Formoso destaca a aposta da UDC pola investigación e a educación para lograr competitividade

O presidente da Deputación da Coruña visita xunto ao reitor o Campus Industrial de Ferrol

O presidente da Deputación da Coruña, Valentín González Formoso, destacou que a investigación e a educación son unha aposta "clara" da Universidade da Coruña para "tratar de lograr competitividade".
Ademais, manifestou "a súa sorpresa e satisfacción polo labor que está a desenvolver o Campus Industrial de Ferrol" pertencente á Universidade da Coruña e que tivo ocasión de visitar durante a mañá desta martes en compañía do reitor desta institución, Xulio Abalde e da vicerrectora, Araceli Torres.
González Formoso trasladou aos medios de comunicación, tras percorrer varias dependencias, que se leva "unha grata impresión, pola cantidade de servizos prestados á sociedade, máis alá do importante labor de formación" e, tamén pola "capacidade da que se dispón para mesmo deseñar un estaleiro cunha previsión a dez anos tanto do ámbito civil como militar, para lograr unhas instalacións competitivas e coa mellora das calidade das condicións laborais dos traballadores".
COMBUSTIBLES
O presidente da Deputación da Coruña tamén destacou como dende estas instalacións "se controlan todos os combustibles de Galicia e de cada unha das gasolineiras e depósitos fiscais, centros de distribución de gasóleos de toda a comunidade".
Nos seus analíticas "contrólase a composición e calidade para maior seguridade dos usuarios galegos", ademais da "demanda dalgunhas empresa do ámbito pedindo que algúns dos desenvolvementos lles xa sexamos implementar nos seus procesos produtivos".
González Formoso tamén destacou "a ilusión" que puido percibir neste centro "e que sería bo que a cidade de Ferrol puidese coñecer", ademais de comprometer "todo o apoio posible dende a Deputación en recursos económicos, materiais e tamén moral".
AGRADECEMENTO
Pola súa parte o reitor da Universidade da Coruña, Xulio Abalde, agradeceu a visita do presidente do ente provincial e destacou que "é moi importante que nestes primeiros pasos do Campus Industrial as institucións o coñezan".
Abalde avogou polas ensinanzas superiores pero tamén por converterse "nunha institución de investigación superior e desenvolvemento", que "colabore co sector produtivo desta bisbarra para poder ser competitivo e eficiente".
Por último, trasladou que continuará "traballando conxuntamente coa Deputación e co Concello de Ferrol para que esta bisbarra ocupe o lugar que lle corresponde no ámbito económico e social" do país.