A
Deputación de Lugo e a Universidade de Santiago (Campus de Lugo)
seguen adiante coa súa iniciativa conxunta para atraer estudantes á
Cidade da Muralla. Con este fin, puxeron
en marcha a terceira edición da súa campaña conxunta de promoción
e reclamo que inclúe, entre outras cousas, descontos nas
matrículas de até o 50%. A
campaña Para estudar, Lugo ten páxina web de seu. O
sitio en liña, segundo informa a Deputación, está a ter “bos
resultados”. Proba disto é que en só unha semana foi quen de
recibir 5.000 visitas de todo o ámbito estatal e do estranxeiro.
Así
o fixo saber este venres a voceira provincial socialista, Pilar
García Porto, que adiantou que os 120.000 euros que achega a
Deputación para asumir a metade dos custos da matrícula, permitirán
beneficiar a máis de 400 alumnos. Segundo engadiu, das
devanditas 5.000 visitas, máis do 10% proveñen de países como
Rusia, Estados Unidos, Alemaña ou Portugal, “o que demostra que a
campaña está a promocionar e fomentar o Campus de Lugo máis alá
das nosas fronteiras”. O 90% restante de visitan son de España:
máis do 14% son de Madrid e outro 10% de cidades como Barcelona,
Valladolid, Xixón, León, Santiago de Compostela ou A Coruña.
Nas redes
sociais, García Porto explicou que a campaña está a ter como
principal foco de comunicación os perfís oficiais do Campus Terra e
da Deputación de Lugo. As publicacións no Facebook da Deputación
de Lugo tiveron un alcance de máis de 30.000 persoas e foron
compartidas por máis de 100 usuarios (cifras ás que cómpre engadir
as acadadas polas páxinas ligadas á USC). En Twitter, a campaña
(que se está lanzar ao abeiro da etiqueta #paraestudarlugo
e con diferentes accións e imaxes) obtivo arredor de
120 chíos con dito cancelo ou relacionados co programa de bolsas.
Ningún comentario:
Publicar un comentario