mércores, 27 de agosto de 2014

Cataluña sopesa levar ao TC o decreto que o obriga a pagar a escolarización en castelán

A Generalitat de Cataluña sopesa levar ao Tribunal Constitucional (TC) o decreto do Goberno que obriga á Generalitat a pagar a escolarización en centros privados aos alumnos de familias que queren estudar en castelán como lingua vehicular, e este martes fixo o primeiro paso para facelo.
Na rolda de prensa posterior ao Consell Executiu, o voceiro do Govern, Francesc Homs, concretou que a Generalitat presentará ante o Goberno central un requirimento de incompetencia, e se o Estado o rexeita, logo pedirá un ditame preceptivo ao Consell de Garanties Estatutàries (CGE), cuxo aval require para levar este decreto ao TC.
Este decreto supón "unha invasión, e vai en detrimento das competencias propias da Generalitat en materia de educación e de lingua", concretou a Generalitat nun comunicado.
Para o Govern, o Estado non ten competencias para regular este ámbito e, ademais, o decreto é contrario ao réxime lingüístico educativo que establecen o Estatut de Cataluña e a Lei de Educación catalá (LEC).

Ningún comentario:

Publicar un comentario