Case 27 millóns de menores están en risco de pobreza ou exclusión
social en Europa, segundo datos da Enquisa de Calidade de Vida da UE de
2012 recollidos no informe Pobreza infantil en Europa
de Save the Children presentado este martes. É un millón máis que en
2008, cando comezou a crise, aínda que a metade deste incremento se deu
en só un ano, entre 2011 e 2012.
Este aumento afasta á UE do cumprimento da estratexia Europa 2020 para un crecemento intelixente, sostible e inclusivo que aspira a sacar a 20 millóns de persoas do risco de exclusión social, baseándose no indicador AROPE, que ten en conta o nivel de ingresos, que se sufran privacións materiais graves e que se viva nun fogar no que os adultos estean parados ou teñan empregos moi precarios.
Segundo estes criterios, o 20,8% da poboación menor de 18 anos da UE vive baixo o albor da pobreza. En España este dato é moi superior cun 29,9% dos pequenos nesta situación, a taxa máis alta de Europa só por detrás de Romanía. No conxunto da UE, o 9% dos nenos residen en fogares de moi pouca intensidade laboral e o 11,8% padece privacións materiais. En total, o 28% dos menores están en risco de pobreza e exclusión sobre a base do AROPE. España volve estar por enriba, cun 33,8% dos nenos e nenas afectados por algún (ou varios) destes supostos.
Save the Children alerta ademais que só a metade dos países cumpren co compromiso adquirido en 2002 de facilitar unha atención infantil a, polo menos, un terzo de todos os nenos e nenas menores de tres anos en 2010. "A igualdade no acceso a un coidado infantil alcanzable e a unha educación gratuíta e de alta calidade é esencial para garantir a igualdade de oportunidades", apunta a ONG. En toda Europa, o 13% dos nenos abandonan a escola despois do primeiro nivel de secundaria e non están en programas de formación. De novo, España lidera a lista cun 24,9% de abandono escolar temperán.
Os datos nacionais e globais están estreitamente relacionados co investimento e compromiso en programas específicos para a protección da infancia. Save the Children sinala que son aqueles países que realizan un maior gasto nesta partida, os que menores taxas de pobreza infantil teñen. É o caso dos nórdicos como Austria, Eslovenia e Holanda. Non así España, Italia, Grecia ou Portugal, onde "uns niveis de gasto máis baixos e asociados a unha falta de estratexias" se traducen nunha elevada porcentaxe de menores en risco.
Máis aínda, as políticas sociais estatais redistributivas son tan débiles en determinados países que apenas teñen impacto na redución da pobreza infantil. Grecia e España rexistran os peores datos. No país heleno, as súas axudas públicas ás familias tradúcense nun descenso da pobreza infantil do 2,9%; en España, do 6,9%. Melloras menores comparadas coas de Irlanda, que consegue reducir a pobreza infantil nun 32%, ou Alemaña, que saca do abismo a un 15,6% dos nenos que, sen as axudas ou as subvencións, caerían en situación de precariedade. Andrés Conde, director de Save the Children, considera que a situación en España é "inaceptable". E reclamou "medidas de urxencia" ao Goberno, durante a presentación do documento.
Con todo, "a pobreza en Europa non ten pasaporte", sinala o informe de Save the Children. Así, países con PIB per cápita elevados como Italia ou Francia, teñen unha quinta e unha terceira parte dos seus nenos en risco, cita o documento. A educación e as axudas directas non son as únicas materias pendentes. A organización considera alarmante que un 17% dos nenos europeos vivan en casas con goteiras no teito, humedades no chan ou marcos de ventás podres. E subliña, ademais, que "a pobreza infantil non só significa que non se cubran as necesidades básicas dos nenos, como alimento, vestido e vivenda, tamén significa que non poidan participar en actividades deportivas, culturais e ocio".
Este aumento afasta á UE do cumprimento da estratexia Europa 2020 para un crecemento intelixente, sostible e inclusivo que aspira a sacar a 20 millóns de persoas do risco de exclusión social, baseándose no indicador AROPE, que ten en conta o nivel de ingresos, que se sufran privacións materiais graves e que se viva nun fogar no que os adultos estean parados ou teñan empregos moi precarios.
