O abandono educativo temperán en Galicia
rexistrou unha baixada porcentual do 1,1 por cento no primeiro semestre
deste ano en comparación co mesmo período de 2013.
O Instituto Galego de Estatística (IGE) achega este balance e
especifica que entre o 1 de xaneiro e o 30 de xuño de 2014 a porcentaxe
media de abandono foi do 18,8% fronte ao 19,9 computado nos mesmos
meses do exercicio pasado.
Esta diminución, sinala a Xunta nun comunicado, confirma o acerto das
iniciativas impulsadas a favor do éxito escolar, así como da
permanencia do alumnado no sistema educativo, e tamén a introdución de
programas innovadores impulsados polo departamento do ramo.
As cifras oficiais, apunta a nota, ratifican unha baixada "paulatina"
da taxa desde 2009, ano no que se situou nun 25,8%, ata chegar ao 18,8
de media no que transcorreu deste 2014.
Ningún comentario:
Publicar un comentario