mércores, 15 de xullo de 2015

Homenaxe a Rosalía no 130 aniversario do seu pasamento

A Fundación Rosalía de Castro celebrará este mércores, 15 de xullo, o 130 aniversario do falecemento da poeta (1858-1885) con música a cargo do compositor Fran Pérez ‘Narf’, recitais de poesía e conferencias, na casa museo da autora de ‘Cantares Galegos’ en Padrón (A Coruña) ás 20,00 horas.
O acto acollerá varios temas do álbum ‘Nas tardes escuras’, con letras de Rosalía, do cantante coñecido como Narf, segundo informou a fundación.
Tamén estarán presentes 11 mulleres, entre as cales sete son gañadoras do Concurso Escolar de Poesía, como Marcela Porto, Sara Norniella e Fátima Barros; e catro son poetas consolidadas: Antía Otero, Oriana Méndez, Luz Pozo e a experta americana Kathleen March.
A través de conferencias, a escritora Mercedes Queixas recordará á poeta María do Carme Kruckenberg, recentemente falecida, e o director do Museo de Pontevedra, Carlos Valle, disertará sobre Filgueira Valverde.

Ningún comentario:

Publicar un comentario