Semente Trasancos precisa pessoa trabalhadora para a nova escola da rede

Está prestes a abrir as suas portas Semente Trasancos ao abrigo do projeto Escolas de Ensino Galego Semente. Por esta razom, Semente Trasancos enceta convocatória para procurar pessoa trabalhadora, a qual terá como requisitos umha titulaçom no âmbito da educaçom e compromisso ativo com a língua e qualidade na expressom oral. Além disto, valorizará-se a formaçom em questons de género, participaçom em movimentos sociais, experiência, vinculaçom com o projeto Semente e conhecimento doutras línguas (especialmente inglês).

Deste modo, as Escolas de Ensino Galego, que tomam o seu nome das geridas polas Irmandades da Fala lá polo início do século XX, veem com alegria e entusiasmo nascer o seu terceiro projeto de escola de 2 a 6 anos. Semente Trasancos será o terceiro centro criado de forma autogerida e popular somando-se aos centros de Compostela e Vigo.

Os currículos devem ser endereçados para sementetrasancos@gmail.com.