venres, 12 de setembro de 2014

O PSOE: a baixada de 4 puntos da taxa de abandono escolar demostra que a LOMCE é "innecesaria"

O Secretario de Educación do PSOE, José Miguel Pérez, afirmou este xoves que a baixada de case catro puntos da taxa de abandono escolar prematuro en dous anos --do 26,5% en 2012 ao 22,7% en 2014-- demostra que a Lei Orgánica para a Mellora da Calidade Educativa (LOMCE) é "inapropiada e innecesaria".
Segundo Pérez, esta diminución é froito das políticas de gobernos socialistas e, en concreto o Plan de Reforzo e Orientación Escolar (PROA), que o actual Goberno "eliminou", e o "esforzo" en gasto educativo ata o 5,1% do PIB. "A secretaria de Estado de Educación (Montserrat Gomendio) non pode ocultar que agora están completamente en perigo as súas políticas educativas", engadiu.
O responsable de Educación socialista advertiu de que o ministro José Ignacio Wert, "lonxe de avanzar nun obxectivo esencial" como é aumentar a taxa en formación postobrigatoria, mediante o incremento da FP, creou un novo problema mediante a creación da FP Básica", que, ao seu xuízo, se trata dun modelo de "segregación temperá".

Ningún comentario:

Publicar un comentario