Máis de 2,4 millóns de estudantes en folga e decenas de miles enchen as rúas!

A folga estudantil do 13 e 14 de abril foi un mazazo contra as políticas educativas da dereita. A esixencia da derrogación da LOMCE e o decreto do 3+2, o fin dos recortes, dos despedimentos de profesores, das taxas que nos expulsan da universidade e a FP, estiveron presentes neste huelgón que paralizou masivamente os centros de ensino medio e as facultades en todos os territorios. Máis de 2,4 millóns de estudantes secundaron a chamada á loita nestas dúas xornadas, e decenas de miles saímos ás rúas en máis de 100 manifestacións que foron excepcionalmente combativas.
Máis de 20.000 en Madrid, máis de 10.000 en Barcelona, 2.000 en Bilbo, 2.000 en Donosti, 3.000 en Granada, 2.000 en Málaga, 2.000 en Cádiz, miles nas capitais galegas, en Navarra, Asturias, en País Valencià, en Aragón, Castela-A Mancha, Balears, Estremadura…En todas estas manifestacións contamos coa participación de numerosos colectivos sociais e de traballadores en folga, desde os espartanos e espartanas de Cocacola en loita, os compañeiros de Telemadrid, os delegados sindicais de CCOO do centro do Corte Inglés de Goya en Madrid, os traballadores de Limasa en Málaga, de Xixón Fabril, do 061, etc.; tamén de CCOO, STEs, CXT, de Podemos, EU-UP, En Marea, Esquerda Revolucionaria, e de numerosos profesores. Unha mobilización que foi unha aldrabada e que debe ser o inicio dunha loita sostida para derrotar á dereita e a todos aqueles que queren manter os recortes como algo irreversible.
A pesar da represión en numerosos centros de estudo, onde direccións vinculadas ao PP tentaron boicotear a mobilización e impedir a numerosos estudantes exercer o seu lexítimo dereito á folga; a pesar da confusión que se quixo introducir desde algúns medios políticos, alegando demagógicamente que a LOMCE estaba “paralizada”, a vontade da mocidade para poñer de manifesto a súa oposición rotunda ás políticas que están a demoler o ensino público foi imparable. Nas manifestacións denunciar reiteradamente o pacto PSOE-Cidadáns, un acordo que volve as costas á Marea Verde, que se nega a recoñecer as nosas xustas reivindicacións, e que pretende continuar coas políticas privatizadoras do PP. Neste pacto non só non se contempla a derrogación da LOMCE nin do 3+2, fálase mesmo de impoñer taxas académicas en FP e Bacharelato, e de continuar coas políticas que impiden aos fillos dos traballadores acceder a un ensino público, gratuíta e de calidade, e pecharnos as portas da universidade.
Volvemos dicir alto e claro. Desde o Sindicato de Estudantes non imos aceptar que se manteñan estas políticas a favor dunha elite de privilexiados, que rouban a mancheas o patrimonio de todos e logo evádeno aos paraísos fiscais. Esta minoría, para a que goberna o PP, e que dita a política de Cidadáns e da dirección do PSOE, son os que arruínan o ensino público, condénannos ao paro, á precariedade, aos salarios miserables e ao exilio forzoso. O FMI anunciou hoxe mesmo que esixirá novos recortes ao próximo goberno. É incrible! Queren afundirnos na miseria e ademais que lles aplaudamos. Pero non o imos a consentir!
A forza organizada da mocidade é fundamental para enfrontar todos estes ataques, e reverter os recortes. Non sabemos aínda que formación ocupará o goberno. Pero temos moi claro que, goberne quen goberne, seguiremos defendendo o ensino público e os nosos dereitos. Se o goberno que finalmente se establece pretende continuar co austericidio e os recortes destes anos, teranos en fronte, mobilizados e en píe de guerra. Non imos parar ata derrotar esta estratexia de liquidar o ensino público e o noso dereito ao estudo.
Queremos agradecer aos miles de compañeiros e compañeiras que durante máis dun mes distribuíron máis de 250.000 follas informativas e pegado máis de 60.000 carteis en IES e facultades de todo o Estado, que celebraron máis de 750 asembleas. Eles e elas foron a clave do éxito desta folga. Tamén queremos destacar o enorme apoio que a mobilización recibiu da mocidade en Galicia, en Catalunya e Euskal Herria. A loita dos compañeiros destes territorios denunciando as políticas privatizadoras non só do PP, tamén do PNV e Converxencia, e de todas aqueles que lles sosteñen (aínda que o pretendan xustificar de mil maneiras a cada cal máis lamentable) demostra que, por encima de todo, únenos a pertenza a unha mesma clase: somos fillos de traballadores e traballadoras e temos os mesmos intereses e aspiracións.
Para finalizar, queremos volver subliñar o que dixemos en todas as manifestacións de hoxe: o noso completo apoio aos estudantes franceses que están a librar unha loita exemplar, e nosa firme solidariedade cos centos de miles de refuxiados, con eses homes, mulleres e nenos, que son os nosos irmáns e irmás e que están a sufrir a violencia, a represión e o racismo dos gobernos da Europa capitalista. A eles dedicamos esta gran folga estudantil.