Case 200.800 escolares de educación infantil, primaria e especial inician o curso este luns

Este luns, día 12 de setembro, comezarán en Galicia as clases nos ciclos de educación infantil, primaria e educación especial para 200.783 escolares, o que supón un 0,2% menos que no curso escolar 2015/2016, segundo os datos provisionais recompilados polos servizos estatísticos da Consellería de Cultura e Educación.

Este luns, día 12 de setembro, comezarán en Galicia as clases nos ciclos de educación infantil, primaria e educación especial para 200.783 escolares, o que supón un 0,2% menos que no curso escolar 2015/2016, segundo os datos provisionais recompilados polos servizos estatísticos da Consellería de Cultura e Educación.
Conforme as estimacións da Xunta, as cifras de matriculación das cales poden cambiar ao longo do curso escolar, 62.213 alumnos comezarán o mércores 12 de setembro nas aulas de educación infantil, o que supón un 2,3% menos que no curso 2015/2016, un descenso que nos centros públicos é do 2,4%, derivado da progresiva caída da natalidade.
Por tipo de centros, do total de 62.213 alumnos, 43.653 matriculáronse en centros públicos, 17.482 en concertados e 1.078 en privados. Ademais, nesta etapa educativa os estudantes non nacionalizados españois diminuíron lixeiramente respecto do curso anterior, de 932 a 815.
EDUCACIÓN PRIMARIA
Por outra banda, as mesmas previsións que manexa a Consellería de Cultura, Educación e Ordenación Universitaria indican que 137.229 alumnos comezarán o luns as clases de educación primaria en Galicia, o que supón un 0,8% máis que no curso escolar 2015/2016.
En canto ao tipo de centros, 96.715 cursarán os seus estudios en centros públicos, 37.783 en privados concertados e 2.731 en centros privados non concertados. Tamén descende un 14,3% o número de alumnos sen nacionalidade española, que se sitúa en 3.039 alumnos, fronte aos 3.545 do curso 2015/2016.
No que respecta á educación especial, o número estimado de matriculados para este curso é de 1.341, un 1,5% menos que no 2015/2016. Por tipo de centros, un total de 640 alumnos estudarán en centros públicos e 701 en privados con concerto.
CENTROS ESCOLARES E DOCENTES
En concreto, 806 centros impartirán ensinanzas de educación infantil e primaria en toda Galicia, 311 situados na Coruña, 104 en Lugo, 97 en Ourense e 294 en Pontevedra.
No referido ao número de unidades concertadas, este ano será dun total de 3.892. Así, nas etapas infantil, primaria e educación especial haberá cinco unidades concertadas máis que no curso anterior, debido ás necesidades de escolarización das diferentes zonas.
En canto ao profesorado estimado, a falta de que se realicen as pertinentes contratacións de interinos e substitutos para cubrir as necesidades puntuais que se presenten a inicio de curso, indican que o conxunto do sistema educativo galego público contará con 30.269 docentes.
SERVIZOS COMPLEMENTARIOS
Ademais, o mesmo día do inicio do curso escolar empezarán a funcionar os servizos de transporte e os de comedor xestionados pola Consellería, tras as modificacións oportunas que se realizan anualmente para o seu axuste ás necesidades actuais.
Así, este ano, a falta de que se pechen as autorizacións de prazas, o número considerado de prazas de comedor escolar será de 72.631, das cales 12.112 serían xestionadas por Anpas ou concellos, existindo tamén axudas --ou convenios de colaboración-- da Consellería neste concepto para ambas as dúas entidades.
En total, o departamento educativo da Xunta xestiona 434 comedores --302 de forma directa e 132 de forma indirecta, a través de empresas que serven menús con todos os estándares de calidade garantidos--.
Pola súa banda, Anpas son responsables de 134 comedores e os Concellos de 42. Neste sentido, o Goberno galego recordou que a Consellería subvenciona os menús de 2.844 comensais en 40 centros escolares de distintos municipios.
No que respecta ao transporte, préstase servizo --segundo as estimacións provisionais-- a 94.240 alumnos de 784 centros públicos, a través de 3.846 rutas.

STEG pede à Conselharia de Educaçom mais prazo para ajudas para a compra de livros docentes por pessoas em risco

O STEG vén de presentar por rexistro unha solicitude á Consellería de Educación da Xunta de Galicia para que abra un prazo extraordinario para a solicitude de axudas para a adquisición de libros de texto para o curso 2016/17 por parte das familias en risco de exclusión social.

