luns, 16 de novembro de 2015

O Día das Librerías volve este venres para invitar a "viaxar" lendo

Os establecementos celebrarán esta quinta edición con descontos e multitude de actividades para os amantes da lectura.

Baixo a lema 'Ler é viaxar', as librerías españolas volven abrir as súas portas este venres con descontos e diferentes actividades para celebrar a quinta edición do Día das Librerías, unha xornada que quere converterse nunha festa para os amantes dos libros e a lectura.

Así, nesta celebración, organizada pola Confederación Española de Gremios e Asociacións de Libreiros (Cegal), librerías de toda a xeografía española ofrecerán un desconto do 5% en libros e abrirán ata as 22:00 horas.

Con esta iniciativa, Cegal quere reivindicar a validez deste tipo de establecementos como punto de encontro onde conflúen coñecemento, lecer e entretemento, así como o papel social do libreiro.


Proxeccións audiovisuais, coloquios con escritores, contacontos e xogos para os máis pequenos completan a oferta lúdico-educativa nas distintas librerías da xeografía española, a fin de celebrar a gran festa dos libros.
Toda a información actualizada sobre o  Día das Librerías está dispoñible na páxina web www.diadelaslibrerias.es onde se pode consultar a axenda de actividades que se realizará en cada establecemento.

Ningún comentario:

Publicar un comentario