Um audiovisual contra o assédio escolar no IES Marco do Cambalhom

Hoje apresentou-se umha curta contra o acoso  realizada no IES Marco do Cambalhom de Vila de Cruzes pola Equipa de Normalizaçom Linguística/Clube da Linguae o coletivo de humor na rede social Canto Galpón.

O guióm da curtametragem foi elaborado por umha equipa conformada por alunado e professorado do IES de Vila de Cruzes e a realizaçom artística é de Nerea Fiúza e Adela Otero, ademais tamém participarom os exalunos Vitor Pinheiro e Juan Salgado.

A curtametragem pretende sensibilizar à comunidade escolar diante do problema do acoso escolar e pom a sua atençom no campo das agressons verbais, insultos, prejuiços e discriminaçons. Co lema "Nom olhes a outro lado", a peça contou com a participaçom no guióm e na interpretaçom do Clube da Língua.
Canto Galpón é um coletivo de humor na internet formado por gente nova de Vila de Cruzes, exalunado do IES Marco do Cambalhom.  Entre as suas creaçons audiovisuais está a minisérie de humor “Frases galegas”, co senhor do petilho como protagonista. A sua página http://cantoghalpon.gal/ nasce como a primeira página de memes em galego e é um dos projetos de humor  mais visitados nas redes sociais. 
Este projeto é o resultado da implicaçom  do Clube da Língua-Equipa de Normalizaçom no processo de elaboraçom do Plano de Conivência do IES Marco do Cambalhom impulsado pola própria comunidade escolar. Estíma-se que um 7% do alunado galego sofre acoso escolar e este audiovisual procura concienciar para a participaçom do alunado na resoluçom de conflitos relacionados com este tema de violéncia entre iguais.
https://youtu.be/qwlVen1dPHQ