Esta vez os recortes son no IES Poeta Añón da Serra de Outes.
A CIG-Ensino quere mostrar o seu apoio ao
IES Poeta Añón da Serra de Outes que veu reducido este curso o número de
docentes coa desculpa de estaren os titulares en comisión de servizos.
A falta de cadros de persoal mínimos nos
centros de secundaria fai que o sistema de cupos que utiliza a
Administración para dotalos de persoal supoña que a Consellaría procure
cada curso recortar o cupo con respecto ao curso anterior tal como
vimos denunciando recorrentemente desde a CIG-Ensino. Neste caso o
centro conta con un cadro de persoal de 25 docentes con destino
definitivo no centro . Dúas destas prazas corresponden a un mestre de
matemáticas en comisión de servizos por servizos especiais e outra a
unha PES de EF en comisión de servizos na Secretaría Xeral para o
Deporte. Para sorpresa do centro, este curso ven recortadas estas dúas
prazas de maneira inicial e logo das reclamacións do Centro,
recórtanselle finalmente unha. A CIG-Ensino entende que A Consellaría
está aproveitando as comisións de servizo para aforrar persoal nos
Centros o que redunda claramente na discriminación daqueles que teñen
persoal nesta situación. No IES POETA AÑÓN, de estar estes dous docentes
no centro non sufrirían este recorte.
Se
ben é certo que os recortes de docentes no ensino público están sendo
constantes en todo tipo de Centros, tamén o é que aqueles que son máis
pequenos e de ámbito rural vense dobremente prexudicados. Así é que,
por exemplo, a oferta de optativas coa que poden contar acaba sendo
raquítica alén doutros aspectos como participar en determinados
programas formativos ou dotarse de lectores para linguas estranxeiras.
Afóndase desta maneira na existencia de centros mellor ou peor dotados
seguindo a liña discriminatoria marcada desde a LOMCE
A
CIG-Ensino denuncia esta situación e esíxelle á Consellaría que
solucione o problema do IES POETA AÑÓN. Tamén apoia a loita levada a
cabo polo profesorado do centro e da dirección na procura da mellora
das condicións laborais e educativas do IES.
Ningún comentario:
Publicar un comentario