![](https://blogger.googleusercontent.com/img/b/R29vZ2xl/AVvXsEhViFFkCiIzjemmBw3pS72wup5YzybzWnG_vFaIASjzeR_16GaahjdxZ7dmLDsD3aiuQV8FZ6IyMuLcoLiPjqGCGLnkd_XvVP7aShndmr483yUCacCRZZ_NVn61tM90Xy7lmwHmCYEISdA/s1600/PUBLICIDADE+PGDEP+copia.jpg)
A Plataforma Galega en Defensa do Ensino Público anunciou o mércores 7 de maio en rolda de prensa novas mobilizacións contra a LOMCE e os recortes no ensino público. A próxima protesta será o 28 de maio e consistirá nun acto no Museo Pedagóxico de Galiza, na aula que representa a escola do franquismo co obxectivo de amosar as semellanzas entre a educación na ditadura e o ensino que se pretende coa LOMCE. A Plataforma tamén convocará para o 4 de xuño actos reivindicativos nas sete cidades e diferentes vilas ás sete da tarde. Ese mesmo día, pola mañá, proporase aos centros que dean lectura a un manifesto que denunciará os recortes e que incluirá un chamamento a non aplicar a LOMCE naqueles aspectos máis nocivos para o ensino público.
Ningún comentario:
Publicar un comentario