Universidade Federal dá Baía organiza o I Encontro Brasileiro de Estudos Galegos.
Galicia tamén está presente nas universidades de Brasil. Por iso, e
para destacar este feito, a Universidade Federal da Baía (UFBA) celebra
desde este luns 13 até este mércores 15 de abril o I Encontro Brasileiro de Estudos Galegos (I EBEG).
O obxectivo deste encontro é tripre. Por unha banda, conmemorar o 20º
aniversario do Centro de Estudos da Lingua e Cultura Galegas (Celga);
por outra, homenaxear á súa fundadora, Rosario Súarez Albán e,
finalmente, intensificar o diálogo intelectual entre investigadores brasileiros e estranxeiros.
A homenaxeada, Rosario Suárez Albán, filla de
emigrantes galegos radicados en Baía e docente xubilada do Departamento
de Letras Vernáculas da Universidade Federal da Baía, "dedicou toda a
súa traxectoria académica a Galicia, á súa lingua, á súa literatura e á
súa cultura".
"Foi unha gran difusora da investigación sobre diversos aspectos relacionados con Galicia,
terra dos seus antepasados, o que se deixa ver nos numerosos traballos
que realizou nesta liña", agregou o Consello da Cultura Galega nun
comunicado. Precisamente, a vicepresidenta desta institución Rosario
Álvarez, será a encargada de representar ao goberno autonómico neste
evento.
Ningún comentario:
Publicar un comentario