luns, 18 de novembro de 2013

A 'lei Wert' devolverá o diñeiro público aos centros que segregan por sexo

  • O PP acepta dúas emendas de UPN no Senado para beneficiar aos centros educativos que separan nenos e nenas

  • As axudas públicas volverán a estes centros no curso 2014-2015, e os centros xa non terán que xustificar o seu modelo educativo

    O PP aceptou dúas emendas de UPN no Senado para favorecer aos centros de educación segregada, é dicir, os que separan os alumnos en función do seu sexo. A primeira delas, coñecida a semana pasada, establece que os centros que seguen este modelo, e aos que en 2013 se lles retirara o concerto unicamente por separar nenos e nenas, poden volver solicitalo para o curso que vén.

    A segunda, coñecida este martes, libra a estes colexios da necesidade de xustificar de forma "obxectiva e razoada" o seu proxecto educativo ao subscribir o acordo de concerto coas administracións educativas. Ese requirimento non figuraba inicialmente na lei Wert, pero foi incluído por recomendación do ditame do Consello de Estado.

    A xustificación desta emenda, a 390, indica que a educación segregada por sexos "non" supón discriminación" en si mesma: "Hai que evitar o perigo que supoñen a discrecionalidade e os conceptos indeterminados para a liberdade, seguridade xurídica e a igualdade territorial", apúntase.

Ningún comentario:

Publicar un comentario