Segundo estes criterios, o 20,8% da poboación menor de 18 anos da UE vive baixo o albor da pobreza. En España este dato é moi superior cun 29,9% dos pequenos nesta situación, a taxa máis alta de Europa só por detrás de Romanía. No conxunto da UE, o 9% dos nenos residen en fogares de moi pouca intensidade laboral e o 11,8% padece privacións materiais. En total, o 28% dos menores están en risco de pobreza e exclusión sobre a base do AROPE. España volve estar por enriba, cun 33,8% dos nenos e nenas afectados por algún (ou varios) destes supostos.
Save the Children alerta ademais que só a metade dos países cumpren co compromiso adquirido en 2002 de facilitar unha atención infantil a, polo menos, un terzo de todos os nenos e nenas menores de tres anos en 2010. "A igualdade no acceso a un coidado infantil alcanzable e a unha educación gratuíta e de alta calidade é esencial para garantir a igualdade de oportunidades", apunta a ONG. En toda Europa, o 13% dos nenos abandonan a escola despois do primeiro nivel de secundaria e non están en programas de formación. De novo, España lidera a lista cun 24,9% de abandono escolar temperán.
Os datos nacionais e globais están estreitamente relacionados co investimento e compromiso en programas específicos para a protección da infancia. Save the Children sinala que son aqueles países que realizan un maior gasto nesta partida, os que menores taxas de pobreza infantil teñen. É o caso dos nórdicos como Austria, Eslovenia e Holanda. Non así España, Italia, Grecia ou Portugal, onde "uns niveis de gasto máis baixos e asociados a unha falta de estratexias" se traducen nunha elevada porcentaxe de menores en risco.
Máis aínda, as políticas sociais estatais redistributivas son tan débiles en determinados países que apenas teñen impacto na redución da pobreza infantil. Grecia e España rexistran os peores datos. No país heleno, as súas axudas públicas ás familias tradúcense nun descenso da pobreza infantil do 2,9%; en España, do 6,9%. Melloras menores comparadas coas de Irlanda, que consegue reducir a pobreza infantil nun 32%, ou Alemaña, que saca do abismo a un 15,6% dos nenos que, sen as axudas ou as subvencións, caerían en situación de precariedade. Andrés Conde, director de Save the Children, considera que a situación en España é "inaceptable". E reclamou "medidas de urxencia" ao Goberno, durante a presentación do documento.
Con todo, "a pobreza en Europa non ten pasaporte", sinala o informe de Save the Children. Así, países con PIB per cápita elevados como Italia ou Francia, teñen unha quinta e unha terceira parte dos seus nenos en risco, cita o documento. A educación e as axudas directas non son as únicas materias pendentes. A organización considera alarmante que un 17% dos nenos europeos vivan en casas con goteiras no teito, humedades no chan ou marcos de ventás podres. E subliña, ademais, que "a pobreza infantil non só significa que non se cubran as necesidades básicas dos nenos, como alimento, vestido e vivenda, tamén significa que non poidan participar en actividades deportivas, culturais e ocio".
O que din os nenos
O informe de Save the Children 'Pobreza infantil e exclusión social en Europa' recolle testemúñoos de menores en risco. Isto é o que din.Non ten sentido soñar con algo que custa diñeiro"
Neno de 12 anos, Islandia
Para o meu ser pobre é cando non tes diñeiro... non tes nada que poñerte, non tes nada que comer
Nena de 7 anos, Romanía
Antes adoitaba ir ao cine con papá e mamá. Tiña libros, ía ás excursións do colexio e eles podían pagar a hipoteca. Agora non podemos facer nada diso"
Neno de 8 anos, España.
Nunca invitei aos meus amigos de clase á casa... penso nas preguntas que non podería contestar como onde traballa o meu pai. O meu pai recibe axudas sociais"
Neno de 14 anos, Noruega.
Perdín a todos os meus amigos porque non teño suficiente diñeiro. Como non podo saír con eles, pensan que non quero estar con eles. Pero si que quero! Só que non mo podo permitir"
Nena de 17 anos, Suecia.
Volvín do colexio e as miñas cousas desapareceran. O meu pai empaquetáraas. Púxenme moi triste"
Nena de 15 anos, Dinamarca.
Ningún comentario:
Publicar un comentario