A organización tivo coñecemento de que moitas familias nesta situación, por un ou por outro motivo, non puideron completar en tempo a solicitude de ditas axudas, o que na práctica as obriga a facer un desembolso económico que compromete moi seriamente a súa subsistencia neste comezo de curso e que implica en moitos casos, que o alumnado non dispoña do material preciso para poder ter un normal desenvolvemento escolar e académico.

Doutra banda, o STEG sempre defendeu a gratuidade dos libros de texto para todo o alumnado do ensino público sen excepción así como o seu uso solidario e compartido dun ano para outro, no camiño de garantir o acceso universal á educación por parte de toda a cidadanía sen excepción, coidando especialmente aqueles colectivos e persoas máis desfavorecidos.

A Plataforma Estatal pola Escola Pública considera que a posta en marcha das reválidas é un dos maiores ataques sufridos pola educación en España e prepara novas mobilizacións contra as mesmas para conseguir a súa eliminación.

A Plataforma Estatal pola Escola Pública mantivo a primeira reunión do presente curso escolar no día de onte, abordando a situación educativa actual, pero centrándose na posta en marcha das reválidas, último elo da implantación da LOMCE. As entidades que compoñen a Plataforma Estatal coinciden en que é inaceptable que as reválidas, que cultivaron un rexeitamento unánime da Comunidade Educativa, fosen postas en marcha, ao publicarse no BOE o Real Decreto que as impón o 30 de xullo, e váianse a realizar por primeira vez ao finalizar este curso escolar.
O modelo de reválidas pertence a un modelo educativo do pasado, excluínte, segregador, elitista, que estaba configurado para que, mediante este nefasto instrumento das reválidas, se cribara á inmensa maioría do alumnado. Baste lembrar que no momento da súa eliminación, levada a cabo coa reforma educativa realizada en 1970, de cada 100 alumnos que empezaban a Educación Primaria, só 27 podíano facer en Secundaria e un demoledor por exiguo 3% chegaba á universidade.
A LOMCE quere, mediante as devanditas reválidas, recuperar ese modelo de expulsión do alumnado do sistema educativo de forma prematura, derivando en todo caso a unha parte antes de finalizar dita expulsión cara a unha formación profesional devaluada, mediante a posta en marcha da Formación Profesional Básica e a insistencia de considerar ao alumnado de formación profesional de segunda categoría. Iso si, impulsando a privatización do sistema para asegurar que mentres que as familias con baixos recursos económicos ven como os seus fillos e fillas teñen todo tipo de barreiras para avanzar no seu proceso educativo e no seu progreso social, aquelas que teñen recursos poderán garantir aos seus fillos e fillas unha titulación de acceso fácil e un escenario de preservación das elites que lles farán a vida moito máis cómoda.
Pero se inaceptable é que se publique no BOE o Real Decreto das reválidas no último momento do mes de xullo por un Goberno en funcións, pensando erroneamente que pasaría desapercibido por atoparnos en pleno período vacacional de verán, non o é menos a manipulación realizada polo Goberno en funcións anunciando que podería eliminar as reválidas a cambio de conseguir a investidura do candidato que está en funcións á fronte do mesmo. Este tipo de chantaxes á sociedade demostra que nos gobernan uns responsables políticos que non merecen seguir facéndoo nin un segundo máis.
Por todo iso, a Plataforma Estatal, que segue realizando actuacións en contra da LOMCE, valorou a posta en marcha doutras novas centradas de forma específica contra as reválidas. Entre elas, debateuse sobre unha posible convocatoria de folga que se propuxo no seo da mesma, situada en principio na segunda quincena de outubro ou quizais na primeira de novembro. Dada a importancia de dicha proposta, as diferentes organizacións sopesarán esta posibilidade no interno das súas organizacións e a Plataforma Estatal tomará unha decisión definitiva na próxima reunión, fixada para o 27 de setembro.
Neste sentido, a Plataforma Estatal fai un chamamento ás plataformas autonómicas e locais para que valoren as posibles opcións de mobilización e, de forma concreta, fágano sobre a posible folga. A Plataforma Estatal, ademais da posición das organizacións que a compoñen, necesita coñecer o parecer das plataformas rexionais e locais, para o que solicita que estas envíen un correo a plataforma@escuelapublica.es coa súa posición acordada antes do día 27 de setembro.

