venres, 19 de xuño de 2015

O conflito entre preservación medioambiental e desenvolvemento económico

O conflito entre preservación medioambiental e desenvolvemento económico maniféstase en todo o planeta. Divulgare, dentro do proxecto ‪Arcopol‬, está documentando este problema nun lugar emblemático: a baía de Vancouver, en Canadá.
O proxecto Arcopol está financiado polo Programa Transnacional Espacio Atlántico co obxectivo de reforzar a capacidade de prevención e resposta das rexións atlánticas ante episodios de contaminación marina accidental no Arco Atlántico causados por hidrocarburos ou por substancias nocivas e potencialmente perigosas, a través da transferencia de tecnoloxía, da formación e da innovación. Un total de doce organizacións de Reino Unido, Irlanda, Portugal e España participan neste proxecto, incluídos o Centro Tecnolóxico do Mar-Fundación CETMAR, o Instituto Tecnolóxico para o Control do Medio Mariño INTECMAR e a Universidade de Vigo.
Divulgare é a factoría de curtas do Laboratorio de evolución e ecoloxía da Universidade de Vigo, cuxa aposta é pola divulgación da ciencia para poñela ao alcance de todos os públicos.

Ningún comentario:

Publicar un comentario