xoves, 23 de outubro de 2014

Os estudantes reclaman na rúa a dimisión de Wert

  • "Semana de loita" para protestar contra a política educativa do Goberno
  • A Plataforma de Afectados polas Bolsas (PAB) e o Sindicato de Estudantes fan un chamamento a "non mirar cara a outro lado"

Os estudantes madrileños botáronse á rúa este mércores, no segundo día de folga do ensino, para mostrar o seu rexeitamento á Lei Orgánica de Mellora e Calidade do Ensino (LOMCE) e ao berro de "Non aos recortes" e "Si se pode".

Na protesta que percorreu as rúas de Madrid participaron, segundo os convocantes, entre 15.000 e 30.000 estudantes que secundaron unha pancarta co lema "Non á contrareforma franquista. Bolsas si, taxas non. Wert dimisión". Os manifestantes gritaron consignas como "Queremos unha escola pública laica e plural" ou "Nin un paso atrás contra os recortes".

Preto da cabeceira púidose ver outra pancarta de apoio aos traballadores de Coca-Cola, e tras a mesma, unha de recordo aos estudantes falecidos en México. Moitos dos manifestantes acudiron ataviados coa camiseta de cor verde que identifica as protestas no sector da educación.


Cos actos convocados durante esta "semana de loita" os estudantes piden a dimisión do ministro  José Ignacio Wert, e a retirada da LOMCE.

A Plataforma de Afectados polas Bolsas (PAB) e o Sindicato de Estudantes aproveitaron a mobilización para pedir a alumnos, pais e profesores que non se resignen e non miren "cara a outro lado".

A semana de protestas conta co apoio de Podemos, Esquerda Unida, Federación de Ensino de CCOO. Marea Branca ou Plataforma de Afectados polas Hipotecas, entre outros.

Seguimento do 70% segundo o Sindicato de Estudantes

Entre un 70 e un 90% de alumnos dos institutos de educación secundaria de España secundaron o primeiro día de folga, segundo o Sindicato de Estudantes, convocante deste paro de 72 horas.

O ministro de Educación, José Ignacio Wert, sen embarbo, asegurou que o seguimento da folga estudantil convocada desde o pasado martes está a ser "escaso" e mesmo nalgunha comunidade autónoma é "insignificante". Así o sinalou Wert no Congreso, aínda que matizou que se trata dunha información facilitada polas comunidades autónomas e, por tanto, "non está estatisticamente acreditada".

"Como saben, as comunidades autónomas só poden establecer un seguimento cando os profesores están en folga, cousa que nesta ocasión non se produce, e por elo só pódese facilitar a información que as comunidades autónomas trasladan", resaltou

Ningún comentario:

Publicar un comentario