Máis de 4.000 docentes que teñen que iniciar o curso o día 15 están a esta altura sen nomear

“É unha auténtica tomadura de pelo que a Consellaría de Educación agarde até o último día”, manifesta CIG-Ensino.

Máis de 4.000 profesores que teñen que iniciar o curso o próximo día 15 están a esta altura sen nomea. Para a CIG-Ensino é “unha auténtica tomadura de pelo que a Consellaría de Educación agarde até o último día,  un venres, a última hora -cando o profesorado xa nin sequera pode contactar con ela- para facer a adxudicación de destino do 28% dos cadros de persoal de secundaria”.
Segundo a resolución provisional de secundaria a Consellaría adxudicoulle destino a 4112 profesores (dos que 806 son interinos e 1725 son substitutos) e dos que 1.138 (o 28%) van ter que impartir afins. CIG-Ensino xa entregou un escrito a Consellaría no que denuncia que na adxudicación provisional de secundaria chaman poderosamente a atención os perfís dalgunhas prazas. “Hai numerosas adxudicacións con afíns que non teñen ningunha afinidade, prazas con máis de dúas afíns, persoas que teñen o mesmo destino có curso pasado en prazas con perfís estraños (12 da especialidade de Informática  con FOL no IES San Clemente), prazas correspondentes a un corpo adxudicadas a outro etc. Por outra parte, hai diferentes prazas con perfís totalmente extravagantes, adxudicadas este ano igual que anos anteriores ao mesmo profesorado”.

“Nin aulas sexistas nin normas franquistas”. Apoian as alumnas expdientadas pola USC por protestar contra o “machismo”

Varias ducias de persoas concentráronse para exixir que non se sancione ás alumnas que protestaron contra o profesor Luciano Méndez. “Fano en base a unha norma franquista”, afirman.

Varias ducias de persoas concentráronse nesta quinta feira perante o edificio do reitorado da USC para exixir que a Universidade non sancione as alumnas que en marzo pasado protestaron “pacificamente” contra o profesor Luciano Méndez polos seus “repetidos comentarios machistas”. As persoas concentradas demandaron, tamén, que se afaste da docencia na USC a este mestre, ao que responsabilizan dun “discurso de odio” do que non se retracta. Un acto que decorreu con motivo da presentación das alegacións por parte das alumnas ameazadas de expediente.

“A normativa á que recurre a USC para intentar sancionarnos data do ano 1954, e foi promulgada polo dictador Francisco Franco”

A concentración estaba convocada por 'Teteiros Ceives', alumnado do Máster de Igualdade, Xénero e Educación. Dúas faixas ('Luciano fóra da USC' e 'USC:normativa franquista') presidían a concentración. “Nin aulas existas nin normas franquistas”, un dos lemas máis coreados polas concentradas. Por que esta referencia á norma frabnquista? “A normativa á que recurre a USC para intentar sancionarnos data do ano 1954, e foi promulgada polo dictador Francisco Franco. A universidade pública non pode rexirse por unha normativa franquista e aínda menos utilizala para perseguir unha protesta ideolóxica en favor da igualdade”, afirman. A isto engaden que “todo o proceso disciplinario deuse de xeito opaco, sen garantías legais, imputando feitos inespecíficos”. Tpor iso, entenden que se atopan nunha situación de indefensión. Máxime cando a sanción pode acarrearlles, din, a perda da matrícula.
Luciano Méndez
Pola contra, consideran que a sanción que establece a USC a Luciano Méndez, 2 meses sen emprego e soldo, é “insuficiente”, pois o docente “tense reafirmado repetida e publicamente no seu discurso de odio”. Entenden que Méndez demostrou a súa incapacidade para dar aulas, “especialmente a mulleres novas”. O pasado mes de febreiro Luciano Méndez proferiu repetidos comentarios machistas contra unha alumna, diante dela e do resto do alumnado,. Esta, acompañada doutras compañeiras, presentou unha denuncia na universidade
Escotímetro
No acto que decorreu na Praza do Obradoiro, unha moza caracterizada como se for Luciano Méndez adicouse a medir, cun “escotímetro”, o escote das participantes na concentración para ver se cumprían cos requisitos e desexos “machistas” do docente. Outra compañeira, caracterizada como Franco, axudáballe na tarefa e gababa as bondades da norma franquista que serve para sancionar as alumnas que protestaron contra Luciano Méndez.

