Os premios fin de carreira, cousa de mulleres

0 dos 58 premios fin de carreira para o alumnado graduado nas universidades galegas no curso 2012-13 corresponderon a mulleres, un 69% do total, o que constitúe unha proporción récord nos últimos anos. Nos tres cursos anteriores sempre se concedera este recoñecemento an maior número ás licenciadas que aos licenciados varóns, aínda que con distribucións máis igualadas (entre un 54% e un 58% de premios para as tituladas).
As mulleres son, dende hai varias décadas, clara maioría no total de persoas licenciadas. No curso 2000-2001 supoñían o 62,3% do total, e dende entón esta porcentaxe, que chegou a ser do 64% no curso 2007-08, non descendeu do sesenta por cento. No curso 2012-13 as mulleres foron o 61,6 das graduadas.

	2011	2012	2013	2014
Mulleres	30	35	37	40
Homes	24	25	32	18
Total	54	60	69	58

Premios fin de carreira entregados en Galicia dende o curso 2009-2010

A Universidade de Vigo é o centro no que se rexistrou este ano unha maior proporción de mulleres premiadas. 13 dos 18 premios fin de carreira recibidos polo estudantado dos campus de Vigo, Pontevedra e Ourense foron para mulleres, e 5 para homes. Iria de Dios (Grao en Linguas Estranxeiras), Elda Miramontes (Ciencias do Mar), Helena Pose (Administración e Dirección de Empresas) e Sara Bouzas (Ciencias da Actividade Física e Deporte) son catro das alumnas recoñecidas con esta distinción, segundo destaca o diario dixital da Universidade de Vigo, que as entrevista.
Os premios fin de carreira teñen como finalidade recoñecer o traballo, esforzo e excelencia das mellores traxectorias académicas dos e das estudantes das universidades galegas. Das 58 persoas premiadas 24 proveñen da Universidade de Santiago de Compostela, 18 da Universidade de Vigo e 16 da Universidade da Coruña. Todas e todos recibirán a máxima dotación económica, fixada en 2.500 euros, así como un diploma acreditativo desta distinción. Contando con esta última resolución, nos seus 24 anos de historia un total de 1.004 titulados e tituladas do Sistema universitario de Galicia obtiveron este premio.

Premios de fin de carreira nas universidades galegas, por xénero

Ir ao permalink