xoves, 16 de abril de 2015

O Concello de Padrón prefire gastar en touros e non en educación

Galiza mellor sen touradas denuncia que se suprimiron axudas para a escolarización, mentres que se incrementaron as subvencións para os espectáculos taurinos. 

Máis touros e menos educación. Iso, cando menos, parece que lle gusta ao Concello de Padrón se se teñen en conta as subvencións destinadas a cada un destas cuestións. E é que a asociación Galiza mellor sen touradas denunciou que o goberno popular desta localidade suprimiu as axudas á escolarización, por 4.000 euros, mentres que mantivo as subvencións ás corridas de touros, de 12.100 euros.
 
A través dun comunicado, os antitaurinos lamentaron que as axudas á escolarización se destinaban ás familias con dificultades e demandaron "unha política de cero subvenciones para eventos taurinos". A plataforma denuncia que coa subvención das corridas poderíanse orzamentar tres anos de axudas para a escolarización de familias con dificultades monetarias.
 
Ademais, criticou que, a diferencia da educación que é un servizo público, os espectáculos taurinos "non espertan interese algún na cidadanía", polo que "reta" aos organizadores a realizalo sen o apoio da corporación local. 

Ningún comentario:

Publicar un comentario