Destaca a “unidade” da manifestación a favor do idioma do pasado domingo coa presenza de “Xavier Vence, Francisco Caamaño ou Martiño Noriega”.
Leva unhas horas no cargo, pero Román Rodríguez, o novo conselleiro de
Cultura e Educación xa ten unha pataca quente entre as mans; a masiva
manifestación do pasado domingo a favor do galego. Precisamente, sobre
esta cuestión, o presidente da Mesa pola Normalización Lingüística
(MNL), Marcos Maceira, retouno xa a que se sitúe "xa" respecto ao idioma, porque "terá que demostrar se quere galego ou se tampouco quere galego".
Así, amosou o seu desexo de que sexa o titular de Educación quen, a partir de agora, estea "á fronte das políticas de impulso" ao idioma,
xa que o seu predecesor non o fixo así. "A postura que mantivo non foi
de non avanzar senón que foi de retroceder", sinalou sobre o xa
exconselleiro de Cultura, Educación e Ordenación Universitaria, Xesús
Vázquez Abad, que sae do Executivo autonómico para ser candidato do PP á
Alcaldía de Ourense.
Sobre a "multitudinaria" manifestación celebrada o
pasado domingo en Santiago de Compostela, Maceira dixo que mostrou "unha
gran unidade" en torno ao idioma, e iso "coa excepción" do Partido
Popular, lembrou, xa que "reuniu a políticos de distintos signo, desde o
líder do BNG, Xavier Vence, ao exministro socialista Francisco Caamaño ou o portavoz de Anova, Martiño Noriega".
Neste sentido, sinalou que a do domingo foi "a demostración clara" de
que a sociedade tomou conciencia de que é "o momento" de reverter a
"falta de saúde" da lingua galega.
Ningún comentario:
Publicar un comentario