NOTA
DE PRENSA
A Plataforma
Galega en Defensa do Ensino Público ven de convocar o día 28 de setembro unha MARCHA A SANTIAGO CONTRA A LOMCE
dentro do seu programa de mobilizacións para este trimestre.
Ante a
evidencia de que o Ministerio de Educación non está a dar mostras de dar ningún
paso atrás na súa intención de aprobar a LOMCE en todos os seus extremos a Xunta
Directiva do Movemento Dezao acordou secundar e participar como tal na mencionada
convocatoria e así seguir a informar e mobilizar á cidadanía contra este
proxecto ministerial.
A marcha
terá un percorrido de aproximadamente catro quilómetros ata chegar á Praza de
Praterías, no corazón da zona vella de Compostela. Haberá catro columnas de
xente que marcharán simultaneamente cara á praza para simbolizar o rexeitamento
de toda a comunidade educativa do país a unha norma tan lesiva para o sistema
público de ensino como é a LOMCE. Unha vez na praza terá lugar un acto lúdico e
reivindicativo.
HORARIOS PARA O GRUPO DEZAO:
Chegada ao
punto de inicio da marcha (CEIP LAMAS DE ABADE) à 10:00
Inicio da
marcha a pe cara a Praza de Praterías à 10:30
Chegada a
Praterías e inicio do acto lúdico e reivindicativo à 12:00
Finalización
do acto à 13:00
Volta para
Deza à aprox. 14:00
O Movemento
Dezao estuda a posibilidade de contratar buses para este día. A expensas dos
trámites pertinentes xa se adianta que o seu custo sería de aproximadamente 8€.
O bus sairía de Lalín ás 09:00 no entorno da Estación de Autobuses e, de ser
necesario, parará en Silleda e Bandeira, de camiño a Compostela.
Esta
cuestión anunciarase a partir da próxima semana en todos os centros de ensino
de Deza. Tamén se pedirá a colaboración de ANPAS.
NON AOS
RECORTES EN EDUCACIÓN – NON Á LOMCE
Deza,
14 de setembro de 2013
únete
– móvete connosco
FACEBOOK à Movemento Dezao polo Ensino Público
CORREO ELECTRÓNICO à movementodezaoensinopublico@gmail.com
Ningún comentario:
Publicar un comentario