Un informe asegura que o 38% dos galegos non consegue aforrar nin un só euro a final de mes

Un estudo denominado de 'Comparación Online cara ao Aforro Intelixente' e elaborado polo televisivo portal web Rastreator.com -que celebra con este informe o seu sexto aniversario operando en España- apunta á nosa como a segunda comunidade autónoma con menos aforradores no conxunto do Estado, só por detrás de Castela A Mancha.

Parece que a fama non o é todo e que as aparencias, realmente, enganan. Un estudo denominado de Comparación Online cara ao Aforro Intelixente e elaborado polo televisivo portal web Rastreator.com apunta a Galicia como a segunda comunidade autónoma con menos aforradores no conxunto do Estado, só por detrás de Castela A Mancha, xa que un 38% dos galegos non consegue aforrar nin un euro ao mes.

Segundo este estudo, levado a cabo con motivo do seu sexto aniversario en España, este dato aumentou un 5,6% respecto de 2014 e engade que a proporción de aforradores do conxunto da rexión, situada nun 61,9%, é cinco puntos máis baixa que a media nacional, que alcanza un 67%.

A pesar destes datos, o 95% dos galegos comparan prezos antes de comprar, reservar ou contratar un determinado servizo, o que comulga coa sólida tendencia ao aforro do conxunto de cidadáns españois, un das porcentaxes máis altas do total do Estado xunto a Estremadura.

Sectores como o dos seguros ou a telefonía figuran como os máis consolidados neste campo, cunha porcentaxe do 39,8% e do 73,7%, respectivamente, de usuarios que axilizan estes trámites de forma online, mentres que as finanzas persoais ou o consumo de enerxía son outros dous campos que rexistraron un maior aumento no terreo da comparación en liña.

CONSUMIDORES MÁIS CRÍTICOS. Da segunda edición deste estudo que pretende analizar os hábitos de comparación e aforro da poboación española tamén se desprende a existencia dun perfil de consumidor máis crítico e esixente, así como menos fiel ás compañías ou marcas, que compara información de xeito regular en busca das mellores oportunidades, incluso unha vez realizada a compra, para certificar que adquiriu a mellor opción acorde ás súas necesidades.

Estes datos mostran como un 64,4% dos galegos realiza unha planificación mensual de gastos co obxectivo de lograr unha reserva para imprevistos, aínda que só un 16,1% dos seus ingresos destínanse ao aforro, polo que os cidadáns terminan por endebedarse para facer fronte a gastos máis ambiciosos, sinala o estudo.