luns, 21 de marzo de 2016

Mais um ano, um concerto no Auditório Municipal culmina 'A Mocidade com a Língua” em Ferrol

A feliz iniciativa da Coordenadora de Equipas de Normalizaçom Lingüística, surgida a inícios da década de 90, mantém aceso o facho do galego no mundo da música juvenil.

Mais um ano, o mundo estudantil de secundário culmina o concurso musical protagonizado por estudantes da comarca de Trasancos, com um concerto no Audiotório Municipal de Ferrol.
Será nesta sexta-feira e contará com a participaçom de cinco grupos musicais, três deles formados por estudantes amadores e duas de caráter profissional.
Os grupos amadores formados por estudantes som, desta vez, Indianos, formado por alunas e alunos do IES Fernando Esquio, de Neda; Eigth Swing, integrado por raparigas e rapazes dos IES Saturnino Montojo, Canido e Concepción Arenal (Ferrol); e Polaina, um coro do IES Carvalho Calero de Carança (Ferrol).
Rock, Bossa Nova, blues e música popular estarám presentes no repertório dos grupos estudantis.
Por seu turno, dous grupos profissionais acompanham as bandas amadoras. Nesta ocasiom, trata-se das Sacha na Horta e dos Blues do País. “Agropachanga” e blues galego, respetivamente.
O festival começa polas 10:30 horas desta sexta-feira, dia 17 de março, contando com a colaboraçom da Cámara Municipal de Ferrol através da área de Participaçom Cidadá.
Parabenizamos o estudantado da Terra de Trasancos por esta já longa história de compromisso musical com a nossa língua, que volta a concretizar-se numha ediçom da 'Mocidade com a Língua'.

Ningún comentario:

Publicar un comentario