Centos de mozos preséntanse este mércores ás probas de selectividade de setembro en Galicia

Centos de mozos iniciarán este mércores as probas de selectividade na convocatoria do mes de setembro e que en Galicia se estenderán ata o venres 16.

Centos de mozos iniciarán este mércores as probas de selectividade na convocatoria do mes de setembro e que en Galicia se estenderán ata o venres 16.
A xornada do mércores acollerá próbaas de Lingua Castelá e Literatura, ás 10.00 horas, que consistirá no comentario dun texto non especializado e de carácter informativo e divulgativo relacionado cos contidos da materia.
Posteriormente, celebraranse os exames de Historia de España e Historia da Filosofía (12.15 horas), Lingua Galega e literatura (16.00 horas) e Lingua Estranxeira (18.15 horas).
Ao día seguinte realizaranse os exames de Matemáticas II, Grego II e Técnicas de Expresión Gráfico-Plástica (09.00 horas); Ciencias da terra e ambientais, Literatura Universal e Deseño (11.15 horas); Química, Latín II e Debuxo Artístico II (13.30 horas); Bioloxía e Historia da Arte (16.30 horas); e Electrotecnia, Matemáticas aplicadas ás Ciencias Sociais, e Artes Escénicas (18.45 horas).
A terceira xornada de exames contará coas probas de Física, Xeografía e Análise Musical (09.00 horas); Tecnoloxía Industrial II, Economía da Empresa (11.15 horas); e Debuxo Técnico II e Historia da Música e da Danza.