luns, 4 de xullo de 2016

Rural galego: 75% do território, 25% da populaçom e 20% do PIB

Economistas, investigadores e empresarios convocados polo Foro económico de Galiza debateron sobre a necesidade de mudar o modelo económico do rural.
Un total de 25 economistas, investigadores e empresarios tomaron parte na xornada convocada polo Foro económico de Galiza (FEG) sobre o rural galego e a necesidade doutro modelo económico. Tratábase de propoñer solucións para o rural galego, que representa o 75% do territorio pero só conta co 25% da poboación e menos do 20% do PIB. “O rural xa non é principalmente agrario, mais aínda non é outra cousa” resumiu Edelmiro López Iglesias, economista do Foro Económico de Galiza e un dos coordenadores da xornada. O FEG aponta que, segundo os datos, só a cuarta parte dos habitantes do rural galego teñen a agricultura como actividade principal.
As propostas do Foro Económico de Galiza para reverter o declínio do rural galego inciden en tres aspectos: os habitantes, as terras e as demandas actuais da sociedade e que se concretan en seis puntos: Medidas lexislativa que permita resolver o uso das terras entre propietarios de terras, residentes no rural e non residentes (empresas), reorientación do modelo produtivo das explotacións agrarias, desenvolvemento das industrias agroalimentarias, a través de políticas públicas máis selectivas, introducir apoio económico á explotación forestal, diversificación produtiva e apoio aos novos emprendementos no medio rural e creación dunha rede de infraestruturas de usos múltiplos.

Ningún comentario:

Publicar un comentario