Agolada entrega hoxe as axudas a material escolar

O Concello de Agolada entregará hoxe as axudas a material escolar a unha decena de nenos. Por primeira vez o Concello entregará vales en lugar dunha contía económica. Os usuarios poderán trocar os cheques por material escolar ao longo do curso nas librerías de Agolada e nunha de Vila de Cruces (debido á maior proximidade dun usuario ao municipio limítrofe). Válelos oscilan entre os 30 e os 100 euros e suman un orzamento de 630 euros. O departamento de Servizos Sociais encargouse de avaliar as necesidades dos beneficiarios.