Máis da metade dos mozos, dispostos a emigrar

Un estudo de Abanca sinala que a poboación entre 21 e 30 anos está disposta a e emigrar para atopar unha oportunidade laboral no estranxeiro.

Moitos xa están na emigración, milleiros saíron de Galicia, centenares de milleiros do conxunto do Estado. E, aínda así, os que aínda quedan tamén queren emigrar. E é que un estudo de Abanca mostra que máis da metade dos mozos españois estarían dispostos a abandonar o Estado para atopar unha oportunidade laboral no exterior.

As súas conclusións son ben elocuentes; a xeración máis preparada da historia do país non está a gusto aquí porque cre que non ten oportunidades de futuro. Outras das conclusións relevantes da investigación só o 21,5% dos mozos ven positivo o futuro da súa xeración.
"Que queres facer coa túa vida" é o nome deste estudo levado a cabo pola empresa de investigación social Two Much, a consultora de comunicación Quero salvar o mundo e a comunidade de mozos Global Shapers Madrid.
A investigación realizouse con mozos de entre 21 e 30 anos, con 2.000 enquisas e até 60 entrevistas en profundidade. Durante un mes, percorréronse 5.000 quilómetros e visitaron 30 cidades para coñecer as sensacións e as historias de centos de mozos e emprendedores.