mércores, 18 de xuño de 2014

Os concellos actúan para garantir a alimentación a escolares en verán

Os munícipes iniciaron estudos e conversacións cos colexios para detectar posibles casos de familias en risco e reforzar as axudas.

A posibilidade de que o peche dos comedores escolares supoña un prexuízo para os nenos e carrexe a escolares de familias sen recursos problemas para unha axeitada alimentación é algo que preocupa moito aos munícipes dos concellos da zona. Moitos deles, tras a medida adoptada por Lalín de distribuír menús entre as familias en verán, iniciaron un estudo da situación do seu municipio e estudan accións encamiñadas a reforzar a axuda que xa se lles presta.
ADVERTISEMENT
Tal é o caso do Concello de Silleda. O alcalde, Manuel Cuíña, destaca que nestes momentos, reciben todos os días alimentos procedentes de convenios con supermercados e organizacións e que contan cunha reserva importante para atender a demanda. O venres realizarán a primeira repartición de alimentos procedentes da Fundación Amigos de Galicia destinada a vinte familias con nenos. Cuíña sinala que «estamos en contacto con Servizos Sociais é por agora non temos ises problema detectado, ou cal non quere dicir que non puidera haber algún oculto». En Cruzamentos tampouco lles consta e de momento non teñen ningunha notificación nin por parte dos colexios nin por parte de Servizos Sociais. A edil, Beatriz Iglesias, sinala que mañá xoves ten previsto estar cos directores dos centros e no caso de existir algún caso, actuarán e brindarán a súa axuda.
Na Estrada só tiñan detectado este curso, apuntan, un caso dunha familia en situación de risco por un problema puntual e que nestes momentos a situación da familia mellorou e xa non se encontra en situación de desamparo. Non obstante móstranse tamén dispostos a realizar accións no caso de que se lles traslade algunha necesidade por parte dalgunha familia co fin de actuar en consecuencia.

 

Ningún comentario:

Publicar un comentario