En Marea quer anular o calendario da LOMCE e rematar co encerramento de escolas no rural

O candidato de En Marea, Luís Villares, elixiu A Coruña para apresentar esta cuarta feira as propostas desta formación en materia de educación.

As propostas básicas de En Marea son a anulación do calendario imposto pola LOMCe, pór fin ao encerramento de escolas no rural, recuperar a gratuídade dos libros de texto, fiscalizar os concertos educativos coa escola privada ou incrementar no mínimo o 5 por cento o investimento dedicado á universidade.
En Marea tamén propón acabar coa precariedade laboral do profesorado.
Villares deixou esta frase: “Fronte os valores da coalición Feijóo-Baltar En Marea defende a honradez, a decencia e un sistema educativo pública como vía de transformar o país e convertelo nun país xusto”.

O Mencer activará de novo as clases de apoio escolar

A inscrición abrirase o día 13 e ata o 10 de outubro.

A asociación O Mencer de Lalín activará un curso máis as clases de apoio a escolares e tutorías individualizadas. A inscrición para sumarse ao Cole do Mencer abrirase o día 13 e prolongarase ata o 10 de outubro, podendo formalizarse todos os martes e xoves, de 19.00 a 20.00 horas nas súas instalacións. Tamén fan un chamamento a voluntarios para impartir estas clases. Os actuais colaboradores están citados a unha reunión o día 20, ás 20.00 horas.

Bacharelato de adultos no IES Laxeiro

A matrícula pecharase o día 15.

O instituto Laxeiro de Lalín ten aberta ata o día 15 a matrícula para acudir ao Bacharelato de adultos. Está dirixido a maiores de 18 anos ou de 16, si teñen contrato en vigor, impartíndose as clases de 16.50 a 22.30 horas. Hai modalidades de Ciencias e de Humanidades e Ciencias Sociais.

Santiago e A Coruña, entre as mil mellores universidades do mundo

O QS World University Ranking sitúa á USC no intervalo 551-600 e a UDC no 701+

A compañía Quacquarelli Symonds (QS), especializada en educación superior a nivel mundial, vén de facer públicos os resultados do seu estudo QS World University Ranking, no que analiza seis indicadores de rendemento para establecer unha clasificación das mellores universidades do mundo. Neste ano, QS seleccionou 916 universidades de todo o mundo entre os máis de 3.800 centros estudados. Dentro das seleccionadas, figuran dúas das tres galegas: Santiago e A Coruña.

A USC destaca pola reputación e as citacións, e a UDC pola ratio profesor-alumno

Esta clasificación, que se publica en internet desde o ano 2004, sitúa a USC no intervalo 551-600, no decimoterceiro lugar das institucións españolas. Amais da avaliación global, a USC colócase entre as 400 mellores universidades en Linguas Modernas, Lingua e Literatura Inglesa, Estudos Medioambientais e Matemáticas. A lista destaca, sobre todo, a reputación académica da institución, que supón un 40 por cento da calificación total e que se elabora en base a unha enquisa anual entre académicos. Tamén se destacan o volume de citacións do profesorado, que supón o 20 por cento da nota final. Non en tanto, a USC segue lonxe de acadar o seu mellor rexistro, datado en 2012, cando se situou no rango 451-500.
Pola súa parte, a Universidade da Coruña entra por primeira vez no ránking QS. Queda situada no rango 701+ e destácase, sobre todo, a ratio profesor-alumno, que permite, segundo indican os criterios desta clasificación, ofrecer unha atención individualizada aos alumnos.
Os seis parámetros empregados para elaborar a clasificación son a reputación académica (40 por cento), a valoración dos empregadores (10%), a ratio profesor-alumno (20%), o volume de citacións (20 por cento) e a capacidade de atraer estudantes e investigadores doutros países (10 por cento).
Un ano máis, o Massachussets Institute of Technology sitúase á cabeza da lista, seguido das universidades de Stanford, Harvard, Cambridge e do California Institute of Technology (Caltech). Para atopar a primeira universidade española hai que baixar ata o número 160, onde aparece a Universitat de Barcelona. Despois aparecen a Universitat Autónoma de Barcelona (203), Universidad Autónoma de Madrid (210), Universidad Complutense (239) e a Universidad de Navarra (245).

