martes, 10 de maio de 2016

A Plataforma Galega en Defensa do Ensino Público continúa na súa loita contra as reválidas

Numerosos centros rexeitaron de diferentes formas as reválidas na mañá deste luns 9 de maio

A Plataforma Galega en Defensa do Ensino Público continúa na súa loita contra a LOMCE e contra as reválidas que están previstas para os días 11, 12 e 13 de maio. Numerosos centros rexeitaron de diferentes formas as reválidas na mañá deste luns 9 de maio. Os actos de hoxe súmanse ás concentracións realizadas na tarde do mércores 4 de maio de rexeitamento á LOMCE e ás reválidas e convocadas pola Plataforma nas cidades e diferentes vilas.
GALERÍA DE IMAXES

A Plataforma Galega en Defensa do Ensino Público reitera o seu chamamento ás familias para que non envíen ás súas fillas e fillos aos centros e demanda da administración educativa a paralización destas probas e da propia LOMCE.
O calendario de accións contra a LOMCE terá continuidade o próximo mércores 11 de maio, coincidindo co inicio das probas, cunha concentración diante da Consellaría de Educación.
A Plataforma Galega en Defensa do Ensino Público está integrada pola AS-PG, CIG-Ensino,  Erguer. Estudantes da Galiza, a Federación Provincial de ANPA de Lugo (FAPACEL), a Federación de ANPA de Compostela, a Federación de ANPA da Costa da Morte, a Federación de ANPA de Ferrolterra (FEANPAS), Movemento Dezao en Defensa do Ensino Público, Sindicato de Estudantes, BNG, Galiza Nova e a Federación de ANPA de Ponteareas (FANPO).

Ningún comentario:

Publicar un comentario