venres, 20 de novembro de 2015

Preocupación dos pais polo menudeo de droga en Lalín

Os centros de ensino inician accións para coordinar actuacións conxuntas con Concello e as forzas de seguridade na zona.

Pais de alumnos expresaban onte a súa preocupación polo suposto aumento da venda de droga nos arredores dos institutos en Lalín. Unha situación que non é nova, pero que segue preocupando tanto a educadores como pais. Nos centros apuntan que levan a cabo unha vixilancia hai moito tempo. Nalgún instituto comentaban onte que non notaron un aumento senón que seguen detectando de cando en vez a presenza dalgún coche ou dalgún merodeador.
O obxectivo que, conséguese, sinalan, é evitar que entren nos centros. O problema é o que ocorre fóra. Desde os centros avógase por levar a cabo acciones conxuntas e coordinadas tanto co Concello como coa Garda Civil.
Algún veciño trasladou onte esa alerta en relación polo miúdo de drogas nos institutos lalinense ao Concello. Por parte dos concelleiros instouse tamén á Policía Local a incrementar a vixilancia.
Publicidad
Pola súa banda, a Garda Civil de Lalín continúa realizando vixilancia na contorna dos centros escolares, especialmente nos institutos. Unhas operacións que non sempre son fáciles.
O capitán da Garda Civil sinalaba onte que en ocasións se produce a chamada dalgún profesor, director ou algún veciño que chama ao cuartel ao detectar a presenza dalgunha persoa ou coche que lle parece sospeitoso e apunta que se acode no momento». Sinala que este tipo de achegamentos de vendedores ao alumnado prodúcese sobre todo nos recreos e á saída de clases, que son as horas tamén nas que máis leva a cabo este tipo de labores de vixilancia con axentes de paisano., en moitos casos.
Por parte da asociación de pais do instituto Laxeiro, onte non se tiña constancia da queixa de ningún pai a este respecto. O seu presidente, Miguel Ángel Muñoz, apuntaba que sería un tema que exporían na próxima xunta de convivencia que se celebrará en breve para expor este tema.. Muñoz considera que tanto estas cuestións como outros temas que aparecen de forma recorrente e que afectan a todos deberían ser tratados de forma coordinada con Concello, pais, profesores... en foros como podería ser o Consello Escolar Municipal para ser tratados en común por todos.
O capitán da Garda Civil, Antonio Álvarez Lorenzo, sinalou onte que a semana que vén iniciará unha rolda de visitas aos centros escolares de Lalín dentro do plan director para a convivencia escolar. Recorda que desde a Garda Civil estamos a dar clases nos colexios sobre os perigos de Internet, drogas e acoso e ponse a disposición dos centros que queiran ser escenario dunha destas charlas.
O capitán da Garda Civil iniciará unha rolda de visitas aos colexios e institutos
O obxectivo das visitas aos centros é precisamente pórse a disposición dos directores para este tipo de actividades e tamén para falar cos responsables dos centros destas problemáticas, sobre todo, de drogas e de posibles casos de bullying ou de acoso.
Temas dos que, apunta, ás veces os centros de ensino son remisos a tratar coas forzas de seguridade.
Aprehensións de marihuana
Cada ano a Garda Civil de Lalín realiza aprehensións de droga tanto de consumo propio como de venda de menudeo nos arredores das zonas escolares, sobre todo en parques próximos aos institutos, que se converten en frecuente sitio de reunión dos rapaces. O ano pasado producíronse numerosas aprehensións especialmente nos meses de setembro e outubro de marihuana, pero este ano non hai constancia de tantas.
Desde os centros fanse eco das dificultades en ocasións para detectar este tipo de actuacións e recordan que as súas actuacións se limitan só aos centros e este tipo de vendedores actúan en zonas como parques próximos ou outro tipo de lugar.

Ningún comentario:

Publicar un comentario