Aberta a convocatoria do premio Aresa a iniciativas de desenvolvemento rural

O vicerreitor de Coordinación do Campus de Lugo, Javier Bueno Lema, e o presidente de Aresa, Álvaro Rodríguez Eiras, ademais Carlota López, directora adxunta do grupo empresarial de subministros agragandeiros, deron a coñecer esta mañá na capital lucense as bases da nova convocatoria do Premio Aresa de Desenvolvemento Rural,  un galardón de recoñecido prestixio que vai xa pola súa décimo sétima edición.
“Levamos máis de quince anos apoiando conxuntamente iniciativas empresariais que contribúen á mellora da calidade de vida no medio rural galego porque queremos dinamizalo, conservar as actividades agrícolas, gandeiras e forestais e modernizar os sistemas produtivos”, apuntou Rodríguez Eiras, quen tamén indicou que impulsan o Premio Aresa co desexo de que a Galicia rural “ sexa unha boa oportunidade laboral e vital para as vindeiras xeracións”.
Poderán presentarse tanto proxectos de actividade empresarial coma empresas xa consolidadas ou empresarios/as cunha ampla traxectoria, e tamén traballos de I+D+i, sempre que teñan unha aplicación práctica no sector primario. As persoas aspirantes deberán entregar a súa proposta e a documentación correspondente nos rexistros dos campus universitarios de Lugo ou de Santiago de Compostela antes das 14.00 h do 28 de outubro deste ano.

O premio, que chega a edición número 17, está dotado con 10.000 euros

Como vén sendo habitual, as candidaturas serán valoradas por un xurado especializado, integrado por destacados/as representantes da Universidade e do mundo da empresa. Na elección do proxecto premiado primarán a viabilidade económica, a creación de emprego e a innovación. O/a gañador/a, cuxa identidade se fará pública durante o mes de decembro, será recompensado/a cunha dotación de 10.000 euros.
Aresa é un grupo empresarial familiar con máis de 40 anos de andaina, dedicado á distribución de fertilizantes, pensos e outros produtos para a agricultura e gandería. Conta con 50 empregados/as e unhas instalacións de 15.000 m ² situadas en Lugo e Begonte, ademais de no municipio rabadense.
A empresa matriz, Aresa, xunto coa súa empresa participada Soaga, é líder na cornixa cantábrica e en Galicia, Castela e Portugal, comercializando anualmente 300.000 toneladas de fertilizantes. Dentro desta ampla oferta destaca o famoso Fertimón, así como a liña de fertilizantes especiais Fertiland, deseñada para praderías, milleirais, viñedos e patacas.
Recentemente creáronse outras firmas para satisfacer todas as necesidades da xente do rural: Todocampo, cadea de tendas de produtos para a agricultura, a gandería, a xardinería e as mascotas, e Cecoagro, de fabricación de alimentos para o gando e animais de compañía, e un importante mercado de plásticos de agricultura, sementes e fitosanitarios. O volume de facturación conxunto de Aresa e de Soaga aproxímase aos 200 millóns de euros.

A seca abafa o campo galego: perdas na produción e prexuízos de millóns de euros

Organizacións agrarias advirten que se está nunha situación “extrema”. A produción de millo caeu á metade e as perdas son de varias ducias de millóns de euros. 

A seca afoga o campo galego. Recoñéceno gandeiros, produtores, organizacións agrarias... A ausencia de choivas e altas temperaturas está a bater, e non pouco, a un sector, o gandeiro, que non está falto de dificultades após levar meses soportando caídas de prezos. Mais tamén a secta está a xerar problemas e prexuízos a produtores hortícolas, agricultores... “A seca está a afectar moito, como non, e non para ben precisamente”, manifesta Elías Somoza, da Federación rural galega (Fruga) en conversa con Sermos Galiza.
A situación tamén se denuncia desde outras organizacións, como Unións Agrarias, que fala dunha perda do 50% na produción de millo, a principal especie cultivada no país, e perdas por riba dos 50 millóns de euros. A produción anual de millo forraxeiro (somos os principais produtoresz do estado, unhas 70.000 hectáreas cultivadas) sofre, logo, unha perda considerábel. E isto vai afectar negativamente aos gandeiros, tanto de vacún de carne como de leite.
“Imos pasalo moi mal”
“As explotacións de carne e de leite de pastoreo teñen que gastar agora a forraxe que tiñan para o inverno porque coa seca non hai aspstos”, explica Somoza, que incide no problema que para este sector implica que a colleita de millo vaia ser baixa: “É o alimento do gando”. E isto, engade, chega nunha situación na que os baixos prezos do leite provocaron que nos primeiros sete meses do 2016 tivesen que botar o fecho máis de 320 explotacións en Galiza.
Desde UUAA apontan que a merma da produción dase en moitos máis produtos que no millo e que estas perdas non van ser recuperábeis. Máis unha mala nova para o rural galego.
Somoza considera que, se ben a climatoloxía é un imprevisto sobre o que pouco se pode facer, si que a administración pode e deba actuar sobre as súas consecuencias. “Non falo só de indemnizacións”, di, mais de tomar medidas e facer previsións para actuar netse tipo de situacións de seca.

