martes, 24 de novembro de 2015

O diñeiro da Xunta para fomentar o emprego caeu a metade dende que goberna Feijoó

O Goberno promete 2.000 empregos máis para 2016. A oposición bótalle en cara os recurtes e CC.OO e UGT cualifican as contas de electoralistas.

O Parlamento de Galicia acolleu o debate final da aprobación dos orzamentos da Xunta para 2016. O goberno promete que ofertará en 2016 máis de 2.000 prazas de emprego público, e porá en marcha por primeira vez na historia da Autonomía listas de contratación específicas para persoas con discapacidade intelectual, segundo explicou o conselleiro de Facenda, Valeriano Martínez.
Anuncios do Goberno
O conselleiro de Facenda asegurou que Galicia vai cumprir a previsión de crecemento para este exercicio, polo que será o mellor ano dende 2007. “Son uns orzamentos prudentes e realistas, para que poidan ser executados e cumpridos”, sinalou o titular de Facenda.
 
No debate de totalidade dos Orzamentos para 2016, Valeriano Martínez explicou que estas son as contas “da recuperación, do crecemento e da xente”. A Xunta di que destinará 282 millóns máis a reforzar o gasto social, o que supón o 80% dos recursos adicionais.
 
Para o Execuvito conservador, os Orzamentos manteñen como prioridade a creación de emprego e por iso elevan un 15% os recursos a políticas activas. No eido impositivo, Facenda indica que a rebaixa do IRPF afectará ao 98,5% dos contribuíntes, cun aforro de ata 380 euros para os declarantes máis afortunados, e que o 99% das herdanzas a descendentes ou ascendentes deixarán de tributar
 
Martínez sacou peito ao indicar que organismos como AIREF, BBVA, Funcas, Standard&Poor’s ou Fedea están a avalar a política económica da Xunta.
 
O PSOE denuncia un optimismo irreflexivo
 
Todos os grupos da oposición cargaron hoxe contra os orzamentos da Xunta de Galicia para 2016, ao considerar que non son cribles, ademais de ter unha orientación "claramente electoralista", polo que no seu conxunto reclamaron a emenda á totalidade do articulado.
 
Dende as bancadas do principal partido opositor, o portavoz do Grupo Socialista, José Luis Méndez Romeu, criticou hoxe o “optimismo irreflexivo” amosado pola Xunta, que presenta uns orzamentos destinados unicamente a “abrir a campaña electoral”. Os socialistas reclamaron a devolución das contas para o ano 2016 porque carecen de “ningunha directriz nova ou iniciativa para saírmos do estancamento”.
 
O portavoz do Grupo Socialista comparou os orzamentos para o próximo ano cos últimos elaborados polo goberno presidido por Emilio Pérez Touriño para sinalar que Feijóo baixou as políticas sociais nun 15 por cento, a sanidade nun 7 por cento, a educación un 11 por cento e as políticas de emprego nun 50 por cento “mentres medra o desemprego, evidenciando que a vostede lle trae literalmente sen coidado”.
 
Na mesma liña, segundo datos comparados polos socialistas, as partidas destinadas ao medio rural baixaron un 25 por cento, á pesca un 53 por cento, o apoio ás empresas nun 47 por cento, o comercio un 63, o turismo un 44 por cento e o I+D un 9 por cento.
 
As partidas para cultura reducíronse un 56 por cento, a vivenda un 76 por cento, facendo desaparecer pro completo as partidas para vivenda social, o medio ambiente un 60 por cento, as infraestruturas un 54 por cento e o gasto en investimentos un 47 por cento. Sinalou que “malia esta situación, nesta etapa incrementaron os gastos de funcionamento da administración nun 6 por cento, o que demostra a falsidade da súa austeridade”.
 
Méndez Romeu sinalou ademais que os compromisos asinados polo goberno galego convértense en “papel mollado” no momento en que reducen a licitación de obra pública nun 93 por cento e “o 40 por cento dos seus investimentos non pasan do papel” e quedan un ano tras outro sen ser executados.
 
Para o portavoz do grupo parlamentario de Alternativa Galega de Esquerda (AGE), Xosé Manuel Beiras, o proxecto de orzamentos defendido pola Xunta supón un "esperpento absoluto", posto que é unha "tomadura de pelo e un pitorreo aos cidadáns". A este respecto, cuestionou a intervención do conselleiro de Facenda, ao que tachou de "farsante" por defender unhas contas realizadas para que "quen veña despois" no goberno galego "arree". O portavoz do BNG no Parlamento galego, Francisco Jorquera, incidiu en que "o primeiro" que deben ser unhas contas públicas é "cribles", ao contrario do que ao seu xuízo sucede cos orzamentos da Xunta para 2016, que "é imposible crelos", xa que están baseados en "previsións ficticias desmentidas sistematicamente pola realidade".
Tamén a deputada do Grupo Mixto no Parlamento Consolo Martínez criticaron hoxe que a estratexia orzamentaria da Xunta estea marcada polo ano electoral, a pesar de que tampouco son "os que Galicia necesita" Para Martinez estes orzamentos recollen “novos recortes e máis corrupción e a podremia que nos vén enriba cos gobernos ao servizo das grandes empresas do IBEX 35”. "Falan do emprego como se tivéramos avanzado algo. Se non aumentou máis o desemprego é porque a xente se deu de baixa e porque emigrou masivamente buscando oportunidades de traballo noutros países”, dixo.
 
Os sindicatos ven un orzamento electoralista sen políticas de emprego
O Sindicato Nacional de CCOO de Galicia e a UGT Galicia consideran que estes  orzamentos  non acadará este obxectivo de déficit porque é electoralista, non apostav pola creación de emprego nin mellorav a protección social necesaria neste momento.
 
Na súa opinión, é   un   orzamento   inxusto   porque   os   ingresos   fiscais   proveñen   da imposición   indirecta   (31,5 %   dos   ingresos),   que   grava   por   igual   as persoas independentemente da súa renda e que aposta por unha rebaixa da   imposición   directa   en   vez   de   facer   unha   verdadeira   reforma   fiscal máis progresiva e xusta.
 
As centrais desaproban  as   rebaixas   fiscais   deste proxecto   de   orzamentos,   que   supoñen   unha   perda   de   recadación estimada   en   máis   de   140   millóns   de   euros,   cos   que   se   achegaríanvaliosos recursos para o emprego, a protección social, a educación e a sanidade.
 
A   pesar   de   haber   máis persoas desempregadas que en 2009, o orzamento é inferior nun 50 % ao daquel ano, no referido a políticas activas de emprego. Dito doutro xeito: o anunciado incremento do 8,7 % na promoción   de   emprego   non   evita   que   estes   recursos   supoñan   un inalterable 2 % do total orzamento desde o ano pasado.
 
En   2009,   cando   Feijóo   chegou   ao   goberno,   a   taxa   de   paro   era   do 12,4 %; agora confórmanse con acadar unha taxa de paro do 18,3 % no 2016. 

Ningún comentario:

Publicar un comentario