martes, 10 de marzo de 2015

As mulleres impóñense na terceira edición de Lingua de Namorar

Finalmente xa hai gañadoras na terceira edición do concurso Lingua de Namorar, cuxas bases, premios e obxectivos dimos a coñecer recentemente dende Código Cero. Este luns, sen ir máis lonxe, fíxose pública a resolución da nova entrega do certame, como lembraremos unha iniciativa para convidar á mocidade a adicar declaracións de amor na nosa lingua. Os premios recaeron en seis mozas, cuxas achegas foron elixidas polo xurado de entre as 50 máis votado “polo grao de elaboración, orixinalidade e calidade lingüística”.

O concurso veu da man da Secretaría Xeral de Política Lingüística e da Dirección Xeral de Xuventude e Voluntariado. A terceira edición da convocatoria contou coa participación dun milleiro de escritoras/es e lectoras/es emitindo as súas valoracións. A votación polas mellores mensaxes, que se desenvolveu na Rede, estendeuse durante tres semanas.
Na categoría A, de 14 a 19 anos, resultou gañadora do primeiro premio Marta Gómez Martín (Pontevedra), coa mensaxe Atea; a gañadora do segundo premio foi Saray Díaz Canosa (Narón), pola mensaxe Ego; e a gañadora do terceiro premio foi Sabela Domínguez Souto (Verín, Ourense), pola mensaxe O meu ritmo.
Na categoría B, de 20 a 35 anos, Aitana Iglesias Márquez (Narón, A Coruña), gañou o primeiro premio coa mensaxe Polos opostos; o segundo premio recaeu na mensaxe Sentimento metereolóxico de Sonia Varela García (Arteixo, A Coruña), e o terceiro premio foi para a mensaxe Así, de María J. Chao Sánchez (Ares, A Coruña).
Por certo que as mensaxes gañadoras pódense ler na páxina do concurso.
Segundo informa a organización preto dun milleiro de mozos e mozas participaron no concurso, ben enviando mensaxes, ben como votantes. O prazo de participación estivo aberto do 22 de febreiro. A partir desta data, os usuarios e usuarias puideron votar polas súas mensaxes favoritas até o 27 de febreiro.

Ningún comentario:

Publicar un comentario