“É preciso que se saiba que en Europa existe moita diversidade lingüística e cultural”

Esta fin de semana ten lugar en Rianxo, dentro das Festas da Guadalupe, o Festival Tosta que celebra a diversidade lingüística e cultural europea. E alí poderemos ver a Xurxo Souto, Quico Cadaval, Guadi Galego, De Vacas, Fran Amil e a Tribo Incomprensíbel... ademais da plurilingüe Banda Tosta e os vascos Oreka TX. 

- Co Festival Tosta remata esta experiencia paneuropea de linguas e culturas minorizadas, non?
- Máis ben comeza unha etapa de intercambio entre os diferentes países que participamos. Neste caso foi baixo a iniciativa de Donostia 2016 e aquí foi en colaboración coa Mesa, coa Deputación da Coruña e co Concello de Rianxo. Pero pensamos que despois deste periplo que comezou en Irlanda e remata dentro de 15 días en Errenteria, ten que continuar logo desta experiencia tan positiva de intercambio de diferentes países con linguas minorizadas e con situacións lingüísticas semellantes. É unha experiencia que tentaremos repetir, polo menos a colaboración entre as diferentes entidades, que son moitas. Aquí o que houbo ao final foi unha irmandade entre entidades moi diferentes pero que comparten a necesidade de rehabilitar e de normalizar as súas linguas.
- En Tosta participaron estados como Irlanda e tamén “rexións” sen autonomía e que perderon a súa lingua hai séculos, como Cornualles. Como foi a colaboración?
- Cornualles está nun proceso de recuperación, pero fundamentalmente quen participan son asociacións, aínda que haxa colaboración dos estados, de cada un destes países: Cornualles, Irlanda, Gales, Frisia, Euskadi e nós.
- Pensades continuar colaborando con eles entón. 
- Si, a Mesa xa está na Rede Europea para a Igualdade das Linguas (ELEN) e xa había relación con moitas das entidades, e agora afortálase con este festival. A nosa idea é mantela porque é preciso que se saiba que en Europa existe moita diversidade, no caso das linguas tamén, e que por desgraza a maior parte das linguas europeas están en situación de minorización e de exclusión nos seus propios territorios e é necesario invertir isto, darlle a volta, e que tamén as entidades sociais teñamos protagonismo.

Aquí o que houbo ao final foi unha irmandade entre entidades moi diferentes pero que comparten a necesidade de rehabilitar e de normalizar as súas linguas

- Esta fin de semana haberá concertos e diferentes actividades. Tamén un mosaico humano. En que consiste?
- A idea é que cada país vaia facendo a súa achega a un gran mosaico que é o Tosta, a diversidade cultural e as ligazóns que temos con todos estes países. Cada un levará unha cartulina e faremos unha foto.
- Pode participar calquera?
- Si, será o domingo a partir das 6.30 da tarde e todo o mundo está convidado a participar, a levantar a súa cartulina e a que se vexa que Galiza existe e que a nosa lingua existe igual que existen outras aínda que non se vexan. É unha maneira lúdica de reivindicar que existimos e que temos dereito a existir.
- Que destacarías do programa desta fin de semana?
- Pois todo, desde a Banda Tosta, unha banda realmente plurilingüe, non como o Decreto. Cada compoñente da Banda fala na súa lingua e todos se fan entender a través da música. Aí vese que a diversidade crea harmonía entre os compoñentes do grupo, o que podería ser unha boa metáfora para ver que falando de igual a igual na lingua de cada un podemos entendernos e respectarnos en igualdade de condicións.

