COMUNICADO DA PLATAFORMA EN DEFENSA DO ENSINO PÚBLICO

Como ven sendo o costume nos últimos anos o inicio de curso leva aparellado a aplicación das medidas derivadas dos brutais recortes no ámbito educativo decretados polos Gobernos do Partido Popular, que están a por en perigo o ensino público, atacando a igualdade de oportunidades e retrocedendo nos avances conseguidos no modelo educativo do noso país, pretendendo con elo trasladarnos a épocas que xa críamos esquecidas.

-          Perda importante de profesorado e incremento da temporalidade do mesmo.

-          Incremento das taxas de interinidade que pasaron a duplicarse.

-          Incremento da afinidade que fai que mais de mil docentes teñan que impartir especialidades que non son as súas

-          Supresión das medidas de atención á diversidade, reforzos, desdobres...

-          Redución dos profesionais de atención á diversidade

-          Peche de 74 unidades de infantil e primaria.

-          Supresións de ciclos Formativos de Formación Profesional

-          Endurecemento dos requisitos de acceso ás bolsas

-          Supresión de axudas para material escolar e creación dun Banco de Libros paralelo ao das ANPAS desbotando irresponsablemente o patrimonio acumulado nos centros.

-          Mantemento dos concertos aos centros que segregan por sexo

Ademais a implantación atropelada da LOMCE, que servirá para deteriorar o ensino público en favor dun ensino de elite baixo as premisas ideolóxicas da dereita máis rancia deste país, ven a agravar un panorama xa caótico coas seguintes medidas .

-          Publicación dos decretos de Primaria e FP Básica xa iniciado o curso

-          Descoñecemento da oferta educativa de FP Básica

-          Deslocalización da oferta educativa de FP Básica, afectando especialmente aos concellos do rural

-          Redución de 500 prazas escolares na FP Básica

-          Aumento das rateos

-          Cambio indiscriminado dos libros de texto

Esta Plataforma consecuentemente co noso compromiso de  denuncia de calquera intención de destruír un modelo educativo de calidade e equidade convoca unha SEMANA DE LOITA do 6 ao 10 de outubro na que realizaremos diversas actividades como son os ABRAZOS SOLIDARIOS que se convocaran en diversos centros educativos como símbolo do apoio que a comunidade educativa temos que dar aos receptores dos ataques do goberno contra o ensino

Polo que desde esta Plataforma facemos un chamamento á sociedade, nais, pais, docentes e alumnado para que participe nestas mobilizacións porque está en xogo a educación do noso país.

Santiago de Compostela, a 2 de outubro de 2014