xoves, 17 de setembro de 2015

96 alumnos de Deza realizaron prácticas de FP en 91 empresas

Durante o curso 2014/2015 máis de 5.000 alumnos da provincia de Pontevedra realizaron prácticas de Formación Profesional en preto de 4.000 centros de traballo, completando así a formación que reciben na aula cunha máis vinculada ao mundo real na empresa. Destas cifras 96 foron os mozos de Deza que levaron a cabo durante este período prácticas de FP e fixérono en 91 empresas da comarca.
Para este novo curso na provincia de Pontevedra ofértanse 7.645 prazas para os ciclos de grao medio (4.045 distribuídas en 143 ciclos) e de grao superior (3.600 repartidas en 130 ciclos) de réxime ordinario. De feito, e segundo as previsións iniciais da Consellería de Educación, para o 2015/2016 matricularanse ao redor de 53.400 alumnos en toda a comunidade, o que suporá un 3,4% máis con respecto ao ano pasado. Ademais, dita Consellería leva investindo máis de oito millóns de euros desde o 2009 para apoiar aos alumnos en prácticas nos seus desprazamentos, xa que 500 alumnos do ano pasado optaron polo estranxeiro.

Ningún comentario:

Publicar un comentario