Chega IV Ediçom do concurso escolar ‘Conhecendo o Apalpador’

A Fundaçom Artábria convoca o IV Concurso Escolar ‘Conhecendo o Apalpador’ com o intuito de continuar a promover o conhecimento da figura do gigante carvoeiro do Courel entre as crianças galegas. Como novidade, é a primeira ocasiom em que o certame conta com a colaboraçom do Concelho ferrolano, salientam da organizaçom.
O certame é aberto a qualquer criança de 3 a 12 anos que apresentar um desenho original com qualquer material ou técnica, relativo à figura do Apalpador. O desenho será apresentado numha folha de papel de tamanho A4. As bases estabelecem três categorias: 3-5 anos, 6-8 anos e 9-12 anos.
Os trabalhos candidatos aos prémios terám que ser enviados antes do 23 de dezembro de 2015 ao seguinte endereço: Fundaçom Artábria, Travessa de Batalhons nº 7, baixo. Ferrol.
Estabelecem-se 3 prémios por categoria, que consistirám num lote de produtos relacionados com a figura deste personagem da mitologia galega. O júri poderá conceder as mençons honoríficas que considerar oportuno, assim como declarar deserto qualquer um dos prémios.

+ Ligaçons relacionadas:

• Bases completas no sítio web da Fundaçom Artábria
• Especial ‘O Apalpador’ no PGL