O Consello Superior de Investigacións Científicas (CSIC), a través da Misión Biolóxica de Galicia (MBG), continúa esta semana en Pontevedra co ciclo de seminarios científicos en torno ás Ciencias Agroforestales.
Así, mañá xoves, 1 de setembro, ás 10.00 horas no salón de actos da MBG, Kailen Andrews Mooney, profesor no Departamento de Ecoloxía e Bioloxía Evolutiva da Universidade de California, impartirá o seminario 'Causes and community-level consequenciaes for clinal adaptation in a foundational plant species'.
"O cambio climático está a alterar as interaccións entre as plantas e os seus inimigos naturais (os herbívoros), incrementando tanto os seus niveis de ataque como o seu rango de distribución, explica o experto, que apuntará na charla como o drástico incremento na temperatura e diminución na precipitación que sofre a costa de California durante as últimas décadas afectan ás defensas dun arbusto nativo 'Artemisia californica'' contra os seus herbívoros.
O relator colabora co grupo de Xenética e Ecoloxía Forestal da MBG e o seminario diríxese, fundamentalmente, ao público con coñecementos científicos, se ben é de entrada libre ata completar auditorio.
Ningún comentario:
Publicar un comentario