O IES Laxeiro inicia a súa campaña de fomento da lectura no verán

A biblioteca do IES Laxeiro, en Lalín, acolle esta mañá o inicio dunha campaña de fomento da lectura no verán. Os alumnos poderán escoller entre unha ducia de libros seleccionados e, con aqueles que elixan, levarán unha bolsa decorada polos alumnos de primeiro de Secundaria con motivos do artista Keith Haring e supervisados pola súa profesora Aranzazu Diñeiro. Dentro da bolsa irá unha galleta decorada coa lema Lemos non verán e a guía de lectura Non verán lemos en galego, que deseñaron os equipos de Normalización Lingüística deste instituto e do Chano Piñeiro, de Forcarei. A campaña continuará durante a próxima semana. Ademais, na antiga aula de segundo de Bacharelato o programa de diversificación recrea, a partir das 13.00 horas, un supermercado.