Cruces informa as probas para obter o título de ESO

O Concello de Vila de Cruces informa de que ata o 25 deste mes está aberto o prazo para inscribirse nas probas que dan acceso á obtención do título de Graduado en Educación Secundaria. Os exames serán o próximo 29 de maio e están abertos a persoas maiores de 18 anos. Os interesados poden inscribirse nas dependencias do consistorio, onde se lles facilitarán os formularios oficiais da Consellería de Educación, ou facelo a través dos números de teléfono 986 582 017 ó 986 592 616. Haberá unha nova convocatoria das probas en setembro, cuxo prazo de inscrición será entre o 1 e o 10 de xullo.