martes, 18 de outubro de 2016

Movemento Dezao polo Ensino Público apoia os actos do 20 e 26 contra a Lomce

O colectivo Movemento Dezao polo Ensino Público (Modep) manifesta o seu apoio ás iniciativas que promove a Plataforma Galega en Defensa do Ensino Público en contra das reválidas e doutras cuestións que expón a Lei Orgánica para a Mellora da Calidade Educativa (Lomce). Así, anima aos alumnos, profesores e familias a participar nas concentracións que terán lugar durante os recreos este xoves, día 20, así como nos paros previstos para o vindeiro mércores, día 26. Ademais, comina a todos os afectados a asinar na campaña de recollida de signaturas que está activa na web da plataforma galega.
O Modep insiste en que existe certo empeño por implantar de forma apresurada unha reforma que conta coa oposición de amplos "sectores sociais e do ámbito educativo". Ademais, aínda está pendente de resolver o RD 310/2016, que regula as reválidas. Por todo iso, a día de hoxe conviven nos institutos dous tipos de alumnos, os que terminarán o bacharelato por LÓEA e os que o farán coa Lomce.

Ningún comentario:

Publicar un comentario