Xuventude Galicia Net remata con reducida asistencia e marxinando á nosa lingua

A pasada fin de semana celebrouse na Feira Internacional de Galicia ABANCA en Silleda unha atípica edición do encontro Xuventude Galicia Net, que non respectou a localización física nin no calendario do evento, o que tivo unha clara repercusión no seu poder de convocatoria, pois aínda que cando se abriu a súa inscrición esperaban xuntar a 1.200 persoas, tiveron que conformarse con algo máis de 700 inscritos. O feito de que en 2014 non se celebrase a LAN Party e que a promoción do evento fose moi tímida tampouco axudaron a que os asistentes habituais a este tipo de encontro soubesen do mesmo, aínda que o elixir unha localización fóra dunha cidade ten tamén un grande impacto á hora de animar ao público a participar nunha celebración que dura varios días.
Durante a celebración de Xuventude Galicia Net organizáronse distintas actividades, entre as que destacaban catorce torneos de distintos videoxogos, pero pese a estarmos ante unhas xornadas nas que a Internet é o eixe central, a súa presenza en liña foi mínima e polémica, pois se ben o encontro apenas contou con presenza nas redes sociais por parte dos seus participantes, cando miramos as comunicacións da organización atopamos unha práctica que están a denunciar dende ProLingua: ausencia total da uso do galego.
A páxina web de Xuventude Galicia Net está integramente en español, así como todas as comunicacións que fixeron a través de Facebook e Twitter, algo que non aconteceu en anos anteriores, onde o galego era o vehículo de comunicación empregado, como é lóxico para un evento que ten un nome en galego e que goza do financiamento da Consellería de Traballo e Benestar (así como doutras institucións como a Deputación de Pontevedra e o Concello de Silleda). Dado que estamos ante un evento celebrado en Galicia, con público principalmente galego e financiando principalmente por fondos públicos resulta inxustificable que se marxine o uso da nosa lingua na súa comunicación.
Aínda que dende a Fundación Semana Verde de Galicia amosáronse satisfeitos coa “boa resposta” dos participantes e consideran positivo o cambio de localización do evento, non parece ser este o parecer dos asistentes que se manifestaron a tal efecto, que criticaban a falta de participantes e de ambiente, con comentarios como “nada que ver con anos anteriores. Terá o nome, pero non o espírito”.

Fronte a edicións con 1.600 inscritos ao evento, a pasada fin de semana resultaba evidente que 

Xuventude Galicia Net non conservou o pulo de anos anteriores (superara o milleiro de inscritos 

dende a segunda edición)