A palabra tosta existe nas diferentes linguas que participan. É o nome dunha táboa nunha embarcación, en todas as linguas

- Hai algunha galega ou galego nesa Banda?
- Si, Mónica de Nut.
- A participación de fóra, ademais da Banda Tosta, é da artista gales Luned Rhys e dos ‘txalapartaris’ vascos Oreka TX. Imaxino que outros galegos participaron nos outros festivais, non?
- Aquí a experiencia previa aos festivais foi un intercambio cultural. No caso galego gañou un concurso da Deputación da Coruña cunha proposta didáctico-cultural Belén Tajes, e estivo nunha residencia de mes e pico en Irlanda, e alí fixo un traballo para coñecer a música tradicional mariñeira irlandesa, e comparouna coa galega. Ese traballo vaino presentar aquí en Rianxo. E  a galesa Luned Rhys, artista plástica, estivo aquí e o traballo que elaborou aquí expoñerase tamén. E remata todo a última semana en Errenteria, onde cada país irá xuntando a súa carga cultural, por iso se chama Tosta Cargo.
- Por que Tosta?
- Porque esta palabra existe nas diferentes linguas que participan. É o nome dunha táboa nunha embarcación, en todas as linguas. No caso do vasco e do irlandés é unha táboa que se utiliza para sentar nos barcos, e no caso do galego é unha táboa que se utiliza para deslizar os barcos para a praia. E por iso se colleu esa palabra como elemento de unión relacionado co mar.
https://youtu.be/jxu2B9aWgb4

As universidades galegas inauguran o novo curso este venres co acto oficial de apertura en Santiago

As universidades do sistema público galego celebrarán este venres o acto oficial co que se dá apertura ao curso académico no ensino superior de Galicia.

As universidades do sistema público galego celebrarán este venres o acto oficial co que se dá apertura ao curso académico no ensino superior de Galicia.
A sesión celebrarase no Salón Nobre do Colexio de Fonseca, da Universidade de Santiago de Compostela e contará coa presenza dos tres reitores galegos, Juan Viaño (USC), Xulio Abalde (UDC) e Salustiano Mato (UVigo), xunto a autoridades como o conselleiro de Cultura, Educación e Ordenación Universitaria, Román Rodríguez, entre outros.
O reitor compostelano pronunciará un discurso en nome das tres institucións académicas, e posteriormente celebrarase unha lección inaugural por parte do catedrático de Lingua Española Alexandre Veiga, que levará por título 'O labor dos copistas dun texto poético de Clerecía'.
A pesar de ser unha xornada non lectiva, manterase a actividade normal e horarios de atención ao público nas Unidades de Xestión Académica do Campus Norte, Vida e Lugo, así como o Servizo de Xestión Académica e a Oficina de Información Universitaria.
Por outro lado, este venres ábrese o quinto prazo de matrícula para o sistema universitario galego, que se estenderá ata as 14.00 horas do martes 13 de setembro.

Nove Universidades blíndanse ante a incerteza das reválidas

Os campus acordan manter os criterios para subir nota da Selectividade na súa admisión e permitir que todos os alumnos aspiren á cualificación máxima: 14

O gran cambio do curso, que para os alumnos de ESO e Bacharelato empeza a partir da semana que vén, son as reválidas da LOMCE. Chegan envolvidas en incerteza porque hai comunidades que queren manter a selectividade e partidos que ameazan con suprimilas se cambia o signo do Goberno. As universidades públicas de nove comunidades pecharon onte unha vía intermedia de exame para que, pase o que pase, os alumnos teñan “tranquilidade”.

É a primeira vez que o chamado G-9 toma unha decisión deste calado nos seus case 20 anos de vida. Con este nome, que lembra ao conclave de potencias mundiais, coñécese desde 1997 ás nove universidades públicas que operan soas nas súas respectivas comunidades autónomas. Son as de Cantabria, Castela-A Mancha, Estremadura, Baleares, A Rioxa, Navarra, Oviedo (por Asturias), País Vasco e a de Zaragoza (que representa a Aragón). Entre todos reciben a uns 200.000 alumnos universitarios, algo máis do 15 % do total.

