálogos, onde os poetas citam outros autores, repetem versos ou melodias e praticam um jogo de referências. A leitura, que pode ser a priori um desafio ao leigo, ganha novas camadas ao ser contrastada com os comentários crítico-interpretativos.

— O livro pretende dar a ideia mais clara e correta possível de como foram os primeiros passos da lírica galego-portuguesa — explica Yara Frateschi Vieira. — Os textos são apresentados como objetos autônomos e completos para a primeira leitura (sem a muleta da tradução ou da atualização), uma aposta na sua possibilidade de compreensão.
A memória desse passado em comum ganha força na Galícia, onde diversos grupos culturais ressaltam a proximidade entre o galego e o português, seja como línguas irmãs ou variações da mesma língua nascida na Galícia do século XII. O desejo de entendimento e de fazer parte da comunidade lusófona e seus quase 250 milhões de falantes motivou a aprovação recente de uma lei que inclui o ensino do português como língua “estrangeira” opcional nas escolas galegas. A aproximação é vista como maneira de defender e renovar o galego, que muitos consideram tomado por castelhanismos, e frear a queda dos falantes habituais do idioma. E conta com um embaixador mineiro: Luiz Ruffato, presença frequente em Compostela, será homenageado em maio com o título de “Escritor Galego Universal 2015”.
Vivian Rangel é jornalista e doutoranda em Literatura Comparada pela Universidade de Santiago de Compostela