mércores, 16 de decembro de 2015

Festa do Projeto Pontos, destinado a promover o galego no comércio local

A Comissom de Defesa da Língua da Gentalha do Pichel monta umha exposiçom com as fotos dos 50 locais incluidos no Projeto Pontos, iniciativa que pretende promover o comércio em galego em Compostela. Haverá umha mesa redonda com membros dalguns dos locais incluídos no Projeto Pontos. Apresentará-se a campanha de descontos de Natal e o calendário da Gentalha do 2016, com fotos de 12 estabelecimentos do ProjetoPontos. A partir das 22h30 a festa continuará com um concerto da Ukestra do Medio.
 O Projeto Pontos é umha iniciativa da Comissom de Defesa da Língua da Gentalha do Pichel que pretende promover o consumo responsável a nível linguístico publicitando e promovendo o comércio em galego na cidade de Compostela.
Nestes últimos anos muitos negócios novos entrárom, outros saírom, alguns ganhárom ou perdêrom pontos. Agora som 50 estabelecimentos de todo o tipo que fazem uso da nossa língua de maneira consciente e que pretendem, com esta plataforma, criar comunidade lingüística entre as consumidoras e consumidores da cidade.
Som milhares em Compostela, sem dúvida. Milhares de pessoas que amam a sua língua e fazem o que está na sua mao por mantê-la viva e forte: ativistas que a defendem, maes e pais que a transmitem, lingüistas que a enriquecem, trabalhadoras que a levam à rua, professoras que a ensinam. E querem sensibilizar a populaçom sobre a importáncia de um consumo responsável também no aspeto lingüístico, porque é neste ámbito onde muitos dos nossos direitos simplesmente nom existem.
O vindouro 18 de Dezembro celebrarám umha festa no Centro Social do Pichel para dar a conhecer o Projeto Pontos um pouquinho mais.
Às 20h30 inaugurarám umha exposiçom com as 50 fotos dos locais que formam parte da iniciativa nestes momentos. Aproveitarám para apresentar o calendário da Gentalha 2016 com fotos de 12 locais deste projeto e a campanha de descontos de Natal que organizam por segundo ano com a participaçom de 17 estabelecimentos de todo tipo. A partir das 21h farám umha mesa redonda aberta ao todo o mundo e com a participaçom de representantes dalguns dos negócios do Projeto Pontos.
Para acabar a festa haverá um concerto com a Ukestra do Medio, a fabulosa orquestra de ukeleles de Compostela.

Ningún comentario:

Publicar un comentario