“Con este acordo, queremos abstraernos do ruído que hai ao redor sobre como van ser exactamente as probas para mandar unha mensaxe de tranquilidade aos estudantes”, explica o reitor da Rioxa e membro do grupo, Xullo Rubio. “Sexa cal for a forma que adopte a proba, mediremos da mesma maneira e sen grandes cambios respecto do que os alumnos estaban habituados coa PAU [Proba de Acceso á Universidade, a selectividade]”.
O decreto que regula as reválidas de cuarto da ESO (14 e 15 anos) e segundo de Bacharelato (17 e 18) publicouse en xullo e deixou unha marxe ata o 30 de novembro para detallar criterios. Durante este curso, serán exames piloto sen valor académico e non servirán para sacarse o título. Pero a de Bacharelato substitúe á selectividade.
Cataluña e Andalucía xa dixeron que non pensan cambiar de proba. Outras rexións ameazan levar o decreto aos tribunais. Son 13 comunidades (as 12 nas que non goberna o PP máis Castela e León, onde si goberna) as que critican o novo sistema.
O acordo do G-9, asinado onte, afecta a rexións de distinto signo político. “Non entramos en como se fará a proba en cada unha. O que facemos, dentro da nosa autonomía, é fixar o que conta para entrar na Universidade”, engade o reitor da Rioxa.
A proba final que cada comunidade decida facer, sexa a antiga PAU ou a nova reválida, supoñerá un 40% da nota de admisión nos nove campus. Ata agora, coa selectividade, todos os alumnos enfróntanse a unha proba xeral con catro exames para obter ata un 10 e a unha proba específica, con materias que elixen eles, para subir a nota final ata 14. O decreto que regula as reválidas non aclara como será a puntuación.

 Ponderacións

Estas nove universidades xa decidiron que a puntuación seguirá sendo 14 e que igualarán a táboa de ponderacións (que sinala, por exemplo, que porcentaxe final representa Matemáticas para o que queira estudar Medicamento) para que os alumnos saiban canto pode supoñer cada materia segundo a carreira á que opten. O acordo tamén prevé fórmulas para corrixir as diferenzas de currículo por comunidades.
Historia da Filosofía, por exemplo, é unha materia de segundo de Bacharelato que deixa de ser obrigatoria coa LOMCE e que 10 comunidades decidiron rescatar na parte que fixan do currículo. É así en Estremadura, pero non na Rioxa, por exemplo. “Garantimos que todos os alumnos poderán optar ao máximo de 14 teñan as materias que teñan. Eles poderán elixir as que máis lles conveñan para subir nota”, engade Rubio. O G-9 trasladará este acordo á conferencia de reitores CRUE para que avalíen a súa posible aplicación a máis campus.

"Non sabemos nin cando nin como vai ser o exame"

Cando Pomba Domínguez plántese por primeira vez fronte aos seus alumnos de segundo de Bacharelato o día 13, diralles: “Esta é a planificación do curso, pero pode cambiar”. “É unha rémora para eles”, explica esta docente con 23 anos de experiencia, que imparte Lingua e Literatura nun instituto de Madrid. Domínguez alude á “incerteza” do inicio de curso que repetiron todos os sindicatos docentes nestes primeiros días de setembro polas reválidas de ESO e Bacharelato. Ata o ministro de Educación en funcións, Íñigo Méndez de Vigo, sinalaba esta semana nunha entrevista a Europa Press que, se hai pacto de Goberno con Cidadáns, “só” suspenderíase a reválida de cuarto da ESO porque a de segundo de Bacharelato substitúe á selectividade. Educación ten ata o 30 de novembro para determinar o marco xeral da proba, que logo deben desenvolver as comunidades.
“Non sabemos nin cando nin como vai ser o exame. En principio, farei os meus contidos como ata agora, pero non se canto temario podo ver sen saber a data e gustaríame que me aclarasen se entran tamén as leccións do primeiro curso”, engade Domínguez.
“Ao principio cumpriremos a programación prevista para este curso e cando teñamos instrucións máis claras tentaremos conectala coas novas demandas”, explica pola súa banda Javier Porto, profesor de Historia e Xeografía de Bacharelato nun instituto andaluz e vicepresidente da Asociación de Profesores de Institutos de Andalucía (APIA). Esta rexión avanzou que non seguirá as pautas do Goberno e prevé implantar probas baseadas na avaliación continua, como xa fixeron o curso pasado coas de primaria.
“Todos os anos formamos aos alumnos mirando na dirección da PAU [antiga selectividade] para que se enfronten a ela coas máximas garantías posibles, pero a incerteza prexudica severamente á súa formación”, denuncia Porto.