Erguer. Estudantes da Galiza: Apresentaçom e resoluçons da nova entidade unitária

Erguer. Estudantes da Galiza - Despois de vários anos nos que vínhamos partilhando dinâmicas e trabalhando juntas em diversos momentos, as três organizaçoms estudantis nacionalistas e independentistas Agir, Comités Abertos e Liga Estudantil Galega, demos o derradeiro passo, culminado com a criaçom da nova ferramenta do estudantado galego.
Assim, o pasado 5 de março celebrou-se em Compostela a nossa Assembleia Nacional Constituinte, baixo o lema ‘Libera e transforma Galiza desde as aulas”, onde nasceu a nova organizaçom estudantil nacionalista e independentista galega: Erguer. Estudantes da Galiza.

Desde Erguer, as estudantes organizadas seguiremos lutando polos direitos do estudantado galego, tanto nas rúas como nas aulas, lutando contra a estratégia universitaria, o 3+2, a LOMCE e a espanholizaçom do ensino. Luitaremos por um ensino por e para o povo, que nom se veja supeditado aos interesses económicos das grandes empresas e que fomente a consciência crítica e a igualdade.
Assim, a Assembleia Nacional Constituinte de Erguer. Estudantes da Galiza resolve que:
1- Erguer. Estudantes da Galiza é umha organizaçom composta por estudantado galego com um mesmo projecto.
2- Erguer. Estudantes da Galiza está chamada a ser umha organizaçom destinada à defesa dos direitos do estudantado, cujo objetivo estratégico é alcançar um ensino galego, público, de qualidade, democrático e antipatriarcal.
3- Erguer. Estudantes da Galiza é uma organizaçom de carácter soberanista, plural, situada no campo da esquerda nacionalista independentista, nun movemento político que procura a constituiçom da Républica galega independente, democrática e plenamente soberana, sabendo que só neste marco se poderá dar o ensino polo que lutamos.
4- Erguer. Estudantes da Galiza, como organizaçom antipatriarcal, assume as teses feministas, procurando a igualdade plena entre os diversos géneros.