A oferta de prazas mantense, do mesmo xeito que o programa do comedor.
O Concello de Lalín cambiou de escenario a Escola de
Verán con comedor prevista no colexio Xesús Golmar. Unha notificación da
Xunta obrigou a tomar a medida anunciada onte polo tenente alcalde e
edil de Servizos Sociais, Nicolás González Casares. Ao final
desenvolverase no CEIP Manuel Rivero.
O cambio de emprazamento non afecta ao número de
prazas previstas, cun máximo de oitenta inscritos neste servizo, nin ás
actividades programadas. A preinscrición xa está aberta.
Axudas a estudantes
Por outra banda, Casares reunirase o día 10 con
representantes de tendas de deportes para exporlles a orde de
subvencións previstas desde o Concello para estudantes. Haberá bolsas
complementarias de axuda ao estudo para adquirir roupa e calzado
deportivo, e material escolar. Tamén se abordará o método de pagamento,
previsiblemente mediante vales permutables.
Ningún comentario:
Publicar un comentario