Arquivada a causa contra três militantes de AMI polo vídeo “Vilingüismo”

A causa que se mantinha aberta contra três militantes da Assembleia da Mocidade Independentista (AMI) pola criaçom dos vídeos “Vilingüismo” fôrom arquivadas definitivamente durante estes dias.
No ano 2008 a AMI lançou o audiovisual “Vilingüismo” no que denunciava à por entom incipiente, associaçom galegófoba Galicia Bilingüe. A raíz da difusom deste trabalho, Galicia Bilingüe apresentava umha denúncia na Comisaria de Vigo ao entender que o documentário incitava a agressons contra os membros da associaçom galegófoba.
O Julgado de Instruçom da cidade olívica tramitou o caso e inicialmente imputou a três militantes da AMI tomando-lhes declaraçom. Posteriormente e após várias diligéncias provatórias, o Julgado decidiu sobresser e arquivar a causa mas Galicia Bilingüe elevou o caso ante a Audiência Provincial de Ponte-Vedra.
Finalmente, a Seçom 5ª Audiência de Ponte-Vedra mediante o auto 2310/14 rechaçou o recurso de apelaçom feito por Galicia Bilingüe e da por sobreseido e fechado o caso.