O 16 mobilicémonos polo ensino público galego

A Plataforma Galega en Defensa do Ensino Público, da que Galiza Nova forma parte xunto coas organizacións estudantís nacionalistas e do ámbito da educación, ANPAS e a CIG ensino, anunciou esta maña unha mobilización nacional o 16 de setembro contra os recortes no ensino.

Denunciouse en rolda de prensa a conflitividade que provocan neste inicio de curso os recortes impostos pola Consellaría de Educación e a súa obstinación por aplicar a LOMCE e por non dotar aos centros do profesorado suficiente. Diante desta situación convoca unha concentración o 16 de setembro ás 11:30 horas diante da Consellaría de Educación.