O nivel cultural dos pais inflúe máis que o económico no resultado escolar

A investigación educativa, co Informe Pisa da OCDE á cabeza, demostrou o enorme impacto que o nivel económico, social e cultural dos pais ten nos resultados escolares dos seus fillos. Pero cada vez parece máis claro que é moito máis importante a parte cultural que a económica. Así ten asegura un novo estudo dos profesores Alice Sullivan e Matt Brown, do Instituto de Educación da Universidade de Londres. O seu traballo asegura que a educación dos pais é máis importante que o nivel económico, e que os recursos culturais accesibles no fogar son aínda máis decisivos á hora de predicir os resultados que ese nivel educativo.
Os recursos culturais, como os libros, os xornais, a música, o cine, etcétera, "son máis importantes que os recursos materiais, polo menos para os resultados cognitivos. Os nosos resultados tamén apoian a idea de que a fluidez lingüística é máis dependente dos recursos culturais dos pais que outras habilidades académicas, como o rendemento de matemáticas", di o traballo. Este analizou os resultados en exames estandarizados de vocabulario, ortografía e matemáticas aos 16 anos tomados da base de datos British Cohort Study, que seguiu a vida duns 17.000 británicos nacidos en 1970.
Encontramos que a cultura da lectura na casa, incluíndo a lectura aos nenos, a lectura de libros e xornais", e, en negativo "os problemas de lectura, relaciónanse significativamente coas puntuacións nas probas dos nenos". Ese impacto modérase de forma "relativamente importante" co nivel educativo dos pais e, en menor medida, con "os recursos materiais" en xeral dun fogar.
Por outra parte, o estudo tamén encontrou que "os nenos que leron por pracer entre os 10 e os 16 anos fixeron máis progresos en matemáticas, vocabulario e ortografía, mesmo despois de descontar o impacto da orixe social dos pais e, mesmo, ese comportamento lector dentro do fogar mencionado máis arriba,". "Dende unha perspectiva política, isto avala firmemente a necesidade de apoiar e fomentar a lectura dos nenos no seu tempo libre", din os autores.